![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeGRHQkE9PSIsImV4cCI6bnVsbCwicHVyIjoiYmxvYl9pZCJ9fQ==--4c9ceae0c757c09730497670d67835900a51739f/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-12-12_09-33-04.jpg)
ឯកឧត្តមបណ្ឌិត ថោង ខុន មានប្រសាសន៍ថា ថ្ងៃនេះយើងរីករាយ និងជាថ្ងៃសំខាន់ដែលសមាជិកក្លឹបឆ្នេរសមុទ្រស្អាត បានចូលរួមសន្និសីទអន្តរជាតិ មានបទពិសោធន៍ល្អធ្វើការចែករំលែក ហើយកម្ពុជាទទួលយកបទពិសោធន៍ពីមិត្តភក្ដិដែលបានធ្វើការចែករំលែកនាពេលនេះ។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeFpHQkE9PSIsImV4cCI6bnVsbCwicHVyIjoiYmxvYl9pZCJ9fQ==--b680506cfccbf875cccc9546069162d301f16e9b/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-12-12_09-33-05.jpg)
ឯកឧត្តមបណ្ឌិត បានបន្តថា កម្ពុជាជាប្រទេសតូច នៅឆ្នាំ១៩៧០ធ្លាក់ចូលក្នុងសង្គ្រាម ហើយនៅឆ្នាំ១៩៧៥ ដល់១៩៧៨ ធ្លាក់ចូលក្នុងរបបប្រល័យពូជសាសន៍ រាល់ហេដ្ឋារចនាសម្ព័ ន្ធ មានដូចជា៖ ផ្លូវ ទឹក ភ្លើង ត្រូវបានបំផ្លាញយ៉ាងធ្ងន់ធ្ងរ ពិសេសធនធានមនុស្ស មានដូចជាបញ្ញវន្ត និងអ្នកជំនាញផ្សេងទៀត ត្រូវបានសម្លាប់ក្នុងរបបប្រល័យពូជសាសន៍ប៉ុលពត។ ក្រោយថ្ងៃរំដោះ ៧មករា ១៩៧៩ បញ្ហាហេដ្ឋារចនាសម្ព័ន្ធត្រូវបានបំផ្លាញ។ កម្ពុជាកសាងប្រទេសឡើងវិញពីបាតដៃទទេ កម្ពុជាត្រូវកសាងធនធានមនុស្សឱ្យកូនចៅបានចូលសិក្សារៀនសូត្រ យើងមិនមានគ្រូ។ រាជរដ្ឋាភិបាលបានដាក់ចេញនូវគោលការណ៍ អ្នកចេះច្រើនបង្រៀនអ្នកចេះតិច អ្នកចេះតិចបង្រៀនអ្នកអត់ចេះ រហូតដល់ឆ្នាំ១៩៩៣ កម្ពុជាបានបង្កើតរដ្ឋាភិបាលចម្រុះ មិនមានសុខសន្តិភាពពេញលេញ ដោយធ្វើការបង្រួបបង្រួមគ្នាមានកងកម្លាំងបីភាគី ក្នុងនោះមានកងកម្លាំងរបស់រដ្ឋកម្ពុជា កងកម្លាំងលោកតាសឺន សាន និងកងកម្លាំង របស់សម្ដេចព្រះ នរោត្តម រណឫទ្ធិ។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeE5HQkE9PSIsImV4cCI6bnVsbCwicHVyIjoiYmxvYl9pZCJ9fQ==--18756d14f521dc941a286352d97de1a8e8cb8802/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-12-12_09-33-04%20(2).j.jpg)
