សូមស្វាគមន៍ WWW.SPS-NEWS.COM មានទទួល សេវាកម្មផ្សាយពាណិជ្ជកម្ម គ្រប់ប្រភេទ ចាងហ្វាងការផ្សាយ ទីស្នាក់ការកណ្តាល ភូមិតាកែវ ឃុំគរ ស្រុក ព្រៃឈ ខេត្តកំពង់ចាម ទំនាក់ទំនង Tel: 090 905 988 / 086 309 181/ 016998799


សូមស្វាគមន៍ គេហទំព័រ ស្ពាន សន្តិភាព មានទទួល សេវាកម្មផ្សាយពាណិជ្ជកម្ម គ្រប់ប្រភេទ ចាងហ្វាងការផ្សាយ ទីស្នាក់ការកណ្តាល ភូមិតាកែវ ឃុំគរ ស្រុក ព្រៃឈ ខេត្តកំពង់ចាម ទំនាក់ទំនង Tel: 090 905 988 / 086 309 181 / 016998799


Monday, February 28, 2022

នាយករដ្ឋមន្ត្រីហុងគ្រីធ្វើការត្រួតពិនិត្យនៅតាមព្រំដែន ចំពេលដែលកំពុងមានជម្លោះរវាងរុស្ស៊ី និងអ៊ុយក្រែន

ចំនួនអ្នកទស្សនា: Views

 


ភ្នំពេញ៖ថ្ងៃទី២៨ ខែកុម្ភៈ ឆ្នាំ២០២២ នាយករដ្ឋមន្ត្រីហុងគ្រី លោក វីកតូរ អរប៊ែន បានធ្វើការត្រួតពិនិត្យនៅស្ថានីយ៍ព្រំដែនមួយជាមួយប្រទេសអ៊ុយក្រែន នៅភាគខាងកើតប្រទេសហុងគ្រីកាលពីថ្ងៃសៅរ៍ ហើយបានពិគ្រោះជាមួយអាជ្ញាធរមូលដ្ឋាន និងឆ្មាំព្រំដែន បន្ទាប់ពីមានជម្លោះរវាងរុស្ស៊ី និងអ៊ុយក្រែន។

លោក អរប៊ែន បាននិយាយទៅកាន់អ្នកសារព័ត៌មាននៅចម្ងាយពីរបីរយម៉ែត្រពីទឹកដីអ៊ុយក្រែនដែលនៅម្ខាងនៃផ្លូវមួយថា «សង្រ្គាម គឺនៅជិតយើងនេះ ដូច្នេះយើងត្រូវតែមានការដាក់វិន័យខ្លាំងនៅទីនេះ»។

បច្ចុប្បន្ននេះ លំហូរនៃប្រជាជនដែលចាកចេញពីអ៊ុយក្រែន គឺមិនដូចទៅនឹងរលកនៃការធ្វើចំណាកស្រុកក្នុងឆ្នាំ២០១៥ នោះទេ ប៉ុន្តែ លោក អរប៊ែន បានព្រមានថា វាអាចនឹងផ្លាស់ប្តូរនៅពេលអនាគត ដោយ«សម្រាប់រយៈពេលនេះ សង្រ្គាមនឹងអាចវិលត្រលប់មកវិញនៅក្នុងប្រទេសអ៊ុយក្រែន ប៉ុន្តែប្រសិនបើសេណារីយ៉ូដ៏អាក្រក់បំផុតនឹងកើតមានឡើង នោះវានឹងអាចរាលដាលដល់តំបន់ជិតខាងរបស់យើង ហើយយើងនឹងត្រូវតែមានវិន័យកាន់តែខ្លាំងដើម្បីគ្រប់គ្រងវា»។

លោក អរប៊ែន បានជូនដំណឹងថា លោកបានពិគ្រោះយោបល់ជាមួយអភិបាលក្រុង និងមន្ត្រីក្នុងតំបន់ ហើយបានសន្យាថា រដ្ឋាភិបាលកណ្តាលនឹងផ្តល់ឱ្យពួកគេនូវអ្វីគ្រប់យ៉ាងដែលពួកគេគួរតែមាន។

តង់ពណ៌សត្រូវបានគេដំឡើងនៅលើដងផ្លូវដើម្បីផ្តល់ទឹក អាហារ និងភួយដល់ស្ត្រី និងកុមារអ៊ុយក្រែនដែលមកដល់ព្រំដែននេះ។

ម៉ាស៊ីនកម្តៅចល័តចំនួនពីរក៏ត្រូវបានតម្លើងផងដែរ ដើម្បីផ្តល់ភាពកក់ក្តៅដល់អ្នកដែលមកដល់ដោយថ្មើរជើង។

មនុស្សប្រហែលរាប់សិបនាក់បានចូលទៅក្នុងប្រទេសហុងគ្រីបន្ទាប់ពីមានប្រតិបត្តិការយោធាពិសេសរបស់រុស្ស៊ីនៅភាគខាងកើតអ៊ុយក្រែន ពួកគេភាគច្រើនមានសាច់ញាតិនៅក្នុងប្រទេសហុងគ្រី ហើយមនុស្សជាច្រើនគ្រាន់តែឆ្លងកាត់ប្រទេសនេះប៉ុណ្ណោះ។

គិតត្រឹមព្រឹកថ្ងៃសៅរ៍ អាជ្ញាធរក្នុងតំបន់បានប៉ាន់ប្រមាណថា មានមនុស្សចំនួន ១ ៦០០នាក់បានឆ្លងព្រំដែនពីអ៊ុយក្រែនមក៕(ប្រភព People’s Daily បកប្រែដោយលោក យា ចិន្តាខន្តី) សម្រួលផ្សាយដោយ៖ ដារ៉ា

កិច្ចប្រជុំសាមញ្ញលើកទី៣៣ ឆ្នាំទី៣ អាណត្តិទី៣ របស់ក្រុមប្រឹក្សាខេត្ត

ចំនួនអ្នកទស្សនា: Views

 



