![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBM1B0QWc9PSIsImV4cCI6bnVsbCwicHVyIjoiYmxvYl9pZCJ9fQ==--7658e9ddb3e30ca0e6dd7f49f05eaf30e6b40565/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/8182C9EE-0E27-4866-8D97-A248DB5.jpeg)
MC : រដ្ឋមន្ត្រីក្រសួងព័ត៌មាន បានក្រើន រំលឹកអាជ្ញាធរដែនដី មន្រ្តីគ្រប់លំដាប់ថ្នាក់ នៅក្នុងខេត្តកំពង់ចាម ត្រូវបន្តពង្រឹងសាម គ្គីភាព ផ្ទៃក្នុងឱ្យបានកាន់តែល្អ ដើម្បីបំពេញភារកិច្ចបម្រើប្រជាពលរដ្ឋ។ ការក្រើនរំលឹករបស់ឯកឧត្តម ខៀវ កាញារីទ្ធ រដ្ឋមន្រ្តី ក្រសួងព័ត៌មាន នៅក្នុងឱកាសកិច្ចប្រជុំផ្សព្វផ្សាយផែនការសកម្មភាពជាក់ស្តែង ឆ្ពោះទៅកាន់ការបោះឆ្នោតជ្រើសរើសក្រុមប្រឹក្សា ឃុំ សង្កាត់ អាណត្តិទី៥ ឆ្នាំ ២០២២ សម្រាប់ថ្នាក់ដឹកនាំ មន្រ្តីរាជការ អាជ្ញាធរដែនដី គ្រប់លំដាប់ថ្នាក់ ក្នុងស្រុកកោះសូទិន ខេត្តកំពង់ចាម បានធ្វើឡើងនាព្រឹកថ្ងៃទី១៨ ខែវិច្ឆិកា ឆ្នាំ ២០២១ នៅស្រុកកោះសូទិន។
ឯកឧត្តម រដ្ឋមន្រ្តី ខៀវ កាញារីទ្ធ មាន ប្រសាសន៍លើកឡើងថា ការបោះឆ្នោតជ្រើសរើសក្រុមប្រឹក្សា ឃុំ សង្កាត់ គឺកាន់ តែខិតជិតមកដល់ហើយ ដែលជាការដ៏សំខាន់សម្រាប់ទាំងអស់គ្នា ពិសេសអាជ្ញា ធរដែនដីទាំងអស់ត្រូវត្រៀម លក្ខណ:បំ ពេញឱ្យបានល្អ ហើយត្រូវប្តូររបៀបរបបធ្វើការងារចាស់ចេញ ដើម្បីឱ្យបានរហ័ស និងប្រសិទ្ធភាពខ្ពស់ ក្តាប់ឱ្យបានពីអ្វីដែលមានការប្រែប្រួលក្នុងមូលដ្ឋានរបស់ខ្លួន នីមួយៗ ។ ក្នុងរយ:កន្លងមកនេះ ឯកឧត្តម ប្រធានក្រុមការងារ កោះសូទិន បានឱ្យបណ្តា ឃុំ ទាំង ៨ ក្នុងស្រុកកោះសូទិន ខេត្តកំពង់ចាម បង្កើតជាផេកមួយ សម្រា ប់ឃុំនីមួយៗ ដើម្បីធ្វើការផ្លាស់ប្តូរបទពិ សោធន៍គ្នា ការផ្ទេរព័ត៌មានទៅវិញទៅមកបានរហ័ស ដើម្បីនៅពេលបំពេញភារកិច្ចផ្ទាល់ គឺទទួលបានលទ្ធផលល្អ មានផលប្រយោជន៍ និងប្រសិទ្ធភាពជាងមុន ។
ឆ្លៀតក្នុងឱកាសនោះ ឯកឧត្តម ខៀវ កាញារីទ្ធ បានរំលឹកអាជ្ញាធរដែនដី មន្រ្តីគ្រប់លំដាប់ថ្នាក់ ត្រូវបន្តពង្រឹងសាមគ្គី ភាព ផ្ទៃក្នុងឱ្យបានកាន់តែល្អ ត្រូវកសាងមិត្តថ្មី កសាងកម្លាំងថ្មី ដោយថែរក្សាកម្លាំងចាស់ដដែល ដោយមិនមានការបោះបង់ចោលនោះទេ ៕
0 comments:
Post a Comment