ព្រឹកថ្ងៃទី១៣ ខែធ្នូ ឆ្នាំ២០២៤ នេះ លោក ម៉ននី បណ្ឌិត អភិបាលក្រុងព្រៃវែង ក្នុងនាមអនុប្រធានគណបក្សក្រុងព្រៃវែង លោក សុិន សារៈ ប្រធានគណបក្សក្រុងព្រៃវែង បានអញ្ជើញរៀបចំពិធីក្រុងពាលីបញ្ចុះបឋមសិលាកសាងរបង និងក្លោងទ្វារគណបក្សប្រជាជនកម្ពុជាក្រុងព្រៃវែង នៅស្នាក់ការគណបក្សក្រុង សង្កាត់បារាយណ៍ ក្រុងព្រៃវែង ខេត្តព្រៃវែង។
មានការអញ្ជើញចូលរួមពីលោក លោកស្រីអនុប្រធាន អនុប្រធានប្រចាំការគណបក្សក្រុង លោក លោកស្រីសមាជិកគណបក្សក្រុង លោក លោកស្រីប្រធានគណបក្សសង្កាត់ទាំងបួន វិទ្យាល័យ និងសមាសភាពពាក់ព័ន្ធ។
អ្នកនិពន្ឋ: ព័ត៌មានជាតិ
ប្រធានាធិបតីប្រទេសកូរ៉េខាងត្បូង លោក Yoon Suk Yeol ប្រឈមមុខទៅនឹងការបោះឆ្នោតដាក់ការចោទប្រកាន់ជុំទីពីរនៅថ្ងៃសៅរ៍នេះ ជុំវិញការប៉ុនប៉ងរយៈពេលខ្លីរបស់លោកក្នុងការដាក់ច្បាប់អាជ្ញាសឹក ជាចំណាត់ការមួយដែលធ្វើឱ្យប្រទេសនេះភ្ញាក់ផ្អើល ធ្វើឲ្យបែកបាក់ក្នុងចំណោមគណបក្សរបស់លោក និងធ្វើឲ្យប៉ះពាល់ធ្ងន់ធ្ងរដល់តំណែងប្រធានាធិបតីនៅពាក់កណ្តាលអាណត្តិរបស់លោក។
ចំណាត់ការរបស់លោក ក្នុងការដាក់ការគ្រប់គ្រងដោយយោធាកាលថ្ងៃទី៣ ខែធ្នូ ដែលត្រូវបានដកចេញវិញត្រឹមតែ៦ម៉ោងក្រោយមក បន្ទាប់ពីសភាបានជំទាស់ទៅនឹងកងទ័ពនិងនគរបាល ដើម្បីបោះឆ្នោតប្រឆាំងក្រឹត្យនេះ ប៉ុន្តែវាបានធ្វើឱ្យប្រទេស ធ្លាក់ចូលទៅក្នុងវិបត្តិរដ្ឋធម្មនុញ្ញ និងបានបង្កឱ្យមានការអំពាវនាវយ៉ាងទូលំទូលាយឱ្យលោកលាចេញពីតំណែងពីបទបំពានច្បាប់។ គណបក្សប្រឆាំងគ្រោងនឹងធ្វើការបោះឆ្នោតដាក់ការចោទប្រកាន់នៅម៉ោង៤ រសៀលថ្ងៃសៅរ៍នេះ ម៉ោងក្នុងស្រុក ខណៈមានបាតុកម្មទ្រង់ទ្រាយធំ ដែលបានគ្រោងទុកមុនការបោះឆ្នោត។
គណបក្សអំណាចប្រជាជនអភិរក្សនិយម(PPP)របស់លោក Yoon បានធ្វើពហិការ មិនចូលរួមក្នុងការបោះឆ្នោតដាក់ការចោទប្រកាន់កាលពីលើកដំបូងមួយសប្តាហ៍មុននេះ ដោយបានរារាំងដល់អង្គប្រជុំ។ ចាប់តាំងពីពេលនោះមក មេដឹកនាំគណបក្ស PPP លោក Han Dong-hoon បានជំរុញសមាជិកបក្សឱ្យបោះឆ្នោតសម្រាប់ការចោទប្រកាន់នៅថ្ងៃសៅរ៍នេះ ហើយយ៉ាងហោចណាស់សមាជិកគណបក្ស PPP ចំនួន៧រូប បាននិយាយថាពួកគេនឹងបោះឆ្នោតដើម្បីដាក់ការចោទប្រកាន់។
