ភ្នំពេញ :ថ្ងៃទី១០ ខែកញ្ញ្ញា ឆ្នាំ២០២១
ថ្ងៃ៣កើត ខែភទ្របទ ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃព្រហស្បតិ៍ ទី០៩ ខែកញ្ញ្ញា ឆ្នាំ២០២១ លោក ផេង សំអឿន អគ្គនាយករងអាជ្ញាធរជាតិព្រះវិហារ ប្រចាំរមណីយដ្ឋានប្រាសាទកោះកេរ បានចុះសិក្សា ត្រួតពិនិត្យ វាយតម្លៃ និង ចងក្រងឯកសារស្តីពីស្ថានភាពប្រាសាទសំខាន់ចំនួន៦ ដែលស្ថិតក្នុងសៀវភៅផែនការអភិរក្ស និង ជួសជុល ក្នុងរមណីយដ្ឋានប្រាសាទកោះកេរ ។
លោក ផេង សំអឿន អគ្គនាយករងអាជ្ញាធរជាតិព្រះវិហារ បានឱ្យដឹងថា ការចុះសិក្សា ត្រួតពិនិត្យ វាយតម្លៃ និង ចងក្រឯកសារលើប្រាសាទសំខាន់ចំនួន៦ ក្នុងរមណីយដ្ឋានប្រាសាទកោះកេរនេះ មានប្រាសាទគោកគ្រង, ប្រាសាទបឹងខ្នារ, ប្រាសាទក្ទម្ព, ប្រាសាទក្រចាប់, ប្រាសាទបល្ល័ង្កត្បូង, និងប្រាសាទដងទង់ ។ គឺដើម្បីឈ្វេងយល់ពីស្ថានភាពបច្ចុប្បន្ន កម្រិតហានិភ័យរបស់ប្រាសាទនីមួយៗ និង រៀបចំចងក្រងឯកសារស្តីពីផែនការអនុវត្តន៍រយៈពេលខ្លី និង រយៈពេលវែង សម្រាប់ការងារអភិរក្ស និង ជួសជុលនាពេលខាងមុខ។
ក្នុងដំណើរការសិក្សា ត្រួតពិនិត្យ វាយតម្លៃ និង ចងក្រងឯកសារនេះ ក៏មានការចូលរួម ពីប្រធាន អនុប្រធាននាយកដ្ឋាន និង មន្ត្រីបចេ្ចកទេស នៃនាយកដ្ឋានរមណីយដ្ឋាន និងបុរាណវិទ្យា ជាច្រើនរូបផងដែរ ៕
![](https://static.information.gov.kh/rails/active_storage/blobs/eyJfcmFpbHMiOnsibWVzc2FnZSI6IkJBaHBBM1c1QWc9PSIsImV4cCI6bnVsbCwicHVyIjoiYmxvYl9pZCJ9fQ==--d0f9616b6139a893335546fd771ef3d8ea7498d3/C9C0C60B-DF31-4952-95E1-E5ED914.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBM2U1QWc9PSIsImV4cCI6bnVsbCwicHVyIjoiYmxvYl9pZCJ9fQ==--64400a5e96e07cd50840da26123f13a1ab7a119e/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/69CF8FE1-1699-4D10-B3FF-27F0C93.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBM2E1QWc9PSIsImV4cCI6bnVsbCwicHVyIjoiYmxvYl9pZCJ9fQ==--845676955a62a1487ec540033b3c4204da882d88/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/0A283320-3234-4730-A840-A39B803.jpeg)
ដោយ : dara (ប្រភពៈ អាជ្ញាធរជាតិព្រះវិហារ)
0 comments:
Post a Comment