ស្វាយរៀង៖ ឯកឧត្តមជុំ ហាត ប្រធានក្រុមប្រឹក្សាខេត្ត នាព្រឹកថ្ងៃទី២៨ កុម្ភ: ២០២២នេះបានដឹកនាំកិច្ចប្រជុំសាមញ្ញលើកទី៣៣ឆ្នាំទី៣ អាណត្តិទី៣របស់ក្រុមប្រឹក្សាខេត្ត ក្នុងកិច្ចប្រជុំនេះក៏មានការចូលរួមពីឯកឧត្តមម៉ែន វិបុល អភិបាល នៃគណ:អភិបាលខេត្ត ឯកឧត្តម លោកជំទាវអភិបាលរង នៃគណ:អភិបាលខេត្ត លោក លោកស្រីប្រធានមន្ទីរពាក់ពន្ធនានាជុំវិញខេត្ត និង ទីចាត់ការទាំង៥របស់សាលាខេត្តផងដែរ។ កិច្ចប្រជុំនេះមានរបៀបវារ:ចំនួន ៦ រួមមាន៖១-ពិនិត្យ និងអនុម័តលើសេចក្តីព្រាងកំណត់ហេតុនៃកិច្ចប្រជុំសាមញ្ញលើកទី៣២ ។២-ពិនិត្យ និង អនុម័តរបាយការណ៍បូកសរុបលទ្ធផលការងារប្រចាំខែ កុម្ភ: និងទិសដៅការងារបន្តប្រចាំខែមីនា ឆ្នាំ២០២២ របស់រដ្ឋបាលខេត្ត ។៣-ស្តាប់របាយការណ៍របស់មន្ទីរធន់ធានទឹក និង ឧតុនិយមខេត្ត ស្តីពីការស្តារបឹង ព្រែក។ ៤-ស្តាប់របាយការណ៍ប្រចាំខែកុម្ភ: ឆ្នាំ២០២២ និងទិសដៅការងារបន្តខែមីនា ឆ្នាំ ២០២២ របស់គណ:កម្មាធិការពិគ្រោះយោបល់កិច្ចការស្ត្រី និងកុមារខេត្ត។ ៥-ស្តាប់របាយការណ៍ប្រចាំខែកុម្ភ: និងទិសដៅការងារបន្តខែមីនាឆ្នាំ២០២២ របស់គណ:កម្មាធិការលទ្ធកម្មខេត្ត។ ៦-សេចក្តីផ្សេងៗ។ ដោយ៖មន្ទីរព័ត៍មានខេត្តស្វាយរៀង សម្រួលផ្សាយដោយ៖ដារា










Saturday, February 26, 2022

ក្រុមគ្រូពេទ្យយោធាចុះចាក់វ៉ាក់សាំងការពារជំងឺកូវីដ-១៩ ដូសទី៤ ដូសជំរុញជូនដល់់គ្រួសារយោធិននិងអតីតយុទ្ធជនក្នុងស្រុកអង្គរធំ១៨៤នាក់

ចំនួនអ្នកទស្សនា: Views

  



សៀមរាប: ថ្ងៃទី២៦ខែកុម្ភៈ ឆ្នាំ២០២២ លោក វរៈសនីយ៍ឯក វិញ វឿន មេបញ្ជាការរងតំ បន់ប្រតិបត្តិការសឹករងសៀមរាប កាលពីថ្ងៃ៩រោចខែមាឃឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី២៥ខែកុម្ភៈឆ្នាំ២០២២ បានដឹកនាំក្រុមគ្រូពេទ្យរបស់ខ្លួនចំនួន២១នាក់ ចុះចាក់វ៉ាក់សាំងការពារជំងឺកូវីដ-១៩ ដូសទី៤ ដូសជំរុញ ប្រភេទ Pfizer ជូនដល់បងប្អូនយោធិន គ្រួសារយោធិន និងអតីតយុទ្ធជន ក្នុងស្រុកអង្គរធំ ខេត្តសៀមរាប ចំនួន១៨៤នាក់ ដែលក្នុងនោះស្រី៦៨នាក់។ ហើយទីតាំងចាក់វ៉ាក់សាំងនោះស្ថិតនៅក្នុងសាលាឃុំលាងដៃ ក្រោមវត្តមានចូលរួមរបស់លោក ឡុង រដ្ឋារក្ស អភិបាលស្រុក និងជាប្រធានកិត្តិយសនៃសមាគមអតីតយុទ្ធជនស្រុកអង្គរធំ។

មានប្រសាសន៍នាឱកាសនោះ លោក វរៈសនីយ៍ឯក វិញ វឿន បានឱ្យដឹងថា ក្រោយពីទទួលបានបទបញ្ជារបស់លោកមេបញ្ជាការយោធភូមិភាគទី៤ និងការណែនាំរបស់ប្រធានគណៈបញ្ជាការឯកភាពរដ្ឋបាលខេត្តសៀមរាប លោកបានរៀបចំក្រុមការងារគ្រូពេទ្យ ចុះធ្វើការចាក់វ៉ាក់សាំងការពារជំងឺកូវីដ-១៩ ដូសទី៤ ដូសជំរុញប្រភេទ Pfizer នេះ ជូនដល់បងប្អូនយោធិន គ្រួសារយោធិន និងអតីតយុទ្ធជន នៅតាមបណ្តាស្រុកចំនួន១១ស្រុក ចាប់តាំងពីថ្ងៃទី១៥ ខែកុម្ភៈឆ្នាំ២០២២មក ហើយឥឡូវនេះស្រុកអង្គរធំ គឺជាស្រុកចុងក្រោយ ដែលមានបងប្អូនអតីតយុទ្ធជនយើងចំនួន១៨៤នាក់។ ហើយលោក វិញ វឿន បានបញ្ជាក់ថា ការចាក់វ៉ាក់សាំងដូសទី៤នេះ ក៏មានស្រុកមួយចំនួន ដែលបងប្អូនគ្រួសារយោធិន អតីតយុទ្ធជននៅសេសសល់មិនទាន់បានមកចាក់ ក្រុមការងារយើងនឹងបន្តចាក់ជាលើកទី២ទៀត ជូនបងប្អូនឱ្យបានគ្រប់ៗគ្នា។