ឯកឧត្តមបណ្ឌិត ថោង ខុន បានបន្តថា នៅឆ្នាំ១៩៩៨ រដ្ឋាភិបាលកម្ពុជាបានដាក់ចេញនូវគោលនយោបាយឈ្នះឈ្នះ ធ្វើការបង្រួបបង្រួមជាតិ បង្កើតរដ្ឋាភិបាលដោយគោរពរដ្ឋធម្មនុញ គោរពព្រះមហាក្សត្រ ធ្វើឱ្យកម្ពុជាមានសុខសន្តិភាពពេញលេញមកដល់បច្ចុប្បន្ននេះ។ ក្នុងនោះវិស័យទេសចរណ៍របស់កម្ពុជានៅឆ្នាំ១៩៩៣ មានទេសចរណ៍ប្រមាណ ២០ម៉ឺននាក់ និងមុនកូវីដ-១៩ឆ្នាំ២០២០ កម្ពុជាទទួលបានភ្ញៀវទេសចរណ៍ ៦,៦លាននាក់ (៦ ៦០០ ០០០នាក់) ។ កម្ពុជាមានតំបន់ទេសចរណ៍ល្អ គឺប្រាសាទអង្គរ រួចបន្តធ្វើការអភិវឌ្ឍវិស័យទេសចរណ៍មកកាន់តំបន់សមុទ្រ ដោយធ្វើការអភិវឌ្ឍតំបន់ឆ្នេរសមុទ្រ រហូតពិភពលោកទទួលស្គាល់ឆ្នេរសមុទ្រកម្ពុជា ជាឆ្នេរស្រស់ស្អាតជាងគេលើសកលលោក មានប្រវែងជាង ៤០០គីឡួម៉ែត្រ ក្នុងភូមិសាស្ត្រខេត្តចំនួន៤ មានដូចជា ខេត្តកោះកុង, ខេត្តព្រះសីហនុ, ខេត្តកំពត, និងខេត្តកែប។ កម្ពុជាបានធ្វើជាម្ចាស់ផ្ទះរៀបចំបុណ្យសមុទ្រ និងមហាសន្និបាតក្លឹបឆ្នេរសមុទ្រ ដែលស្អាតជាងគេលើសកលលោក ឆ្នាំ២០២២ នៅខេត្តព្រះសីហនុ ហើយមហាសន្និបាតក្លឹបឆ្នេរសមុទ្រនេះត្រូវធ្វើការផ្លាស់ប្តូរវេនគ្នា ។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeFJHQkE9PSIsImV4cCI6bnVsbCwicHVyIjoiYmxvYl9pZCJ9fQ==--d5b6436a6f8655921946cca932ec4ae838055653/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-12-12_09-33-05%20(2).j.jpg)
ឯកឧត្តមបណ្ឌិត រដ្ឋមន្ត្រីក្រសួងទេសចរណ៍ ក៏បានថ្លែងអំណរគុណក្លឹបឆ្នេរសមុទ្រ បានផ្តល់ឱកាសឱ្យកម្ពុជារៀបចំមហាសន្និបាត និងការរៀបចំឆ្នេរសមុទ្រកម្ពុជា មានទឹកសមុទ្រល្អស្អាត ឆ្នេរសមុទ្រស្អាត ទីក្រុងស្អាតមិនមានការបំពុលបរិស្ថាន។ កម្ពុជាមានបទពិសោធន៍តិចតួចក្នុងការគ្រប់គ្រងឆ្នេរ ទន្ទឹមនោះយើងត្រូវរកផលិតផលទាក់ទងនឹងសមុទ្រ ព្រោះការបង្កើតផលិត ផល វាមានសារៈសំខាន់ណាស់សម្រាប់ភ្ញៀវទេសចរ ហើយអ្វីដែលជាកត្តាសំខាន់នោះ គឺសន្តិ ភាព បើប្រទេសជាតិមានសន្តិភាព យើងនឹងមានអ្វីៗទាំងអស់ ក្នុងការបង្កើនសេដ្ឋកិច្ចសង្គមកាន់តែរីកចម្រើន ៕ ដោយ ងូ សុមុនី
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeEpHQkE9PSIsImV4cCI6bnVsbCwicHVyIjoiYmxvYl9pZCJ9fQ==--30ce079ab6dcb06db9d2debccc1e0e89063d29da/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-12-12_09-33-05%20(4).j.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeFZHQkE9PSIsImV4cCI6bnVsbCwicHVyIjoiYmxvYl9pZCJ9fQ==--d1a89d87a238732e7d4d96200d79d0c5ecda8ac9/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-12-12_09-33-05%20(3).j.jpg)
0 comments:
Post a Comment