គណបក្សប្រឆាំងគ្រប់គ្រងអាសនៈចំនួន១៩២ ក្នុងចំណោម៣០០អសនៈ នៅក្នុងសភាតែមួយ ដូច្នេះពួកគេត្រូវការសំឡេងយ៉ាងតិច៨ របស់គណបក្ស PPP ដើម្បីឲ្យគ្រប់ចំនួនពីរភាគបីសម្រាប់ដាក់ការចោទប្រកាន់។
ប្រសិនបើតុលាការដកលោក Yoon ឬលោកលាលែងពីតំណែង ការបោះឆ្នោតប្រធានាធិបតី ត្រូវតែធ្វើឡើងក្នុងរយៈពេល៦០ថ្ងៃ។ លោក Yoon ស្ថិតក្រោមការស៊ើបអង្កេតផ្នែកព្រហ្មទណ្ឌដាច់ដោយឡែក សម្រាប់ការបះបោរ តាមដែលបានចោទចោទប្រកាន់លើការប្រកាសច្បាប់អាជ្ញាសឹក ហើយអាជ្ញាធរ បានហាមឃាត់លោក មិនឱ្យធ្វើដំណើរទៅក្រៅប្រទេស។
អ្នកនិពន្ឋ: ព័ត៌មានសន្តិសុខជាតិ
(ភ្នំពេញ)៖ លោកសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានថ្លែងថា ពេលបានជួបជាមួយ សមាគមនិកាយសាសនាចក្រ នៃព្រះយេស៊ូវគ្រីស្ទ នៃពួកបរិសុទ្ធ ថ្ងៃចុងក្រោយ ប្រៀបបីដូចជាបានជួបជុំក្រុមគ្រួសារក្នុងផ្ទះដ៏សែនកក់ក្តៅ ដែលសមាគមតែងតែបានចូលរួមចំណែកសហការគាំទ្រអភិវឌ្ឍវិស័យសុខាភិបាល នៅព្រះរាជាណាចក្រកម្ពុជា។
អ្នកនិពន្ឋ: ព័ត៌មានជាតិ
(អង់ការ៉ា-តួគីយេ)៖ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា នៅថ្ងៃទី១២ ខែធ្នូ ឆ្នាំ២០២៤ នៅចំពោះមុខប្រធានរដ្ឋសភាសាធារណរដ្ឋតួគីយេ បានបង្ហាញនូវការពេញចិត្តចំពោះតួនាទី របស់តួគីយេ ក្នុងការចូលរួមដំណោះស្រាយជាអន្តរជាតិ ពិសេសជម្លោះរវាងរុស្ស៉ី-អ៊ុយក្រែន។
អ្នកនិពន្ឋ: ព័ត៌មានជាតិ
(ភ្នំពេញ)៖ លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន នារសៀលថ្ងៃទី១១ ខែធ្នូ ឆ្នាំ២០២៤នេះ បានដឹកនាំកិច្ចប្រជុំថ្នាក់ដឹកនាំក្រសួង ដោយមានការអញ្ជើញចូលពី លោក លោកស្រី ជាថ្នាក់ដឹកនាំ និងមន្ត្រីពាក់ព័ន្ធក្រោមឱវាទក្រសួង ជាច្រើនរូប។
