ព្រះវិហារ៖ នៅព្រឹកថ្ងៃទី១៨ ខែកក្កដា ឆ្នាំ២០២១ ឯកឧត្តម សួស យ៉ារ៉ា អ្នកតំណាងរាស្ត្រមណ្ឌលខេត្តព្រះវិហារ ឯកឧត្តម ឡុង សុវណ្ណ ប្រធានក្រុមប្រឹក្សាខេត្ត អញ្ជើញជួបសំណេះសំណាលជាមួយក្រុមការងារយុវជនខេត្តព្រះវិហារ នៅបរិវេណមណ្ឌលអ្នកតំណាងរាស្ត្រខេត្តព្រះវិហារ។
មានប្រសាសន៍សំណេះ សំណាលនៅក្នុងឱកាសនោះឯកឧត្តម សួស យ៉ារ៉ាបានកោតសរសើរយុវជនខេត្តព្រះវិហារ ដែលកន្លងមកបានយកពេលវេលាដ៏មានសារសំខាន់របស់ខ្លួន ចូលរួមក្នុងសកម្មភាពជាច្រើនជាមួយរដ្ឋបាលខេត្ត ជាពិសេសក្នុងវិស័យមនុស្សធម៌ ក្នុងការបម្រើការងារសង្គមបានយ៉ាងល្អប្រសើរ ជាពិសេសជាងនេះទៅទៀត គឺចំពេលដែល ប្រទេសក៏ដូចជាខេត្តព្រះវិហាររបស់យើង កំពុងតែប្រឹងប្រែងប្រយុទ្ធប្រឆាំងទៅនឹងការរីករាលដាលនៃជំងឺកូវីដ-១៩ ។
ឯកឧត្តមក៏បានផ្ដាំផ្ញើដល់យុវជនទាំងអស់ ត្រូវចេះចូលរួមសាមគ្គីគ្នាឲ្យបានល្អដែលជាកម្លាំងរួមមួយ ក្នុងការឈានទៅរកភាពជោគជ័យក្នុងសកម្មភាពការងារ ក្នុងការជួយសង្គមជាតិរបស់យើង ឲ្យមានការអភិវឌ្ឍន៍រីកចម្រើនទៅមុខជាបន្តទៀត ជាពិសេសក្នុងបរិបទដែលប្រទេសជាតិរបស់យើង កំពុងតែប្រយុទ្ធប្រឆាំងទៅនឹងការរីក រាលដាលនៃជំងឺកូវីដ-១៩ ដែលតម្រូវឲ្យយើងចេះរួបរួមសាមគ្គីគ្នាឲ្យខ្លាំងក្លាដើម្បីទប់ស្កាត់ការរីករាលដាលនៃជំងឺនេះ ដោយត្រូវអនុវត្តទៅតាមសេចក្ដីណែនាំរបស់ក្រសួងសុខាភិបាល ក៏ដូចជាវិធានការរបស់ប្រមុខរាជរដ្ឋាភិបាល ៣កុំ៣ការពារ ដើម្បីយើងទាំងអស់គ្នាចៀសផុតពីជំងឺកូវីដ១៩ ។ទន្ទឹមនេះ ឯកឧត្តមក៏បាននាំយកមកនូវសម្ភារបរិក្ខារពេទ្យមួយចំនួនជូនដល់យុវជន មានដូចជា ម៉ាស់ អាល់កុល ម៉ាស៊ីនបាញ់ថ្នាំសម្លាប់មេរោគ ព្រមទាំងសម្ភារមួយចំនួនទៀតផងដែរ៕
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOXVFQWc9PSIsImV4cCI6bnVsbCwicHVyIjoiYmxvYl9pZCJ9fQ==--8646753eff91806531d79977b2a6ada0e734dd0f/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/AE404245-4F78-4253-9A49-E0574E2.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOTJFQWc9PSIsImV4cCI6bnVsbCwicHVyIjoiYmxvYl9pZCJ9fQ==--adfbb3bf7cc8bb1c4daa3f02ef8dbd27151527a5/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/9FDE1ACB-2241-40CA-B295-20B6691.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOTZFQWc9PSIsImV4cCI6bnVsbCwicHVyIjoiYmxvYl9pZCJ9fQ==--d63af34a6bd35fef414a31993e496647b6d6b1a3/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/EEE9B605-16C4-4EC5-A81F-5FD78D3.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOXlFQWc9PSIsImV4cCI6bnVsbCwicHVyIjoiYmxvYl9pZCJ9fQ==--f2ff11f150ca3660ceaa799c737d451f5703a5f6/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/3CD8726D-9E50-4D48-82ED-F9AE5CE.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK0NFQWc9PSIsImV4cCI6bnVsbCwicHVyIjoiYmxvYl9pZCJ9fQ==--eb1f948dff4ae33d8fec2c583aade63715a50213/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/C55EB571-BDF7-4F93-8DBD-35EA6E0.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOStFQWc9PSIsImV4cCI6bnVsbCwicHVyIjoiYmxvYl9pZCJ9fQ==--61130bdf7ffaf37372cea15ab5cdec5aed076d00/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/F05B8D86-49E1-4135-BDD1-49D3D68.jpeg)
0 comments:
Post a Comment