រីឯលោកចៅហ្វាយស្រុក ឡុង រដ្ឋារក្ស ក៏បានថ្លែងអំណរគុណចំពោះសម្តេចតេជោ ហ៊ុន សែន នាយករដ្ឋមន្ត្រី ដែលបានគិតគូរពីសុខភាពរបស់មន្ត្រីរាជការ កងកម្លាំងប្រដាប់អាវុធ និង ប្រជាពលរដ្ឋកម្ពុជា តាមរយៈការផ្តល់នូវវ៉ាក់សាំងបង្កាជំងឺកូវីដ១៩នេះ ចាក់ជូនបងប្អូនដោយឥតគិតថ្លៃ និងថ្លែងអំណរគុណផងដែរ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងជាប្រធានក្រុមការងាររាជរដ្ឋាភិបាល ចុះជួយមូលដ្ឋានខេត្តសៀមរាប និងក្រុមគ្រូពេទ្យកងទ័ព ដែលបានចុះមកចាក់វ៉ាក់សាំងជូនដល់បងប្អូនអតីតយុទ្ធជនស្រុកអង្គរធំនេះ។

លោកចៅហ្វាយស្រុក ឡុង រដ្ឋារក្ស ក៏បានណែនាំ ដល់បងប្អូនយោធិន គ្រួសារយោធិន និងអតីតយុទ្ធជនទាំងអស់ ដែលបានអញ្ជើញមកទទួលការចាក់វ៉ាក់សាំងពេលនេះ ក៏ត្រូវបន្តការប្រុងប្រយ័ត្នការពារខ្លួនបន្ថែមទៀត ដើម្បីចៀសផុតពីជំងឺកូវីដ-១៩ ដោយត្រូវអនុវត្តនូវវិធានការ ៣កុំនិង៣ការពារ ឱ្យបានខ្ជាប់ខ្ជួន ពិសេសក្រោយពេលចាក់វ៉ាក់សាំងរួចនេះ មិនត្រូវពិសាគ្រឿងស្រវឹងរយៈពេលយ៉ាងតិច១សប្តាហ៍ ដើម្បីឱ្យវ៉ាក់សាំងមានប្រសិទ្ធភាពក្នុងការប្រឆាំងមេរោគកូវីដ-១៩៕ ដោយ៖ ហង្ស សៀក សម្រួលផ្សាយដោយ៖ dara


រាជធានី និង ក្រុងចំនួន៣ទទួលបានពានរង្វាន់ទីក្រុងនិរន្តភាពបរិស្ថានអាស៊ាន និងវិញ្ញាបនបត្រទទួលស្គាល់ដីស្អាត ទឹកស្អាត និងខ្យល់ស្អាតសម្រាប់ឆ្នាំ២០២១

ចំនួនអ្នកទស្សនា: Views



ភ្នំពេញ :ថ្ងៃទី២៦ខែកុម្ភៈ ឆ្នាំ២០២២ ជាក្តីមោទនរបស់ជាតិកម្ពុជា ទីក្រុងព្រះសីហនុ ទទួលបានពានរង្វាន់និរន្តរភាពបរិស្ថានទីក្រុងអាស៊ាន រាជធានីភ្នំពេញបានទទួលវិញ្ញាបនបត្រទទួលស្គាល់ទឹកស្អាត ទីក្រុងសែនមនោរម្យ បានទទួលវិញ្ញាបនបត្រទទួលស្គាល់ដីស្អាត និងទីក្រុងកែបបានទទួលវិញ្ញាបនបត្រ ទទួលស្គាល់ខ្យល់ស្អាត សម្រាប់ឆ្នាំ២០២១កន្លងមកនេះ។

ពិធីប្រគល់ពានរង្វាន់ទីក្រុងនិរន្តភាពបរិស្ថានអាស៊ាន និងវិញ្ញាបនបត្រទទួលស្គាល់ដីស្អាត ទឹកស្អាត និងខ្យល់ស្អាត ដល់ទីក្រុងរបស់ព្រះរាជាណាចក្រកម្ពុជា នៅរសៀលថ្ងៃទី ២៥ ខែ កុម្ភៈ ឆ្នាំ២០២២ នាទីស្តីការក្រសួងបរិស្ថាន។

គួររម្លឹកថា សម្រាប់កម្ពុជា រាជធានីភ្នំពេញបានទទួលពានរង្វាន់និរន្តរភាពបរិស្ថានទីក្រុងអាស៊ាននាឆ្នាំ២០០៨ និងឆ្នាំ២០១១ ទីក្រុងបាត់ដំបងបានទទួលនាឆ្នាំ២០១៣ ទីក្រុងកែបបានទទួលនាឆ្នាំ២០១៧ និងទីក្រុងព្រះសីហនុបានទទួលនាឆ្នាំ២០២១កន្លងទៅថ្មីៗនេះ។ ទន្ទឹមនោះ ទីក្រុងសៀមរាបបានទទួលវិញ្ញាបនបត្រទទួលស្គាល់ទឹកស្អាតនាឆ្នាំ២០១៣ ទីក្រុងពោធិ៍សាត់បានទទួលវិញ្ញាបនបត្រទទួលស្គាល់ទឹកស្អាតនាឆ្នាំ២០១៧ និងសម្រាប់ឆ្នាំ២០២១ កន្លងមកនេះ រាជធានីភ្នំពេញបានទទួលវិញ្ញាបនបត្រទទួលស្គាល់ទឹកស្អាត ទីក្រុងសែនមនោរម្យបានទទួលវិញ្ញាបនបត្រទទួលស្គាល់ដីស្អាត និងទីក្រុងកែបបានទទួលវិញ្ញាបនបត្រទទួលស្គាល់ខ្យល់ស្អាតដែលជាក្តីមោទនរបស់ជាតិយើង។

សម្រាប់គោលបំណងនៃការផ្តល់ពានរង្វាន់ និង វិញ្ញាបនបត្រទទួលស្គាល់ទីក្រុងនិរន្តរភាពបរិស្ថានអាស៊ាន គឺដើម្បីលើកកម្ពស់ការយល់ដឹងពីការអភិវឌ្ឍប្រកបដោយនិរន្តរភាព និងការជំរុញកិច្ចសហប្រតិបត្តិការលើគ្រប់វិស័យក្នុងបណ្តាប្រទេសអាស៊ាន ឈានទៅសម្រេចបាន ទីក្រុងស្អាតនិងបៃតង។