អ្នកនិពន្ឋ: ព័ត៌មានជាតិ
(ភ្នំពេញ)៖ លោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានកោតសរសើរថា អ្នកឆ្លងកាត់ការបណ្តុះបណ្តាលនៅអង្គការដើម្បីភាពញញឹមនៃកុមារ (PSE) គឺពោរពេញដោយជំនាញ និងចរិយាសម្បត្តិ។
អ្នកនិពន្ឋ: ព័ត៌មានជាតិ
(ដូហា, កាតា)៖ សម្តេចតេជោ ហ៊ុន សែន ប្រធានសភាកម្ពុជា និងលោក ហាសាន់ ប៊ីន អាបឌុលឡា អាល-ហ្កានីម (Hassan bin Abdullah Al Ghanim) ប្រធានសភាកាតា បានប្រកាសប្រឹប្រែងធ្វើការរួមគ្នា ដើម្បីជាចំណែកដល់សុខសន្តិភាពសកល។
(ភ្នំពេញ)៖ លោកសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានស្នើដល់មន្រ្តីក្រោមឱវាទបន្តស្មារតីបុរេសកម្ម គ្រប់សកម្មភាពការងារ ជាពិសេសបង្កើនការងារផ្សព្វផ្សាយសារអប់រំសុខភាព ឲ្យកាន់តែទូលំទូលាយដល់សហគមន៍។
(យូណាន-ចិន)៖ ថ្លែងក្នុងសុន្ទរកថា នៅវេទិកាប្រចាំឆ្នាំរបស់បណ្តាញប្រព័ន្ធផ្សព្វផ្សាយអាស៊ីខាងត្បូង និងអាស៊ីអាគ្នេយ៍ ដែលប្រព្រឹត្តឡើងនៅថ្ងៃទី៩ ខែធ្នូ ឆ្នាំ២០២៤ រដ្ឋមន្ត្រីព័ត៌មានកម្ពុជា ឯកឧត្តម នេត្រ ភក្ត្រា បានសង្កត់ធ្ងន់ពីតួនាទីសំខាន់ របស់ប្រព័ន្ធផ្សព្វផ្សាយ ក្នុងការចងសាមគ្គីភាពតំបន់ និងការអភិវឌ្ឍសេដ្ឋកិច្ចសង្គម។
អ្នកនិពន្ឋ: ព័ត៌មានជាតិ
ឯកឧត្តមបណ្ឌិត ជាម ចន្ទ័សោភ័ណ អភិបាលខេត្តកំពង់ស្ពឺ បានលើកឡើងថា ល្បែងអនឡាញ និងកម្ចីប្រាក់តាមអនឡាញ បាននិងកំពុងបង្កជាហានិភ័យខ្ពស់បំផុតសម្រាប់ប្រជាពលរដ្ឋ ដូច្នេះអ្នកដែលចូលចិត្តប្រព្រឹត្តិ និងញៀនល្បែងស៊ីសង ខ្ចីប្រាក់ពីកម្ចីតាមអនឡាញគួរតែបញ្ឈប់ពីពេលនេះតទៅ ចៀសវាងមានវិប្បដិសារីទៅថ្ងៃក្រោយ និងត្រូវទទួលទោសទណ្ឌដោយមិនមានការលើកលែងឡើយ។
ឯកឧត្តមបណ្ឌិត ជាម ចន្ទ័សោភ័ណ បានលើកឡើងនៅព្រឹកថ្ងៃទី៩ ខែធ្នូ ឆ្នាំ២០២៤ ក្នុងវេទិកាផ្សព្វផ្សាយសារាចរណែនាំស្តីពីការបញ្ឈប់សកម្មភាពផ្សព្វផ្សាយល្បែងស៊ីសងខុសច្បាប់ នៅសាលាខេត្តកំពង់ស្ពឺ។
