បាត់ដំបង: ថ្ងៃទី១៥ ខែធ្នូ ឆ្នាំ២០២១នៅព្រឹកថ្ងៃ១០កើត ខែមិគសិរ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃអង្គារ ទី១៤ ខែធ្នូ ឆ្នាំ២០២១ ឯកឧត្តម សុខ លូ អភិបាលខេត្តបាត់ដំបង បានដឹកនាំក្រុមការងារ និងអាជ្ញាធរខេត្ត ស្រុក ដើម្បីចុះដាំកូនឈើឡើងវិញនៅតំបន់៣ ចំណុចក្រពើស្គម ស្ថិតក្នុងឃុំព្រៃចាស់ ស្រុកឯកភ្នំ បន្ទាប់ពីរងការកាប់ទន្ទ្រានដីព្រៃលិចទឹកបឹងទន្លេសាប ពីសំណាក់ឈ្មួញខិលខូច ។
ដើមឈើព្រៃលិចទឹកដែលយកមកដាំនាពេលនេះ មានកូនឈើព្រៃលិចទឹកចម្រុះចំនួន៥ ០០០ដើម ក្នុងនោះមានដើមប្ញស្សីចំនួន ១ ០០០ដើម ត្រូវបានយកទៅដាំនៅតំបន់ដែលរងការកាប់បំផ្លាញធ្វើជាកម្មសិទ្ធិផ្ទាល់ខ្លួន នៅក្នុងឃុំព្រៃចាស់ ស្រុកឯកភ្នំ បន្ទាប់ពីបានរឹបអូសដីពីក្រុមឈ្មួញ និង ប្រជាពលរដ្ឋ បានទន្រ្ទានព្រៃលិចទឹកទាំងនោះ ក្រោយពេលដែលសម្ដេចអគ្គមហាសេនាបតីតេជោ ហ៊ុនសែន បានចេញបទបញ្ជាឱ្យមានការបង្ក្រាបជាបន្ទាន់រាល់សកម្មភាពដែលរំលោភបំពានដីតំបន់៣ និងត្រូវដាំកូនឈើលើដីព្រៃលិចទឹកឡើងវិញ ។
ការដាំកូនឈើនេះក៏មានការអញ្ជើញចូលរួម ពី ឯកឧត្តម ពុំ សុថា ប្រតិភូរាជរដ្ឋាភិបាល ទទួលបន្ទុកជាប្រធានរដ្ឋបាលជលផល លោកស្នងការនគរបាលខេត្ត លោកប្រធានមន្ទីរ អង្គភាពពាក់ព័ន្ធ លោកអភិបាលស្រុកឯកភ្នំ មន្រ្តីរាជការព្រមទាំងកងកម្លាំងប្រដាប់អាវុធ ផងដែរ ៕ ដោយ ណយ នឿន (ប្រភពៈរដ្ឋបាលខេត្តបាត់ដំបង)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNDhEQXc9PSIsImV4cCI6bnVsbCwicHVyIjoiYmxvYl9pZCJ9fQ==--c59a048f097b5d5a9a798634bc59c36f72d12570/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-12-15_09-37-59.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNDREQXc9PSIsImV4cCI6bnVsbCwicHVyIjoiYmxvYl9pZCJ9fQ==--1377f82da7d3bd4f542ca06f0089723e79857716/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-12-15_09-37-58%20(2).j.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNUFEQXc9PSIsImV4cCI6bnVsbCwicHVyIjoiYmxvYl9pZCJ9fQ==--1a66f491b6cfcefe498478bbc228f5c016fcc31c/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-12-15_09-37-58.jpg)
0 comments:
Post a Comment