មណ្ឌលគិរី៖ នៅព្រឹកថ្ងៃទី២៤ ខែកក្កដា ឆ្នាំ២០២២ ឯកឧត្តម ងី ច័ន្រ្ទផល រដ្ឋលេខាធិការក្រសួងមហាផ្ទៃ និងឯកឧត្តម ថង សាវុន អភិបាលខេត្តមណ្ឌលគិរី ឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត រួមទាំងឯកឧត្តម លោកជំទាវ ក្រុមការងារថ្នាក់ជាតិ ចុះមូលដ្ឋានខេត្ត/ស្រុក លោក លោកស្រី អភិបាលរងខេត្ត ថ្នាក់ដឹកនាំមន្ទីរអង្គភាពជុំវិញខេត្ត កងកម្លាំងប្រដាប់អាវុធ និងអាជ្ញាធរមូលដ្ឋាន បាននាំយកនូវទៀនវស្សា ទេយ្យទាន និងបច្ច័យមួយចំនួន យកទៅប្រគេនដល់ព្រះសង្ឃគង់ក្នុងវត្តចំនួន ០៨ រួមមាន៖ វត្តរតនមនោសុទ្ធារាម `ហៅវត្តកែវសីមា` វត្តសុវណ្ណសាមគ្គីមុនិសត្ថារាម (ហៅវត្តត្រពាំងផ្អេ) វត្ត នវគិរីសុវណ្ណរាម (ហៅវត្តព្រៃមាស) វត្ត សុវណ្ណរាម (ហៅវត្តមេម៉ង់) វត្ត គិរីថេរាម (ហៅវត្តរណែងក្រៅ) វត្ត បទុមវ៉ារីខេត្តារាម (ហៅវត្តទឹកធ្លាក់ស្រែឈូក) វត្ត សុទ្ធាបុញ្ញខេត្តារាម (ហៅវត្តស្រែព្រះ) និងវត្ត ខេមរាបុប្ផារាម (ហៅវត្តថ្មី) ក្នុងស្រុកកែវសីមា ខេត្តមណ្ឌលគិរី។ ពិធីប្រគេនទៀនវស្សានេះធ្វើឡើងនៅ វត្តរតនមនោសុទ្ធារាម `ហៅវត្តកែវសីមា` ក្នុងឃុំស្រែខ្ទុម ស្រុកកែវសីមា ខេត្តមណ្ឌលគិរី។
ក្នុងឱកាសនោះ ឯកឧត្តម ងី ច័ន្រ្ទផល និងឯកឧត្តម ថង សាវុន បានថ្លែងថា ក្រោមការដឹកនាំរបស់រាជរដ្ឋាភិបាល ដែលមានសម្តេច តេជោ ហ៊ុន សែន ជាប្រមុខ ដោយសារតែនយោបាយឈ្នះឈ្នះរបស់សម្តេច បានធ្វើឱ្យប្រទេសជាតិ មានសុខសន្តិភាព និងស្ថិរភាពគ្រប់ទីកន្លែង និងមានការអភិវឌ្ឍន៍រីកចម្រើនលើគ្រប់វិស័យទាំងផ្នែកពុទ្ធចក្រ និងអាណាចក្រ និងបានលើកតម្កើងព្រះពុទ្ធសាសនាជាសាសនារបស់រដ្ឋ។ ឯកឧត្តមបញ្ជាក់ថា នៅទីវត្តអារាមមិនត្រឹមតែបម្រើវិស័យព្រះពុទ្ធសាសនាជាទីសក្ការៈបូជារបស់ប្រជាពលរដ្ឋខ្មែរដែលគោរពព្រះពុទ្ធសាសនាប៉ុណ្ណោះទេ ប៉ុន្តែជាទីកន្លែងប្រមូលផ្តុំនូវវប្បធម៌ប្រពៃណី និង ជាថ្នាលសម្រាប់បណ្តុះធនធានមនុស្សផងដែរ។ ឯកឧត្តម បានអំពាវនាវ ប្រគេនដល់ព្រះសង្ឃ ដល់បងប្អូនប្រជាពលរដ្ឋទាំងអស់ ត្រូវប្រុងប្រយ័ត្នខ្ពស់បន្តទៀត និងធ្វើអនាម័យជាប់ជាប្រចាំ ដោយអនុវត្តតាមការណែនាំរបស់ក្រសួងសុខាភិបាលឱ្យបានត្រឹមត្រូវ និងត្រូវអនុវត្តឱ្យបានម៉ឺងម៉ាត់នូវវិធានការបង្ការ ការពារ និងទប់ស្កាត់នូវជំងឺផ្សេងៗ ជាពិសេស ជំងឺ COVID-១៩ ប្រភេទថ្មីអូមីក្រុង និងអនុវត្តតាមអនុសាសន៍របស់សម្តេចប្រមុខរាជរដ្ឋាភិបាល គឺ៣ការពារ និង៣កុំឱ្យបានជាប់ជាប្រចាំ និងត្រូវនាំគ្នាទៅចាក់វ៉ាក់សាំងឱ្យបានគ្រប់ៗគ្នា ដើម្បីបង្កើតភាព ស៊ាំ ក្នុងសហគមន៍ដើម្បីកាត់ផ្តាច់ជំងឺដ៏កាចសាហាវនេះ។
សូមបញ្ជាក់ថា សម្រាប់ទេយ្យទាន និងបច្ច័យដែលប្រគេនព្រះសង្ឃគង់នៅវត្តចំនួន ០៨វត្ត ដោយវត្តនីមួយៗ ទទួលបានរួមមាន៖ ទៀនវស្សា ២គូ អង្ករ ១០០គីឡូក្រាម រួមទាំងសម្ភារៈជាគ្រឿងឧបភោគ បរិភោគជាច្រើនមុខ និងថវិកា ៩០ម៉ឺនរៀល ក្នុងនោះ មានទេយ្យទាន និងបច្ច័យរបស់រដ្ឋបាលខេត្តមណ្ឌលគិរី និងក្រុមការងារថ្នាក់ជាតិ ចុះមូលដ្ឋានខេត្តមណ្ឌលគិរីផងដែរ៕
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMFMrQXc9PSIsImV4cCI6bnVsbCwicHVyIjoiYmxvYl9pZCJ9fQ==--c02bc07603bcca99f8be6fd9663787596c22f859/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/843397DE-67A0-4514-821E-2717B8F.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMGUrQXc9PSIsImV4cCI6bnVsbCwicHVyIjoiYmxvYl9pZCJ9fQ==--13ad0830296e05a13e0fb0ef09cd2ea809e9bce1/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/A54182D6-2EAD-4556-82F6-DD9B4E8.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMGErQXc9PSIsImV4cCI6bnVsbCwicHVyIjoiYmxvYl9pZCJ9fQ==--d898c65653fafcf988792c8aa0418bc43f9efb0c/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/E9AAB460-EE35-487C-9392-6653F93.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMFcrQXc9PSIsImV4cCI6bnVsbCwicHVyIjoiYmxvYl9pZCJ9fQ==--a194665f0e81996f9c61720800dc4ed51ec47d30/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/57E796D8-6B86-4A6F-AC84-AE78D58.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBME8rQXc9PSIsImV4cCI6bnVsbCwicHVyIjoiYmxvYl9pZCJ9fQ==--af75800017a3e42f615750a57e95aee1eb6930ea/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/5A030F6B-95A8-453D-BEFD-B0AACA4.jpeg)
0 comments:
Post a Comment