ពានរង្វាន់ទាំងពីរនេះបញ្ជាក់ពីសារៈសំខាន់នៃការថែរក្សាខ្យល់ឱ្យបានស្អាត ដីស្អាត និងទឹកស្អាត ខណៈដែលទីក្រុងអាស៊ានត្រូវបន្តការអភិវឌ្ឍប្រកបដោយចីរភាព។ ទាំងនេះគាំទ្របន្ថែមលើអាទិភាព នៃការពង្រឹងសមត្ថភាពក្នុងតំបន់ក្នុងការរៀបចំផែនការទីក្រុង និងការកសាងទីក្រុងដែលធន់នឹងអាកាសធាតុ។ នៅក្នុងក្របខខ័ណ្ឌនៃការផ្តល់ពានរង្វាន់ទីក្រុងនិរន្តរភាពបរិស្ថានអាស៊ាន គឺបានរៀបចំរៀងរាល់៣ឆ្នាំម្តង ចាប់ពីឆ្នាំ២០០៨ ដល់ឆ្នាំ២០១៧ និងរៀងរាល់៤ ឆ្នាំម្តងក្រោយពីឆ្នាំ២០១៧ ហើយដែលការប្រគល់ពានរង្វាន់ និងនិងវិញ្ញាបនបត្រទទួលស្គាល់ទីក្រុងនិរន្តរភាពបរិស្ថានអាស៊ាន បានធ្វើនៅក្នុងកិច្ចប្រជុំរដ្ឋមន្ត្រីបរិស្ថានអាស៊ាន។

ជាមួយគ្នានេះដែរ ដើម្បីជួយគាំទ្រ និងជំរុញការអនុវត្តយុទ្ធសាស្ត្រទីក្រុងនៃប្រទេសអាស៊ាន ប្រកបដោយភាពស្អាត និងបៃតង វិទ្យាស្ថានយុទ្ធសាស្រ្ដបរិស្ថានពិភពលោក (IGES) នៃប្រទេសជប៉ុន បានគាំទ្រជាថវិកានិងបច្ចេកទេសដល់កម្មវិធីទីក្រុងគំរូអាស៊ានចំនួន៤០ នៃបណ្តាប្រទេសអាស៊ាន ចាប់ពីឆ្នាំ២០១១ ដល់ឆ្នាំ២០១៧ ដោយបែងចែកជា ៣ដំណាក់កាល។ ក្នុងដំណាក់កាលទី១ ពីឆ្នាំ២០១១ ដល់ឆ្នាំ២០១២ សម្រាប់កម្ពុជាមានរាជធានីភ្នំពេញ និងក្រុងសៀមរាបបានចូលរួមអនុវត្ត ក្នុងដំណាក់កាលទី២ ពីឆ្នាំ២០១៤ ដល់ឆ្នាំ២០១៥ មានរាជធានីភ្នំពេញនិងក្រុងពោធិ៍សាត់បានចូលរួមអនុវត្ត និងដំណាក់កាលទី៣ ពីឆ្នាំ២០១៦ ដល់ឆ្នាំ២០១៧ មានក្រុងពោធិ៍សាត់និងក្រុងកែបបានចូលរួមអនុវត្ត។ បន្ទាប់ពីបញ្ចប់ដោយជោគជ័យនូវកម្មវិធីទីក្រុងគំរូអាស៊ាន កម្មវិធីទីក្រុងឈានមុខ អាស៊ានត្រូវបានដាក់ឱ្យអនុវត្ដចាប់ពីឆ្នាំ២០១៩ ដល់ឆ្នាំ២០២០ ផងដែរ ហើយដែលមានទីក្រុងកែបបានទទួលកិត្តិយសជ្រើសរើសជាទីក្រុងឈានមុខអាស៊ាន ចំណែកទីក្រុងកំពតនិងទីក្រុងពោធ៍សាត់ត្រូវបានជ្រើសរើសជាទីក្រុងគំរូអាស៊ាន។ តាមរយៈការចូលរួមការអនុវត្តកម្មវិធីទីក្រុងគំរូអាស៊ាន និងកម្មវិធីទីក្រុងឈានមុខអាស៊ាន គឺបានចូលរួមចំណែកយ៉ាងសំខាន់ ក្នុងការលើកកម្ពស់ការយល់ដឹងពីការអភិវឌ្ឍទីក្រុងប្រកបដោយនិរន្តរភាព លើការងារគ្រប់គ្រងសំរាម សំណល់រឹងទីប្រជុំជន ការគ្រប់គ្រងសំណល់រាវ ការទប់ស្កាត់ការបំពុលខ្យល់ ការធ្វើអនាម័យនៅតាមសាលារៀន ទីសាធារណៈ ធានាបានការលើកកម្ពស់សុខុមាលភាពរបស់ប្រជាពលរដ្ឋក្នុងទីប្រជុំជនក្រុង ឆ្លើយតបទៅនឹងគោលដៅអភិវឌ្ឍន៍ដោយចីរភាពរបស់រាជរដ្ឋាភិបាលកម្ពុជា និងអង្គការសហប្រជាជាតិ ២០១៦-២០៣០៕ដោយ៖ គង់ សិរីរ័ត្ន, ប្រភព៖ ក្រសួងបរិស្ថាន សម្រួលផ្សាយដោយ៖ dara

Friday, February 25, 2022

រដ្ឋបាលខេត្តកណ្ដាល រៀបចំសិក្ខាសាលាស្តីពីការពង្រឹងលទ្ធិប្រជាធិបតេយ្យសម្រាប់ប្រជាជន

ចំនួនអ្នកទស្សនា: Views



កណ្តាល: ថ្ងៃទី២៥ ខែកុម្ភៈ ឆ្នាំ២០២២ រដ្ឋបាខេត្តកណ្តាលបានរៀបចំសិក្ខាសាលាតាមប្រព័ន្ធបញ្ចូនសំឡេង និងរូបភាព ស្តីពីការពង្រឹងលទ្ធិប្រជាធិបតេយ្យសម្រាប់ប្រជាជន ដោយយកតាមបទពិសោធន៍ និង ការអនុវត្តនៅប្រទេសចិន កាលពីថ្ងៃទី២៤ ខែកុម្ភៈ ឆ្នាំ២០២២ នៅសាលាខេត្តកណ្តាល។ សិក្ខាសា លានេះ ដោយមានការអញ្ជើញចូលរួម ឯកឧត្តម ង៉ាន់ ចំរើន រដ្ឋលេខាធិការក្រសួងមហាផ្ទៃ និងប្រធានលេខាធិការដ្ឋានគណៈកម្មាធិការជាតិសម្រាប់ការអភិវឌ្ឍន៍ប្រជាធិបតេយ្យនៅថ្នាក់ក្រោមជាតិ

