បាត់ដំបងៈ កាលពីយប់ ថ្ងៃទី១៥ ខែមីនា ឆ្នាំ២០២១ លោក សេក ចន្ត្រា អភិបាលរងក្រុងបាត់ដំបង ដឹកនាំក្រុមការងារ រដ្ឋបាលក្រុង សហការជាមួយនឹងក្រុមការងារ នៃមន្ទីរទេសចរណ៍ខេត្ត កងកម្លាំងកងរាជអាវុធហត្ថក្រុង កម្លាំងអធិការនគរបាលក្រុង បានចុះបិទទីតាំងខារ៉ាអូខេ មួយកន្លែង មានយីហោ ” មាន់ស្រែIdol ស្ថិតក្នុងភូមិដំណាក់ហ្លួង សង្កាត់វត្តគរ ក្រុងបាត់ដំបង ពាក់ព័ន្ធករណីលួចបើកខារ៉ាអូខេ ល្មើសនឹងគោលការណ៍ណែនាំ របស់អាជ្ញាធរ។
លោក សេក ចន្ត្រា អភិបាលរងក្រុង បានបញ្ជាក់ថាៈ ការចុះបិទទីតាំងហាងខារ៉ាអូខេ យីហោ មាន់ស្រែ Idol ស្ថិតក្នុងភូមិដំណាក់ហ្លួង សង្កាត់វត្តគរ ក្រុងបាត់ដំបង នេះ គឺអនុវត្តបទ បញ្ជារបស់លោក ផេង សិទ្ធី អភិបាលក្រុង និងជាប្រធានគណ:បញ្ជាការឯកភាព ក្រុងបាត់ដំបង ដោយសារតែហាងខារ៉ាអូខេមួយនេះ មិនគោរពតាមការណែនាំ របស់អាជ្ញាធរក្រុង សង្កាត់ ដោយធ្វើផ្គើននឹងបទបញ្ជា ហើយលបលួចបើកខារ៉ាអូខេ ដោយគ្មានខ្លាចញញើតឡើយ៕
PC លោកអភិបាលរងក្រុងដឹកនាំកម្លាំងចម្រុះចុះបិទទីតាំងលួចបើកខារ៉ាអូខេនេះមានយីហោ ” មាន់ស្រែIdol ” ស្ថិតក្នុងភូមិដំណាក់ហ្លួងសង្កាត់វត្តគរ ក្រុងបាត់ដំបងដែលល្មើស នឹងបទបញ្ជា លោក
0 comments:
Post a Comment