ទីតាំងសង្វៀនជល់មាន់និងអាប៉ោងដុះស្លែរ មួយន្លែងលេងយ៉ាងបានយ៉ាងរលូនគ្មាន អាជ្ញាធរមានសមត្ថកិច្ចចុះមកបង្ក្រាបសោះឡើយ

ខេត្តកំពង់ចាម៖ ទីតាំងល្បែងស៊ីសងប្រជល់មាន់និងអាប៉ោងខុសច្បាប់ដ៍ធំមួយកន្លែងលេងឡើងដុះស្លែដែលស្ថិតនៅក្នុង​ ភូមិប្រព្រេងចូលទៅចំការស្វាយចន្ទីស្ថិតនៅ ឃុំស្ពឺ ស្រុកចំការលើ ខេត្តកំពង់ចាមបើកដំណើរការបានយ៉ាងរលូនដោយមិនខ្លាចអាជ្ញាធរមានសមត្ថកិច្ចបង្ក្រាបឡើយ ។

ប្រជាពលរដ្ឋបានឲ្យដឹងថា នៅក្នុងមូលដ្ឋានរបស់ពួកគាត់មានគេបើកសង្វៀនបញ្ជល់មាន់ វង់អាប៉ោង និងយូគីលេងយ៉ាងពេញបន្ទុកដោយមានអ្នកចូលរួមលេងល្បែងយ៉ាងពពាក់ពពូន ដោយគ្មានការទប់ស្កាត់ពីមន្ត្រីអាជ្ញាធរ មានសមត្ថកិច្ចមូលដ្ឋានឡើយ។

ហើយបើតាម ប្រភពពីប្រជាពលរដ្ឋឲ្យដឹង ថាទីតាំងមួយកន្លែងនេះដោយមានមេល្បែងស៊ីសងមានអ្នកឈ្មោះលោកទូច, អាចបើកល្បែងស៊ីសងខុសច្បាប់គ្រប់ប្រភេទតាមអំពើចិត្ត ប្រហែលចេះមន្តអាគម៍សន្តំចិត្ត ទើបមន្ត្រី ពាក់ព័ន្ធ មើលមិនឃើញ។

ប្រភពពីប្រជាពលរដ្ឋបានលើកឡើងថាប្រហែលជាលោក អភិបាលស្រុក និងលោក  អធិការនគរបាលស្រុកចំការលើ ប្រហែលជាត្រូវថ្នាំសន្តំរបស់  លោក ទូច ហើយមើលទៅបានជា លោកទូច មានសមត្ថភាព បើកសង្វៀនមាន់ជល់បានយ៉ាងរលូនគ្មានខ្លាចអាជ្ញាធរ។

ប្រជាពលរដ្ឋដែលរស់នៅភូមិឃុំខាងលើស្នើសុំដល់​ ឯកឧត្តម  អភិបាលនៃគណៈអភិបាល​ ខេត្តកំពង់ចាម និង

លោក  ស្នងការនគរបាលខេត្តកំពង់ចាម គួរមានវិធានការច្បាប់ចុះបង្ក្រាបទីតាំងល្បែងសុីសងទាំងនោះផងដើម្បីគោលនយោបាយភូមិឃុំមានសុវត្ថិភាពទាំង៧ចំណុច របស់រាជរដ្ឋាភិបាលដែលដាក់ថ្នាក់កោមអោយអនុវត្ត ប្រកបដោយប្រសិទ្ធភាពខ្ពស់។

អ្នកនិពន្ឋ: ព័ត៌មានសន្តិសុខ