 ឯកឧត្តម ម៉ៅ ភិរុណ ប្រធានក្រុមប្រឹក្សាខេត្ត និង លោក នូវប៉េង ច័ន្ទតារា អភិបាលរងខេត្ត។ សម្រាប់ប្រធានបទក្នុងអង្គសិក្ខាសាលារួមមាន៧ប្រធានបទ ប្រធានបទទី១ បទពិសោធន៍ជាប្រវត្តិសាស្រ្តនៃ “លទ្ធិប្រជាធិបតេយ្យរបស់ប្រជាជនក្នុងដំណើការទាំងមូល" (ដំណើរការអភិវឌ្ឍន៍នៃលទ្ធិប្រជាធិបតេយ្យរបស់ចិន)។ ប្រធានបទទី២ ការរៀបចំស្ថាប័ននៃ “លទ្ធិប្រជាធិបតេយ្យរបស់ប្រជាជនក្នុងដំណើរការទាំងមូល" (ប្រព័ន្ធអភិបាលកិច្ចជាតិ ធានាភាពជាម្ចាស់របស់ប្រជាជន)។

 ប្រធានបទទី៣ ការអនុវត្តជាក់លាក់នៃ “លទ្ធិប្រជា ធិបតេយ្យរបស់ប្រជាជនក្នុងដំណើរការទាំងមូល" (ការបោះឆ្នោតតាមបែបប្រជាធិបតរយ្យ ការពិគ្រោះយោបល់ ការសម្រេចចិត្ត ការគ្រប់គ្រង និងការត្រួតពិនិត្យជាមួយខ្សែសង្វាក់ពេញលេញ និងការគ្រប់ដណ្តប់)។ ប្រធានបទទី៤ ដំណើរការទាំងមូលនៃលទ្ធិប្រជាធិបតេយ្យរបស់ប្រជាជនក្នុងការអនុវត្តតាមមូលដ្ឋាន ដែលរួមមានការសាងសង់ និងប្រតិបត្តិការ មជ្ឍមណ្ឌលសេវាកម្មរដ្ឋាភិបាលមូលដ្ឋាន និងការអនុវត្តបច្ចកវិទ្យា ទិន្នន័យធំ(big data)។ល។ ប្រធានបទទី៥ ដំណើរការទាំងមូលនៃលទ្ធិប្រជាធិបតេយ្យក្នុងការអនុវត្តតាមមូលដ្ឋាន រួមមាន ការគ្រប់គ្រងធនធានមនុស្សរបស់រដ្ឋាភិបាលមូលដ្ឋាន។ 

ប្រធានបទទី៦ ដំណើការទាំងមូលនៃលទ្ធិប្រជាធិបតេយ្យរបស់ប្រជាជនក្នុងការអនុវត្តតាមមូលដ្ឋាន រួម មាន ដំណើការទាំងមូលនៃលទ្ធិប្រជាធិបតេយ្យរបស់ប្រជាជន និងស្វ័យភាពរបស់ អ្នក ភូមិក្នុងការអភិវឌ្ឍសមាជប្រជាជននៅតាមឃុំ សង្កាត់។ ចំពោះប្រធានបទទី៧ ការអនុវត្តកំណែទម្រង់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ។ ក្នុងអង្គសិក្ខាសាលាស្តីពីការពង្រឹងលទ្ធិប្រជាធិបតេយ្យសម្រាប់ប្រជាជន ក៏មាន ការចូលរួមពីសំណាក់ អង្គភាព មន្ទីរ ស្ថាប័ន ជុំវិញខេត្ត និងបណ្តាស្រុកក្រុងទាំង១១ របស់ខេត្តកណ្តាល ផងដែរ។ ដោយ៖ ណយ នឿន (ប្រភព៖ រដ្ឋបាលខេត្តកណ្តាល) សម្រួលផ្សាយដោយ៖ dara



អភិបាលខេត្តព្រះសីហនុ ដឹកនាំកិច្ចប្រជុំអនុម័តលើសេចក្តីព្រាងផែនទីកំណត់តំបន់គ្រប់គ្រងជលផលសមុទ្រព្រែកកំពង់ស្មាច់ ក្នុងស្រុកព្រៃនប់

ចំនួនអ្នកទស្សនា: Views



ព្រះសីហនុ: ថ្ងៃទី២៥ ខែកុម្ភៈ ឆ្នាំ២០២២ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុបានដឹកនាំកិច្ចប្រជុំអនុម័តលើសេចក្តីព្រាងផែនទីកំណត់តំបន់គ្រប់គ្រងជលផលសមុទ្រព្រែកកំពង់ស្មាច់ ក្នុង ស្រុកព្រៃនប់ ខេត្តព្រះសីហនុ ដោយមានការចូលរួមពីលោកអភិបាលរងខេត្ត លោក នាយករដ្ឋបាលសាលាខេត្ត ប្រធាន មន្ទីរ អង្គភាពពាក់ព័ន្ធ និងមេឃុំ ។ កិច្ចប្រជុំនេះ បានធ្វើឡើង កាលពីរសៀលថ្ងៃព្រហស្បតិ៍ ៨រោច ខែមាឃ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី ២៤ ខែកុម្ភៈ ឆ្នាំ២០២២។

លោក គង់ វិតាណៈ អភិបាលរងខេត្តព្រះសីហនុបានរាយការណ៍ពីសក្តានុពលព្រែកកំពង់ស្មាច់ ជាតំបន់មានសក្តា នុពលស្ថិតក្នុងស្រុកព្រៃនប់ ដោយសារភាពសម្បូរបែប នៃធម្មជាតិតំបន់ឆ្នេរមានដូចជា ព្រែកោងកាង ស្មៅសមុទ្រ ផ្កាថ្ម ក្តាម បង្គា ។ល។ ។ ស្រុកព្រៃនប់ មានព្រែក ៣សំខាន់ មានដូចជា ព្រែកទឹក សាប ព្រែកកំពង់ស្មាច់ និងព្រែកទាល់ ព្រែកទាំងបីនេះដើរតួនាទីក្នុងការស្តុកទឹកពីប្រភពផ្សេងៗ ដើម្បីផ្គត់ផ្គង់ដល់ការប្រើប្រាស់ក្នុងស្រុក។ ដោយឡែកព្រែកកំពង់ស្មាច់ មានទេសភាពស្អាត ប្រព័ន្ធអេកូឡូស៊ីល្អ មានដែននេសាទសម្រាប់ ប្រជានេសាទក្នុងសហគមន៍តំបន់ឆ្នេរ គ្របដណ្ដប់ដោយព្រៃកោងកាងដ៏វិសេសវិសាល ព្រែកកំពង់ស្មាច់ទទួលប្រភពទឹកពីដៃស្ទឹងតូចធំចំនួន១៦ ។ លោកអភិបាលរងខេត្ដបន្ដថា ព្រែកកំពង់ស្មាច់មានព្រៃកោងកាងដុះចំនួន៣៩ប្រភេទ ២៣ប្រភេទដាំដុះឡើងវិញ និង ១៦ប្រភេទដែលមានដុះក្នុងតំបន់តែម្ដង វាមានកម្ពស់ ២៥ម៉ែត្រ អង្កត់ផ្ចិត ០,៨០ម៉ែត្រ ជាអំណោយផលដល់ប្រភេទខ្យងសមុទ្រ គ្រែងឈាម និងក្តាម លើសពីនេះ មានសត្វល្មូន និងសត្វស្លាបជាច្រើនប្រភេទផ្សេងទៀត។