ឯកឧត្តមបណ្ឌិត ជាម ចន្ទ័សោភ័ណ បានឲ្យដឹងថា បច្ចុប្បន្ននៅតាមបណ្តាញសង្គមមួយចំនួន បាននិងកំពុងអូសទាញប្រជាពលរដ្ឋឱ្យចូលលេងល្បែងស៊ីសងខុសច្បាប់ដោយផ្ទាល់ ឬល្បែងអនឡាញ តាមរយៈការផលិតរូបភាព និងមាតិកាល្បែងស៊ីសង។ល។
នៅក្នុងសកម្មភាពផ្សព្វផ្សាយ និងចែករំលែកបន្ត (Share) អំពីល្បែងស៊ីសងខុសច្បាប់ទាំងនេះ ក៏មានការចូលរួមពីបុគ្គលមានប្រជាប្រិយភាព និងអ្នកផលិតមាតិកាសង្គមមួយចំនួនផងដែរ ដែលជាហេតុធ្វើឱ្យសាធារណជនមាន ការភាន់ច្រឡំ ហើយបន្តចែកចាយរូបភាពវីដេអូ និងមាតិកាទាំងនោះ ធ្វើឱ្យប៉ះពាល់យ៉ាងធ្ងន់ធ្ងរដល់សន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម។
ជាមួយគ្នានេះ ដោយសារតែវិបត្តិអាជីវកម្ម និងការលង់ខ្លួនជាមួយល្បែងអនឡាញ ក៏មានបងប្អូនប្រជាពលរដ្ឋមួយចំនួន បានហក់ចូល ឬបង្ខំចិត្តទៅខ្ចីប្រាក់ពីកម្ចីអនឡាញថែមទៀត ក្នុងនោះអ្នកដាក់កម្ចីនេះ គឺជាជនបរទេស បានយកអត្រាការប្រាក់ដ៏ច្រើនលើសលប់ ខ្លះមានអត្រាការប្រាក់២០ដុល្លារ ទៅ៥០ដុល្លារ ក្នុងកម្ចី១០០ដុល្លារ ដើម្បីទ្រទ្រង់មុខរបរ និងដើម្បីដោះបំណុលដែលខ្ចីលេងល្បែងអនឡាញ ហើយដោយសារតែអត្រាការ ប្រាក់ខ្ពស់ពេកនេះ បានធ្វើឱ្យប្រជាពលរដ្ឋខ្លះវ័ណ្ឌកដោះមិនរួច ហើយខ្លះហ៊ានដល់ទៅបញ្ចប់ជីវិតដើម្បីគេចវេសពីបំណុលនេះទៀតផង។
ដើម្បីពង្រឹងលើកិច្ចការនេះ ឯកឧត្តមបណ្ឌិត ជាម ចន្ទ័សោភ័ណ បានណែនាំសមត្ថកិច្ចពាក់ព័ន្ធ និងអាជ្ញាធរក្រុង-ស្រុកទាំង៩ ត្រូវបង្កើនប្រសិទ្ធិភាព នៃការផ្សព្វផ្សាយឱ្យបានទូលំទូលាយពីផលប៉ះពាល់ នៃការលេងល្បែងស៊ីសងគ្រប់ប្រភេទ ទាំងល្បែងអនឡាញ ល្បែងនៅតាមផ្ទះ ក្នុងនោះល្បែងបៀស៊ីគូរថៃ ក៏ចាត់ចូលជាល្បែងស៊ីសងដូចគ្នាដែរ។
