កែប៖ នៅព្រឹកថ្ងៃទី០១ ខែកក្កដា ឆ្នាំ២០២២នេះ ឯកឧត្តមបណ្ឌិត សោម ពិសិដ្ឋ អភិបាលខេត្តកែប បានអញ្ជើញចុះពិនិត្យការដ្ឋាន ស្ថាបនានិងជួសជុលលូរំដោះទឹក ៣កន្លែង មានលូមូលទទឹងផ្លូវប្រវែង២៥ម៉ែត្រ លូមូលបណ្តោយផ្លូវប្រវែង ៤៦០ម៉ែត្រ និងលូជ្រុង កម្ពស់ ២ម៉ែត្រ និងបណ្តោយ ២៥ម៉ែត្រ ស្ថិតនៅភូមិកែវក្រសាំង ក្រុងកែប ខេត្តកែប និងប្រឡាយបេតុងមានគម្របទំហំ(១,០០០*១,៨៥០) ប្រវែង ១៣៣ម៉ែត្រ លើកំណត់ផ្លូវ៣៣A មានទីតាំងពយព្រះរាជដំណាក់ ។ កែបជាខេត្តមានសក្កានុពលខាងវិស័យទេសចរណ៍ មានទាំង កោះ ភ្នំ សមុទ្រ និងសម្បូរដោយធនធានធម្មជាតិ និងជីវៈចម្រុះ ។ ដើម្បីកែលម្អហេដ្ឋារចនាសម្ព័ន្ធក្នុងខេត្តកែប ឱ្យមានភាពស្រស់បំព្រង និងទាក់ទាញភ្ញៀវទេសចរមកសម្រាកលម្ហែក្នុងខេត្តកាន់តែច្រើន និងងាយស្រួលដល់ប្រជាពលរដ្ឋក្នុងខេត្តផងដែរនោះ ថ្នាក់ដឹកនាំខេត្ត ដែលមាន ឯកឧត្តមបណ្ឌិត សោម ពិសិដ្ឋ ជាអភិបាលខេត្ត និងមានការយកចិត្តទុកដាក់ខ្ពស់ពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានប្រែក្លាយ ខេត្តកែបឱ្យកាន់តែមានការ រីកចម្រើនជាបន្តបន្ទាប់លើគ្រប់វិស័យ ដោយឡែកថ្ងៃនេះ ខេត្តកែប បានស្ថាបនាជួសជុលពង្រីកប្រព័ន្ធលូរំដោះទឹក និងប្រឡាយបេតុងមានគម្រប បន្ថែមទៀត។
បើតាមរបាយការណ៍របស់លោក ម៉ម ទូច ប្រធានមន្ទីរសាធារណៈការ និងដឹកជញ្ជូនខេត្ត បានឱ្យដឹងថា គម្រោងទាំង ២នេះ បានចាប់ផ្តើមស្ថាបនា និងជួសជុល ពីខែមីនា ឆ្នាំ២០២២ មកដល់ថ្ងៃទី ១ ខែកក្កដា ឆ្នាំ២០២២ គឺសម្រេចបាន ៥៤%នៃផែនការហើយ។
ការចុះពិនិត្យទីតាំងនៃគម្រោងទាំង ២នៅពេលនោះ ឯកឧត្តមបណ្ឌិត សោម ពិសិដ្ឋ អភិបាលខេត្តកែប បញ្ជាក់ថា គម្រោងទាំង២ ដែលមានលូរំដោះទឹកភ្លៀង និងប្រឡាយបេតុងមានគម្របនេះ នឹងជួយដោះស្រាយបញ្ហាការកកស្ទះកាកសំណល់រាវ និងជំនន់ទឹកភ្លៀង នៅតាមបណ្តោយ ផ្លូវជាតិលេខ៣៣A ដែលកន្លងមកក្នុងរដូវវស្សាគឺមានបញ្ហាជំនន់ទឹកភ្លៀង ដោយសារការស្ទះលូ និងលូមានទំហំតូច។ ឯកឧត្តម អភិបាលខេត្ត បានធ្វើការណែនាំដល់ក្រុមការងារបច្ចេកទេសសាងសង់ត្រូវពន្លឿនការជួសជុលឱ្យបានលឿន មុនរដូវភ្លៀងចូលមកដល់ ធ្វើយ៉ាងណាការពារកុំឱ្យមានផលប៉ះពាល់ដល់ជីវភាពរស់នៅរបស់ប្រជាពលរដ្ឋ និងត្រូវធ្វើតាមស្ដង់ដារបច្ចេកទេសឱ្យបានត្រឹមត្រូវ ដើម្បីធានាដល់ការប្រើប្រាស់ឱ្យបានយូរអង្វែង៕មន្ទីរព័ត៌មានខេត្តកែប:សម្រួលដោយ:dara
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNlNzQXc9PSIsImV4cCI6bnVsbCwicHVyIjoiYmxvYl9pZCJ9fQ==--d115887c62bb36a6bc09d3f39ed47c9dc35a4b7b/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/1B7F61A5-97EA-4176-B6AC-FB9ECDF.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNmFzQXc9PSIsImV4cCI6bnVsbCwicHVyIjoiYmxvYl9pZCJ9fQ==--4fc939d36a238cd2bb8b763b177e66c2a0077d5f/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/F96AAA03-8E7F-44B6-A82E-AB8A672.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNStzQXc9PSIsImV4cCI6bnVsbCwicHVyIjoiYmxvYl9pZCJ9fQ==--0982b839f25aaffd12673db868dafc0c304aaa00/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/50BDA32A-FE80-4916-8BE7-45250F2.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNkNzQXc9PSIsImV4cCI6bnVsbCwicHVyIjoiYmxvYl9pZCJ9fQ==--98a9fac0aec59fb003fe27b80d8f673b0cfc10fa/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/84E22527-0470-4871-9DAA-EE61195.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNk9zQXc9PSIsImV4cCI6bnVsbCwicHVyIjoiYmxvYl9pZCJ9fQ==--ad52441266af50e080af51f6a21442275687d5dd/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/EB1F739B-C175-4A5F-AA12-5B443DC.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNldzQXc9PSIsImV4cCI6bnVsbCwicHVyIjoiYmxvYl9pZCJ9fQ==--a579c2ecd22ab9eaa8bce62cabf69d0b72e9ec2c/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/F3CA543B-CDCF-40AC-83DF-08D6154.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNkdzQXc9PSIsImV4cCI6bnVsbCwicHVyIjoiYmxvYl9pZCJ9fQ==--84fa3e16cc259e8372b79ac2a8683dccb2867635/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/5B198C02-EC75-4BAB-894D-B37FC40.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNktzQXc9PSIsImV4cCI6bnVsbCwicHVyIjoiYmxvYl9pZCJ9fQ==--fe94c06c4aac09f3402e016150ad79ecbe5a22eb/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/52B11536-AFB8-49FC-B8E4-DF3462D.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNTZzQXc9PSIsImV4cCI6bnVsbCwicHVyIjoiYmxvYl9pZCJ9fQ==--ff807cf728e75f70c34dd4cf69a0545ed7cdea4a/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/4CEDF0D6-E08C-4C1C-A337-CFAAB8E.jpeg)
0 comments:
Post a Comment