ជាមួយគ្នានេះដែរ ដើម្បីសម្រេចបាននូវទស្សន វិស័យផែនការគ្រប់គ្រងជលផលសមុទ្រព្រែកកំពង់ស្មាច់យើងបានកំណត់នូវគោលដៅចំនួន៤៖ ទី១. ធ្វើឱ្យប្រសើរឡើងនូវស្ថានភាពធនធានជលផលសមុទ្រ និងជីវចម្រុះដែលបាត់បង់ក្នុងតំបន់ព្រែកកំពង់ស្មាច់។

២.ការពារ និងអភិរក្សនូវប្រភេទសត្វកម្រនិងងាយរងគ្រោះ និងទីជម្រករបស់វា។ ៣. លើក កម្ពស់ការចិញ្ចឹមជីវិតរបស់ប្រជាពលរដ្ឋមូលដ្ឋានឱ្យប្រសើរឡើង។ ៤.ពង្រឹងនូវអភិបាល កិច្ចល្អក្នុងតំបន់ព្រែកកំពង់ស្មាច់ ទាំងសមត្ថភាពក្នុងការគ្រប់គ្រងធនធានជលផលសមុទ្រ និងជីវចម្រុះក្នុងតំបន់ព្រែកកំពង់ស្មាច់ប្រកបដោយនិរន្តរភាព។

ឯកឧត្តម គួច ចំរើន អភិបាលខេត្តព្រះសីហនុមានប្រសាសន៍ថា ក្នុងទំនប់ប៊ុលឌែ មិនអនុញ្ញាតឱ្យមានការកាប់បំផ្លាញព្រៃកោងកាងទេ ហើយត្រូវមានតួលេខផ្ទៃដីដែលត្រូវធ្វើការដាំដុះព្រៃកោងកាងឡើងវិញ។ ទន្ទឹមនោះ ត្រូវធ្វើការឯកភាពគ្នាកំណត់ដែន ជល ផលព្រែកកំពង់ស្មាច់ ដើម្បីធានាថា ធនធានព្រៃកោងកាង និងជីវចម្រុះនានាត្រូវបានថែរក្សា ការពារ និងអភិរក្សតាមរយៈការបង្កើតជាតំបន់អេកូទេសចរណ៍ធម្មជាតិ។ ឯកឧត្តមអភិបាលខេត្តបានធ្វើការណែនាំដល់អាជ្ញាធរស្រុក ឃុំ រៀបចំចលនាបំផុសបងប្អូនប្រជាពលរដ្ឋនៅក្នុងសហគមន៍នេសាទ កុំកាប់បំផ្លាញព្រៃកោងកាង រួមគ្នាចូលរួមថែរក្សា អភិរក្ស និងធ្វើការដាំដុះព្រៃកោងកាងឡើងវិញនៅក្នុងដែនសហគមន៍នេសាទ ដើម្បីជួយលើក កម្ពស់ជីវភាពរស់នៅរបស់ប្រជានេសាទនៅក្នុងសហគមន៍កាន់តែល្អប្រសើរឡើងថែមទៀត៕ដោយ ងូ សុមុនី សម្រួលផ្សាយដោយ៖ dara

Thursday, February 24, 2022

មន្រ្តីសុខាភិបាលខេត្តសៀមរាប ចុះពិនិត្យការលក់ថ្នាំព្យាបាលជំងឺកូវីដដែលគ្មានលេខបញ្ជីកាពីក្រសួងសុខាភិបាល នៅតាមឱសថស្ថាននានាក្នុងខេត្តសៀមរាប

ចំនួនអ្នកទស្សនា: Views




សៀមរាប: ថ្ងៃទី២៤ ខែកុម្ភៈ ឆ្នាំ២០២២ លោកស្រី លី វណ្ណៈ ប្រធានការិយាល័យនិយ័តកម្មសុខាភិបាល នៃមន្ទីរសុខាភិបាលខេត្តសៀមរាប នៅរសៀលថ្ងៃ៧រោច ខែមាឃ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃពុធ ទី២៣ ខែកុម្ភៈ ឆ្នាំ២០២២នេះ បានដឹកនាំមន្រ្តីជំនាញចុះទៅពិនិត្យមើលតាមឱសថស្ថាននានាក្នុងខេត្តសៀមរាប អំពីការដាក់លក់ថ្នាំព្យាបាលជំងឺកូវីដ-១៩ ដែលគ្មានលេខបញ្ជីកាពីក្រសួងសុខាភិបាល ជាពិសេសថ្នាំ Molnupiravir ដែលក្រសួងសុខាភិបាល បានប្រកាសហាមឃាត់ការចែកចាយនិងលក់ ព្រោះថ្នាំនេះពុំមានលេខទិដ្ឋាការ ឬបញ្ជីកាពីក្រសួងសុខាភិបាល។

