បាត់ដំបង៖ អ្នកនាំពាក្យរដ្ឋបាលខេត្តបាត់ដំបងបានឲ្យដឹងថា រដ្ឋបាលខេត្តបានសម្រេចឲ្យទីតាំងចំនួន៤កន្លែងរបស់ក្រុមហ៊ុនដឹកជញ្ជូនវីរៈ ប៊ុនថាំ ក្នុងក្រុងបាត់ដំបងដំណើរការឡើងវិញ នាព្រឹកថ្ងៃទី៣ខែឧសភា ក្រោយពីធ្វើតេស្តលើសំណាកបុគ្គលិកក្រុមហ៊ុននេះ៨៨នាក់ ទាំង៧ទីតាំង គឺអវិជ្ជមានកូវីដ-១៩ ទាំងអស់ រួមទាំងតៃកុងឡានផង ។ លោក សឿម ប៊ុនរិទ្ធ អភិបាលរងនិងជាអ្នកនាំពាក្យរដ្ឋបាលខេត្តបាត់ដំបងមានប្រសាសន៍ថា ទីតាំងទាំងបួនខាងលើនេះ ឲ្យដំណើរការវិញ ដោយសារតែវាអត់ពាក់ព័ន្ធនឹងតៃកុងឡាន ដែលអាជ្ញាធរខេត្តប៉ៃលិនរកឃើញវិជ្ជមានកូវីដ-១៩នោះទេ ព្រោះទិសដៅឡានទម្លាក់អីវ៉ាន់ របស់តៃកុងឡាននេះ គឺពីក្រុង ប៉ោយប៉ែត កាត់តាមផ្លូវជាតិលេខ៥៩ ទៅស្រុកកំរៀង ភ្នំព្រឹក និង សំពៅលូន និងទម្លាក់នៅ ខេត្តប៉ៃលិន ប៉ុណ្ណោះ។ម្យ៉ាងទៀតតៃកុងឡានដែលរកឃើញវិជ្ជមានកូវីដ-១៩នេះ ត្រូវបានមន្ទីរសុខាភិបាលខេត្តបាត់ដំបងយកសំណាកមកពិនិត្យជាថ្មី គឺលទ្ធផលអវិជ្ជមានកូវីដ-១៩ ។ អ្នកនាំពាក្យខាងលើបញ្ជាក់ថា ចំណែកទីតាំងការិយាល័យក្រុមហ៊ុនវីរៈប៊ុនថាំបីទៀតនៅស្រុកកំរៀង ភ្នំព្រឹក និង សំពៅលូន ត្រូវបានបិទខ្ទប់ រយៈពេលខ្លីសិន រង់ចាំអាជ្ញាធរខេត្តប៉ៃលិន បញ្ជូនសំណាកម្តងទៀតទៅវិទ្យាស្ថាន ប៉ាស័្ទរ ឬ វិទ្យាស្ថាន សុខភាពសាធារណៈនៅរាជធានី ភ្នំពេញ ដើម្បីបញ្ជាក់ឲ្យអស់ចិត្ត នាថ្ងៃទី០៤ខែឧសភា ។ លោកបញ្ជាក់ថា បើសិនជាលទ្ធផលនៅទីក្រុងភ្នំពេញ ពិនិត្យឃើញថា តៃកុងឡាននេះអវិជ្ជមានកូវីដ-១៩ដែរ អាជ្ញាធរខេត្តនឹងដាក់ឲ្យដំណើរការការិយាល័យក្រុមហ៊ុនបីទីតាំងខាងលើឡើងវិញភ្លាមៗ ទាំងអស់ដែរ។ សូមបញ្ជាក់ថា តៃកុងឡានម្នាក់របស់ក្រុមហ៊ុនវីរៈប៊ុនថាំដែលដឹកអីវ៉ាន់មានទិសដៅពី ពីក្រុងប៉ោយប៉ែត ខេត្តបន្ទាយមានជ័យ កាត់តាម ផ្លូវជាតិលេខ៥៩ មកទម្លាក់អីវ៉ាន់នៅក្បាលដំរី និង ស្រុកម៉ាឡៃ ព្រមទាំង ស្រុកជាប់ព្រំដែនទាំងបីរបស់ខេត្តបាត់ដំបង កំរៀង ភ្នំព្រឹក សំពៅលូន និង ខេត្តប៉ៃលិន នោះ ត្រូវបានមន្រ្តីជំនាញនៅខេត្តប៉ៃលិន ស្ទាក់និងនាំយកទៅពិនិត្យសំណាក ឃើញមានវិជ្ជមានកូវីដ-១៩ម្នាក់ នាថ្ងៃទី០២ខែឧសភា។ក្រោយពីទទួលបានព័ត៌មាននេះ រដ្ឋបាលខេត្តបាត់ដំបងបានសម្រេច បិទ៧ទីតាំងរបស់ ក្រុមហ៊ុននេះមិនឲ្យមានការ ចេញចូល និងយកសំណាកបុគ្គលិក ទាំងអស់៨៨នាក់ទៅធ្វើសំណាកទាំងយប់ ដល់រំលងអាធ្រាតឈានចូលថ្ងៃទី០៣ខែមេសា លទ្ធផលគឺ អវិជ្ជមានកូវីដ-១៩ទាំងអស់ បូកទាំងតៃកុងឡាននោះផងដែរ ៕
វិទ្យុជាតិកម្ពុជា៖អត្ថបទ លោក ភី សុខវិទ្យុជាតិកម្ពុជាចំការចេក
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNXc4QWc9PSIsImV4cCI6bnVsbCwicHVyIjoiYmxvYl9pZCJ9fQ==--63e9d940b56a0f309999cd3124f39472216af98d/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/0E8DE558-15B2-43A7-9733-C946861.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNXM4QWc9PSIsImV4cCI6bnVsbCwicHVyIjoiYmxvYl9pZCJ9fQ==--0ea1fb3e728daba056cffec36b69be9e6a7e304c/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/A2E753FC-B84E-4762-9D30-14D1D41.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNW84QWc9PSIsImV4cCI6bnVsbCwicHVyIjoiYmxvYl9pZCJ9fQ==--fc113d003fd71f044510b4ff598c98611c165cc7/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/269DF58E-7B35-4A7E-872A-ED16D52.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNTA4QWc9PSIsImV4cCI6bnVsbCwicHVyIjoiYmxvYl9pZCJ9fQ==--c2a2d2fab62f6770b390810c98bdfcb4d8a71743/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/8891F0EB-3155-4AD4-A010-D414B3F.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNWc4QWc9PSIsImV4cCI6bnVsbCwicHVyIjoiYmxvYl9pZCJ9fQ==--ae72603774f2634555b8086595dc94ffd5b9526c/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/A9700CA5-E0FA-4135-83BC-FDE5704.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNWs4QWc9PSIsImV4cCI6bnVsbCwicHVyIjoiYmxvYl9pZCJ9fQ==--4981a0209be440c8e1c1f6d52333d69979e2c358/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/53E8A62D-92FD-4F2F-A4D6-7769BDD.jpeg)
0 comments:
Post a Comment