-->
សូមស្វាគមន៍ www.sps-news.com / មានទទួល សេវាកម្មផ្សាយពាណិជ្ជកម្ម គ្រប់ប្រភេទ /ទំនាក់ទំនង Tel: 090 905 988 / 086 309 181 / 016998799
សូមស្វាគមន៍ គេហទំព័រ ស្ពាន សន្តិភាព មានទទួល សេវាកម្មផ្សាយពាណិជ្ជកម្ម គ្រប់ប្រភេទ /ទំនាក់ទំនង Tel: 090 905 988 / 086 309 181 / 016998799

Thursday, January 21, 2021

សម្តេច​ក្រឡាហោម ស ខេង សម្ពោធ​ដាក់ឱ្យ​ប្រើប្រាស់​ជា​ផ្លូវការ​អគារសិក្សា នៅ​សាលាបឋមសិក្សា សម្តេច ជា ស៊ីម ក្រុង​បាត់ដំបង​

ចំនួនអ្នកទស្សនា: Views

 




AKP បាត់ដំបង ថ្ងៃទី​២១ ខែមករា ឆ្នាំ​២០២១--

​នៅ ថ្ងៃ​៧​កើត ខែមាឃ ឆ្នាំជូត ទោស័ក ព​.​ស​. ២៥៦៤ ត្រូវ​នឹង​ថ្ងៃ​ពុធ ទី​២០ ខែមករា ឆ្នាំ​២០២១ សម្តេច​ក្រឡាហោម ស ខេង ឧបនាយក​រដ្ឋ មន្ត្រី រដ្ឋមន្ត្រី​ក្រសួងមហាផ្ទៃ និង​ជា​ប្រធាន​ក្រុមការងារ​រាជរដ្ឋាភិបាល​ចុះ​មូលដ្ឋាន​ខេត្តបាត់ដំបង បាន​អញ្ជើញ​ជា​អធិបតីភាព​ដ៏​ខ្ពង់ខ្ពស់ ក្នុង​ពិធី​សម្ពោធ​ដាក់ឱ្យ​ប្រើប្រាស់​ជា​ផ្លូវការ​អគារសិក្សា ១​ខ្នង ២​ជាន់ មាន​១០​បន្ទប់ និង​សមិទ្ធផល​ផ្សេងៗ នៅក្នុង​សាលាបឋមសិក្សា សម្តេច ជា ស៊ីម ស្ថិតក្នុង​ភូមិ​បែក​ចាន សង្កាត់​ព្រែក​ព្រះ​សម្តេច ក្រុង​បាត់ដំបង ខេត្តបាត់ដំបង ដែលជា​អំណោយ​ដ៏​ថ្លៃថ្លា របស់​សម្តេច​ក្រឡាហោម ស ខេង និង​លោកជំទាវ តាមរយ​:​ឯកឧត្តម ស សុខា រដ្ឋលេខាធិការ​ក្រសួង​អប់រំ យុវជន និង​កីឡា​។​

​ឯកឧត្តម ងួន រតនៈ អភិបាលខេត្ត ជំនួសមុខ​ឱ្យ​អាណាព្យាបាល សិស្សានុសិស្ស លោកគ្រូ អ្នកគ្រូ ក៏ដូចជា​ប្រជាពលរដ្ឋ​រស់នៅក្នុង​ក្រុង​បាត់ដំបង​ទាំងអស់ សូម​ថ្លែងអំណរគុណ​យ៉ាង​ជ្រាលជ្រៅ​ចំពោះ ឯកឧត្តម ស សុខា រដ្ឋលេខាធិការ​ក្រសួង​អប់រំ យុវជន និង​កីឡា និង​លោកជំទាវ ព្រមទាំង​ក្រុមការងារ ដែល​បាន​ផ្តួចផ្តើម​គំនិត​ក្នុង​រៀបចំ​កសាង ជួសជុល និង​កែលម្អ​អគារសិក្សា ខ្លោងទ្វារ និង​បរិវេណ​ទាំង​ក្នុង និង​ក្រៅ​ឱ្យមាន​សោភណភាព​កាន់តែ​ស្អាត ដែល​ចំណាយ​ថវិកា​សរុប ៥០៥.២៣៧​ដុល្លារ​អាម៉េរិក ។​

​ក្នុងឱកាស​នោះ សម្តេច​ក្រឡាហោម ស ខេង បាន​មានប្រសាសន៍ថា ដោយមាន​កិច្ចសហការ​ពី​រដ្ឋបាលខេត្ត និង ក្រសួង​អប់រំ ព្រមទាំង​សប្បុរសជន​នានា​ដែល​បាន​ចំណាយ​ថវិកា​ចូលរួមចំណែក​កសាងរ​ហូត​បាន​រួចរាល់​ជា​ស្ថាពរ និង ដោយសារ​មាន​ករណី​ផ្ទុះ​ជំងឺ​កូ​វីដ​-១៩ លើ​ពិភពលោក និង​មាន​ការឆ្លង​នាំចូល​ពី​ក្រៅប្រទេស ពិសេស​នៅ​ខេត្តបាត់ដំបង​យើង​ជា​បន្តបន្ទាប់ ធ្វើឱ្យមាន​ការយឺតយ៉ាវ​ក្នុងការ​សម្ពោធ​ដាក់ឱ្យ​ប្រើប្រាស់​ជា​ផ្លូវការ ទើបតែ​ពេលនេះ​យើង​មានឱកាស​សម្ពោធ​ជា​ផ្លូវការ​។

​សម្តេច​ក្រឡាហោម បាន​ថ្លែងអំណរគុណ​ដល់​សប្បុរ​សជន​ទាំងអស់​ដែល​បាន​ចំណាយ​ថវិកា​ផ្ទាល់ខ្លួន រួមចំណែក​កសាង​អគារសិក្សា​ថ្មី និង​សមិទ្ធផល​ជាច្រើន​ទៀត​រហូត​សម្រេចបាន​ជោគជ័យ​។ ក្នុងនោះ​សម្តេច​ក្រឡាហោម​បាន​កាត់​ខ្សែបូរ​ដាក់ឱ្យ​ប្រើប្រាស់​ជា​ផ្លូវការ និង ចែក​អំណោយ​ដល់​សិស្ស​ជា​និមិត្តរូប​ផងដែរ​។

​គួរបញ្ជាក់​ផងដែរ​ថា ពិធី​សម្ពោធ​អគារសិក្សា និង​សមិទ្ធផល​នានា​ក្នុង​សាលាបឋមសិក្សា​សម្តេច ជា ស៊ីម រួមមាន​៖ អគារសិក្សា ១​ខ្នង ២​ជាន់ ១០​បន្ទប់ ដែលមាន​ឈ្មោះថា អគារ​លោកជំទាវ ញ៉ែម សឿន ជា ស៊ឹម ព្រមទាំង​បំពាក់​សម្ភារ​សិក្សា និង​ជួសជុល​អគារសិក្សា បំពាក់​សម្ភារ ទីចាត់ការ សាលប្រជុំ ទីធ្លា​ទាំង​ក្នុង និង​ក្រៅ​បរិវេណ​សាលា និង​សមិទ្ធផល​ផ្សេង ៗ​ជាច្រើន​ទៀតផង​ដែរ​៕ ដោយ ណ​យ នឿន (​ប្រភព​:​រដ្ឋបាលខេត្ត​បាត់ដំបង​) សម្រួល​ផ្សាយ​ដោយ​៖ spsnews

0 comments:

Post a Comment