លោកស្រី លី វណ្ណៈ បានឱ្យដឹងថា បន្ទាប់ពីបានចុះពិនិត្យតាមឱសថស្ថាននានាក្នុងខេត្តសៀមរាបមួយចំនួនធំរួចមក ឃើញថា មានឱសថស្ថានមួយចំនួនតូចប៉ុណ្ណោះ បានលក់ថ្នាំព្យាបាលជំងឺកូវីដ-១៩ ប៉ុន្តែថ្នាំទាំងនោះសុទ្ធតែមានលេខបញ្ជីកា ពីក្រសួងសុខាភិបាលត្រឹមត្រូវ ដោយមន្រ្តីជំនាញមិនទាន់រកឃើញការលក់ថ្នាំ ដែលគ្មានបញ្ជីកាពីក្រសួងសុខាភិបាលនៅក្នុងក្រុងសៀមរាបនោះទេ។

នៅក្នុងឱកាសចុះត្រួតពិនិត្យនេះដែរ លោកស្រីបានណែនាំឱ្យម្ចាស់ឱសថស្ថានទាំងអស់ត្រូវគោរពទៅតាមការណែនាំរបស់ក្រសួងសុខាភិបាល ហាមដាច់ខាតការលក់ថ្នាំ ដែលគ្មានបញ្ជីកាពីក្រសួងសុខាភិបាល។ សម្រាប់ឱសថស្ថានណាដែលបានលក់ថ្នាំព្យាបាលជំងឺកូវីដ-១៩ ដែលមានបញ្ជីកាត្រឹមត្រូវពីក្រសួងសុខាភិបាលហើយនោះ ត្រូវលក់ក្នុងតំម្លៃសមរម្យកុំដំឡើងថ្លៃហួសហេតុ ដែលធ្វើឱ្យអ្នកប្រើប្រាស់មិនអាចទទួលយកបាន។

លោកស្រី លី វណ្ណៈ បានលើកឡើងថា កាលពីផ្ទុះកូវីដ-១៩ដំបូងមានអាជីវករមួយចំនួនបានលក់ម៉ាសក្នុងតម្លៃថ្លៃហួសហេតុ ហើយឥឡូវនេះប្រភេទអូមីក្រុង បានរាតត្បាត តែមានថ្នាំព្យាបាល ។ ដូច្នេះសូមឱ្យម្ចាស់ឱសថស្ថានទាំងអស់ កុំលក់ថ្នាំព្យាបាលកូវីដនេះ ថ្លៃហួសហេតុពេក ដែលធ្វើឱ្យអ្នកប្រើប្រាស់មិនអាចទទួលយកបាន។

សូមបញ្ជាក់ថា ក្រសួងសុខាភិបាល បានជូនព័ត៌មានដល់បងប្អូនប្រជាពលរដ្ឋទាំងអស់ឈប់ទិញ និងប្រើប្រាស់ឱសថ Molmupiravir ដែលគ្មានលេខទិដ្ឋាការ ឬបញ្ជីកាខាងលើ ជាបន្តទៀត ពីព្រោះឱសថទាំងនេះមិនអាចធានាបាននូវប្រសិទ្ធភាព គុណភាព និងសុវត្ថិភាពបានឡើយ ហើយអាចជាឱសថក្លែងក្លាយបណ្តាលឱ្យប៉ះពាល់សុខភាព ឬមានគ្រោះថ្នាក់ដល់អាយុជីវិតរបស់អ្នកប្រើប្រាស់ទៀតផង។

ក្រសួងសុខាភិបាលនឹងមានវិធានការតឹងរ៉ឹងទៅតាមផ្លូវច្បាប់ ចំពោះជនណាចែកចាយ និងផ្សព្វផ្សាយលក់ ឱសថគ្មានលេខបញ្ជីកាខាងលើ និងជនពាក់ព័ន្ធដទៃទៀត ដែលនាំចូល ចែកចាយ និងផ្សព្វផ្សាយលក់ ឱសថដែលគ្មានលេខទិដ្ឋាការ ឬបញ្ជីកាខាងលើ ទៅតាមច្បាប់ស្តីពីវិសោធនកម្មច្បាប់ ស្តីពីការគ្រប់គ្រងឱសថជាធរមាន ៕ដោយ ឃុត សៅ សម្រួលផ្សាយដោយ៖ dara

រដ្ឋបាលរាជធានីភ្នំពេញ៖ ការចាក់វ៉ាក់សាំងបង្ការជំងឺកូវីដ-១៩ នៅមូលដ្ឋានជូនកុមារអាយុ៣ឆ្នាំ ដល់ក្រោម៥ឆ្នាំ បានដំណើរការហើយនៅថ្ងៃទី២៣ ខែកុម្ភៈនេះ

ចំនួនអ្នកទស្សនា: Views




 ភ្នំពេញ :ថ្ងៃទី២៤ ខែកុម្ភៈ ឆ្នាំ២០២២ បន្ទាប់ពីរដ្ឋបាលរាជធានីភ្នំពេញ បានធ្វើការអំពាវនាវ ដល់អាណាព្យាបាលកុមារ ត្រូវនាំកូន ចៅ មកទទួលវ៉ាក់សាំងបង្ការកូវីដ-១៩ លើកទី១ ជូនកុមារអាយុ៣ឆ្នាំ ដល់៥ឆ្នាំ និង១២ឆ្នាំ ក្នុងភូមិសាស្ត្ររាជធានីភ្នំពេញ បានដំណើរការហើយ នាព្រឹកថ្ងៃ៧រោច ខែមាឃ ឆ្នាំឆ្លូវ ត្រីស័ក ព.ស.២៥៦៥ត្រូវនឹងថ្ងៃពុធ ទី២៣ ខែកុម្ភៈ ឆ្នាំ២០២២នេះ ដោយមានអាណាព្យាបាល នាំកូន ចៅរបស់ពួកគាត់ទៅទទួលការចាក់វ៉ាក់សាំងបង្ការជំងឺកូវីដ-១៩ ដូសមូលដ្ឋាននេះយ៉ាងច្រើន នៅតាមទីតាំងដែលបានរៀបចំដោយអាជ្ញាធររាជធានីភ្នំពេញ បានកំណត់រួច ។