ទន្ទឹមនិងការផ្សព្វផ្សាយនេះ សមត្ថកិច្ច និងអាជ្ញាធរក្រុង-ស្រុក ត្រូវបន្តពិនិត្យតាមដានរាល់សកម្មភាព នៃទីតាំងបើកល្បែង ពិនិត្យរាល់ឯកសារពាក់ព័ន្ធ ផ្ទាំងប៉ាណូដែលបង្កប់ស្លាកសញ្ញាល្បែង និងចាត់វិធានការឱ្យបានតឹងរឹង លើការទប់ស្កាត់ បង្ក្រាបឱ្យបាន ក្នុងនោះចៅក្រមតុលាការត្រូវដាក់ទោសទណ្ឌឱ្យបានធ្ងន់ធ្ងរដល់អ្នកលេងល្បែងទាំងអស់នោះដើម្បីឱ្យមានការរាងចាល។
ឯកឧត្តមបន្តថា រាល់ការបើកឱ្យមានការកម្សាន្តរាត្រី រដ្ឋបាលខេត្ត និងអង្គភាពពាក់ព័ន្ធ ត្រូវតាមដាន និងបញ្ឈប់រាល់សកម្មភាពរបស់តារាល្បីៗ ដែលឆ្លៀតឱកាសផ្សព្វផ្សាយពីល្បែងស៊ីសង ឆែកមើល និងរកឱ្យឃើញចំពោះបណ្តាញសង្គមណាដែលផ្សព្វផ្សាយពីល្បែង ក្នុងករណីរកឃើញថាការផ្សាយចេញពីក្នុងមូលដ្ឋានខេត្តកំពង់ស្ពឺ សមត្ថកិច្ចត្រូវចាត់វិធានការបង្ក្រាបភ្លាមដោយមិនត្រូវទុកយូរឡើយ។
ទន្ទឹមនិងនេះដែរ ឯកឧត្តមអភិបាលខេត្តកំពង់ស្ពឺ បានបញ្ជាក់បន្ថែមថា លោកអធិការស្រុក និងមេអាវុធហត្ថមូលដ្ឋានក្រុង-ស្រុកទាំង៩ ត្រូវអនុវត្តឱ្យបានក្នុងមូលដ្ឋានរបស់ខ្លួន ក្នុងករណីរកឃើញថា លោកអធិការ និងមេអាវុធហត្ថមូលដ្ឋានក្រុងស្រុកណាមានការជាប់ពាក់ព័ន្ធជាមួយការបើកលេងល្បែងស៊ីសងគ្រប់ប្រភេទ នឹងត្រូវទទួលទោសទណ្ឌតាមផ្លូវច្បាប់ដោយមិនមានការលើកលែងឡើយ៕
អ្នកនិពន្ឋ: ព័ត៌មានជាតិ
(ភ្នំពេញ)៖ លោក សូ វិសុទ្ធី រដ្ឋលេខាធិការក្រសួងប្រៃសណីយ៍ និងទូរគមនាគមន៍ (ក.ប.ទ.) បានលើកឡើងថា សន្តិសុខសាយប័យ ពិតជាមានសារៈសំខាន់ណាស់ សម្រាប់ការធ្វើបរិវត្តកម្មឌីជីថល លើគ្រប់វិស័យនៅកម្ពុជា ដូចជា៖ សេវារបស់រដ្ឋាភិបាល ពាណិជ្ជកម្មអេឡិចត្រូនិក ធនាគារជាដើម។
(ប៉ៃលិន)៖ លោកស្រីបណ្ឌិត បាន ស្រីមុំ អភិបាលខេត្តប៉ៃលិន នាថ្ងៃទី០៨ ខែធ្នូ ឆ្នាំ២០២៤ បានដឹកនាំមន្ត្រីជំនាញ និងក្រុមការងារចុះពិនិត្យមើលការប្រមូលផលបន្លែផ្លែឈើ ដូចជា ផ្លែមៀនប៉ៃលិន ផ្លែស្វាយកែវល្មៀតនិងបន្លែរបស់កសិករ នៅឃុំសាលាក្រៅ និងឃុំស្ទឹងត្រង់ ស្រុកសាលាក្រៅ ខេត្តប៉ៃលិន ដើម្បីផ្គត់ផ្គង់ទីផ្សារក្នុងស្រុក និងនាំចេញ ខណៈឆ្នាំនេះទីផ្សារល្អប្រសើជាងឆ្នាំកន្លងទៅ។
sps-news.com
