កំពត៖ នៅព្រឹកថ្ងៃទី ២៧ ខែធ្នូ ឆ្នាំ២០២១ ឯកឧត្តម ម៉ៅ ធនិន អភិបាលនៃគណៈអភិបាលខេត្តកំពត ព្រមទាំងមានការអមដំណើរដោយថ្នាក់ដឹកនាំ មន្ទីរ អង្គភាពនិងកងកម្លាំង ជុំវិញខេត្តដើម្បីអញ្ជើញ បើកវិញ្ញាសារប្រឡង មធ្យមសិក្សាទុតិយភូមិ(បាក់ឌុប) ឆ្នាំសិក្សា២០២០-២០២១ នៅសាលាវិទ្យាល័យ មិត្តភាពកម្ពុជា-ជប៉ុន ក្រុងកំពត។
តាមរបាយការណ៍ឲ្យដឹងពីមន្ទីរអប់រំយុវជន និងកីឡាខេត្តកំពតថា ការប្រឡងមធ្យមសិក្សាទុតិយភូមិ ឆ្នាំសិក្សា២០២០-២០២១នេះរយៈពេល២ថ្ងៃ គឺថ្ងៃទី២៧-២៨ ខែធ្នូ ឆ្នាំ២០២១ដោយបែងចែកជាថ្នាក់វិទ្យាសាស្ត្រសង្គម និងវិទ្យាសាស្ត្រ។
សម្រាប់នៅខេត្តកំពត មានបក្ខជនដាក់ពាក្យប្រឡង ចំនួន៥.០៣០នាក់ មានមណ្ឌលប្រឡងនៅក្នុងក្រុង ស្រុកចំនួន ៣ គឺនៅក្នុងនោះក្រុងកំពតមានចំនួន៤មណ្ឌល ស្រុកអង្គរជ័យ ចំនួន ៣មណ្ឌល និងស្រុកទឹកឈូចំនួន ៣មណ្ឌល ។ពាក់ព័ន្ធដំណើរការប្រឡង តាមការបញ្ជាក់របស់លោក តាក ហាប់ប្រធានមន្ទីរអប់រំយុវជននិងកីឡាខេត្ត កំពត ឲ្យដឹងថា ដំណើរការប្រឡង ផ្នែកសន្តិសុខសណ្តាប់ធ្នាប់ បានប្រព្រឹត្តទៅដោយរលូនមិនមានបញ្ហាអ្វីឡើយ។ ពិសេសពាក់ព័ន្ធនឹងបញ្ហា ជំងឺកូវីដ១៩ ក៏មិនមានបញ្ហាអ្វីរំខានដល់សិស្សសម្រាប់ចូលប្រលងនោះដែរ ដោយគ្រាន់តែមុនមួយថ្ងៃនៃការប្រឡង មានកិច្ចសហការពីមន្ទីរសុខាភិបាល បានល្អក្នុងការធ្វើតេស្តវាស់កម្ដៅ មានការប្រែប្រួលបន្តិចបន្តួចចំពោះសិស្សមួយចំនួនតូចដែលត្រូវប្រលឡងដោយសារការធ្វើដំណើរមកឆ្ងាយ។ប៉ុន្តែសម្រាក រហូតដល់ថ្ងៃចូលប្រឡងនេះបានមានលក្ខណៈកម្ដៅល្អប្រសើរឡើងវិញអាចបានចូលប្រឡងធម្មតា។
ក្នុងឱកាសបើកវិញ្ញាសារនោះដែរឯកឧត្តមម៉ៅ ធនិនអភិបាលខេត្ត បាន មានប្រសាសន៍ ក្រើនរំលឹកដាស់តឿនចាំផ្ញើ ដល់សិស្សដែលជាបេក្ខជនប្រឡងទាំងអស់សូមបញ្ចេញឲ្យអស់នូវសមត្ថភាពដែលបានសិក្សាកន្លងមក ដើម្បីការប្រឡងនេះ ឲ្យទទួលបានជោគជ័យទាំងអស់គ្នាហើយនឹងបន្តការសិក្សានៅថ្នាក់មហាវិទ្យាល័យបន្ថែមទៀត។ ពិសេសយើងត្រូវរួមគ្នា យកចំណេះវិជ្ជាទាំងអស់នេះ បំរើប្រយោជន៍សង្គមនិងប្រទេសជាតិ ដើម្បីតបស្នងចំពោះប្រមុខរាជរដ្ឋាភិបាល សម្ដេចតេជោ ហ៊ុន សែន ដែលបានយកចិត្តទុកដាក់ខិតខំអភិវឌ្ឍហេដ្ឋារចនាសម្ព័ន្ធអប់រំក្នុងការបណ្ដុះបណ្ដាលធនធានមនុស្សពីទីក្រុងដល់ជនបទ ឲ្យក្លាយជាធនធានមួយមានសក្ដានុពល សំដៅការកសាងនិងអភិវឌ្ឍន៍ប្រទេសជាតិឲ្យបានកាន់តែរីកចម្រើនទៅថ្ងៃអនាគតបន្ថែមទៀត៕ ដោយ៖ មន្ទីរព័ត៌មានខេត្តកំពត សម្រួលផ្សាយដោយ៖ dara
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeW9PQXc9PSIsImV4cCI6bnVsbCwicHVyIjoiYmxvYl9pZCJ9fQ==--189e87d0d48f7e0ad2e39f5c273db8bdc7f5f9bb/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-12-27_10-47-59%20(2).j.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeTRPQXc9PSIsImV4cCI6bnVsbCwicHVyIjoiYmxvYl9pZCJ9fQ==--40b204467b85f5d2db071040618ab42089786e1b/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-12-27_10-47-59.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeXNPQXc9PSIsImV4cCI6bnVsbCwicHVyIjoiYmxvYl9pZCJ9fQ==--6bf92740ce0757ffe81140213b0f13db53948a5a/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-12-27_10-47-59%20(3).j.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeTBPQXc9PSIsImV4cCI6bnVsbCwicHVyIjoiYmxvYl9pZCJ9fQ==--956277ec79894ca8a01db008a50db597eb8823fd/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-12-27_10-48-00.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBeXdPQXc9PSIsImV4cCI6bnVsbCwicHVyIjoiYmxvYl9pZCJ9fQ==--52ee895caaa0bed3e46791639bf416b8e3403e3a/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-12-27_10-47-59%20(4).j.jpg)
0 comments:
Post a Comment