ជាក់ស្តែងនៅព្រឹកថ្ងៃទី២៣ ខែកុម្ភៈនេះ ដែលជាថ្ងៃដំបូងនៃការចាក់វ៉ាក់សាំងបង្ការជំងឺកូវីដ -១៩ ដូសមូលដ្ឋានជូនកុមារ ដែលមានអាយុចាប់ពី៣ឆ្នាំ ដល់ក្រោម៥ឆ្នាំ និងដល់១២ឆ្នាំ នៅមន្ទីរពេទ្យបង្អែកចតុមុខ នៅមន្ទីរពេទ្យបង្អែកដង្កោ នៅមន្ទីរពេទ្យបង្អែកច្បារអំពៅ មន្ទីរពេទ្យបង្អែកពោធិ៍ចិនតុង និងនៅតាមមន្ទីរពេទ្យបង្អែកមួយចំនួនទៀត ការចាក់វ៉ាក់សាំងបង្ការជំងឺកូវីដ-១៩ ដូសមូលដ្ឋានជូនកុមារ បានដំណើរការព្រមៗគ្នា ជាមួយនឹងកុមារជាច្រើននាក់ទៅទទួលការចាក់វ៉ាក់សាំងនេះដូចគ្នាផងដែរ។

ការចាក់វ៉ាក់សាំងបង្ការជំងឺកូវីដ-១៩ ដូសមូលដ្ឋានជូនកុមារ ដែលមានអាយុចាប់ពី៣ឆ្នាំ ដល់ក្រោម៥ឆ្នាំ ក្នុងភូមិសាស្ត្ររាជធានីភ្នំពេញនេះ គឺអនុវត្តន៍ទៅតាមអនុសាសន៍ដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងសេចក្តីជូនដំណឹងរបស់រដ្ឋបាលរាជធានីភ្នំពេញ ចុះថ្ងៃទី១៨ ខែកុម្ភៈ ឆ្នាំ២០២២ ដោយក្នុងសេចក្តីជូនដំណឹងនេះ រដ្ឋបាលរាជធានីភ្នំពេញ បានសម្រេចឱ្យដំណើរការចាក់វ៉ាក់សាំងបង្ការជំងឺកូវីដ-១៩ ដូសមូលដ្ឋានជូនកុមារ ដែលមានអាយុចាប់ពី៣ឆ្នាំ ដល់ក្រោម៥ឆ្នាំ ក្នុងភូមិសាស្ត្ររាជធានីភ្នំពេញ សម្រាប់ដូសទី១ ចាប់ផ្តើមពីថ្ងៃទី២៣ ខែកុម្ភៈ ឆ្នាំ២០២២ និងសម្រាប់ដូសទី២ ចាប់ផ្តើមពីថ្ងៃទី២៨ ខែមីនា ឆ្នាំ២០២២ រៀងរាល់ម៉ោង០៨:០០នាទីព្រឹកដល់ម៉ោង១៧ៈ០០នាទីរសៀល ដែលគម្លាតរវាងដូសទី១ និងដូសទី២ មានរយៈពេល២៨ថ្ងៃ នៅតាមទីតាំងដែលបានកំណត់ដោយរដ្ឋបាលរាជធានីភ្នំពេញ នៅក្នុងខណ្ឌទាំង១៤នៅក្នុងរាជធានីភ្នំពេញ ៕ដោយសួស សំរិត សម្រួលផ្សាយដោយ៖ ធូ កុសល

Wednesday, February 23, 2022

សម្ដេចក្រឡាហោម ស ខេង អញ្ជើញជាអធិបតីដ៏ខ្ពង់ខ្ពស់ក្នុងពិធីបើកសន្និបាតត្រួតពិនិត្យលទ្ធផលការងារប្រចាំឆ្នាំ២០២១ និងលើកទិសដៅការងារឆ្នាំ២០២២ របស់ក្រសួងមហាផ្ទៃ និងលទ្ធផលការងារប្រឡងប្រណាំងអនុវត្តគោលនយោបាយ ភូមិ-ឃុំ-សង្កាត់ មានសុវត្ថិភាព

ចំនួនអ្នកទស្សនា: Views

 ព្រឹកថ្ងៃអង្គារ ៦រោច ខែមាឃ ឆ្នាំឆ្លូវ ត្រីស័ក ព.ស ២៥៦៥ ត្រូវនឹង ថ្ងៃទី២២ ខែកុម្ភៈ ឆ្នាំ២០២២ ឯកឧត្តម អ៊ុយ រី ប្រធានក្រុមប្រឹក្សាខេត្តបាត់ដំបង និង ឯកឧត្តម សុខ លូ អភិបាល នៃគណៈអភិបាលខេត្តបាត់ដំបង បានអញ្ជើញចូលរួមក្នុង ពិធីបើកសន្និបាតត្រួតពិនិត្យលទ្ធផលការងារប្រចាំឆ្នាំ២០២១ និងលើកទិសដៅការងារឆ្នាំ២០២២ របស់ក្រសួងមហាផ្ទៃ និងលទ្ធផលការងារប្រឡងប្រណាំងអនុវត្តគោលនយោបាយ “ភូមិ ឃុំ សង្កាត់ មានសុវត្ថិភាព” ក្រោមអធិបតីភាពដ៏ខ្ពង់ខ្ពស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលកម្មវីធីនេះប្រារព្ធធ្វើឡើងនៅសណ្ឋាគាររ៉េស៊ីដង់សុខាភ្នំពេញ ស្ថិតនៅសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។







អគារលេខាធិការដ្ឋានសភាពាណិជ្ជកម្មខេត្តត្បូងឃ្មុំ ត្រូវបានដាក់សម្ពោធឱ្យប្រើប្រាស់ជាផ្លូវការ

ចំនួនអ្នកទស្សនា: Views





 ត្បូងឃ្មុំ : ថ្ងៃទី២៣ ខែកុម្ភ: ឆ្នាំ២០២២ ឯកឧត្តម បួន សារៈមុនី រដ្ឋលេខាធិការ តំណាងឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម អញ្ជើញជាអធិបតីពិធីសម្ពោធដាក់ឱ្យប្រើប្រាស់ជាផ្លូវការនូវអគារលេខាធិការដ្ឋាន ខេត្តត្បូងឃ្មុំ ដើម្បីបង្កលក្ខណៈងាយស្រួលការផ្តល់សេវាសាធារណៈជូនដល់ធុរជន ឬវិនិយោគិន ដោយមានការអញ្ជើញចូលរួមពីថ្នាក់ដឹកនាំសភាពាណិជ្ជកម្មកម្ពុជា ថ្នាក់ដឹកនាំខេត្ត និងមន្ទីរ-អង្គភាពជុំវិញខេត្ត នារសៀលថ្ងៃទី២២ ខែកុម្ភៈ ឆ្នាំ២០២២។

រូបថត៖ ត្បូងឃ្មុំ