Pages

សូមស្វាគមន៍ WWW.SPS-NEWS.COM មានទទួល សេវាកម្មផ្សាយពាណិជ្ជកម្ម គ្រប់ប្រភេទ ចាងហ្វាងការផ្សាយ ទីស្នាក់ការកណ្តាល ភូមិតាកែវ ឃុំគរ ស្រុក ព្រៃឈ ខេត្តកំពង់ចាម ទំនាក់ទំនង Tel: 090 905 988 / 086 309 181


សូមស្វាគមន៍ គេហទំព័រ ស្ពាន សន្តិភាព មានទទួល សេវាកម្មផ្សាយពាណិជ្ជកម្ម គ្រប់ប្រភេទ ចាងហ្វាងការផ្សាយ ទីស្នាក់ការកណ្តាល ភូមិតាកែវ ឃុំគរ ស្រុក ព្រៃឈ ខេត្តកំពង់ចាម ទំនាក់ទំនង Tel: 090 905 988 / 086 309 181


Tuesday, April 6, 2021

ឯកឧត្តម វ៉ា ថន អញ្ជើញចុះសួរសុខទុក្ខនិងនាំយកសម្ភារ គ្រឿងឧបភោគបរិភោគជូនដល់កងកម្លាំងវិស្វកម្មដែលកំពុងសាងសង់ផ្លូវក្រវាត់ព្រំដែន

ចំនួនអ្នកទស្សនា: Views

( ក្រចេះ): ឯកឧត្តម វ៉ា ថន អភិបាលនៃគណៈអភិបាលខេត្តក្រចេះ បានអញ្ជើញចុះសួរសុខទុក្ខ និងនាំយកសម្ភារ គ្រឿងឧបភោគបរិភោគ ជូនដល់កងកម្លាំងវិស្វកម្ម ដែលកំពុងសាងសង់ផ្លូវខ្សែបន្ទាត់ព្រំដែនកម្ពុជា-វៀតណាម ចំណុចភូមិត្រពាំងស្រែ ឃុំ២ធ្នូ ស្រុកស្នួល ខេត្តក្រចេះ កាលពីព្រឹកថ្ងៃ៨រោច ខែចេត្រ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃចន្ទ ទី០៥ ខែមេសា ឆ្នាំ ២០២១។

ជួបជាមួយកងកម្លាំងវិស្វកម្មនៅពេលនោះ ឯកឧត្តម វ៉ា ថន បានជំរុញឱ្យកម្លាំងឯកភាពគ្រប់អង្គភាព ដែលឈរជើងនៅតាមបន្ទាត់ព្រំដែនត្រូវបង្កើនការយកចិត្តទុកដាក់ និងរឹតបន្តឹងលើការឆ្លងដែនខុសច្បាប់ ខណៈកម្ពុជាកំពុងប្រយុទ្ធប្រឆាំងយ៉ាងខ្លាំងក្លាពីការឆ្លងរីករាលដាលជំងឺកូវីដ-១៩ ។

 ឯកឧត្ដមបញ្ជាក់ថា ផ្លូវក្រវាត់ព្រំដែននេះ ជាផ្លូវយុទ្ធសាស្ត្ររបស់រាជរដ្ឋាភិបាលក្នុងការការពារទឹកដី និងជាផ្លូវសេដ្ឋកិច្ចថ្មីសម្រាប់ប្រជាពលរដ្ឋរស់នៅក្នុងតំបន់ ក៏ដូចជាក្នុងប្រទេសកម្ពុជា។ មិនត្រឹមតែប៉ុណ្ណោះផ្លូវមួយខ្សែនេះនឹងជួយសម្រួលដល់បណ្ដាកងឯកភាព ដែលមានតួនាទីការពារនៅតាមគោលដៅសំខាន់ៗ និងជាការបិទបញ្ចប់នូវបញ្ហាជម្លោះព្រំដែនផងដែរ។ 

ឯកឧត្តមអភិបាលខេត្តបញ្ជាក់ទៀតថា ថ្វីត្បិតតែខេត្តក្រចេះ រហូតមកដល់ពេលនេះមិនទាន់មានប្រជាពលរដ្ឋឆ្លងជំងឺកូវីដ-១៩ក៏ដោយ ក្នុងនាមអាជ្ញាធរខេត្ត ត្រូវរឹតបន្តឹង និងអនុវត្តន៍តាមការណែនាំរបស់ប្រមុខរាជរដ្ឋាភិបាល ក៏ដូចជាវិធានការរបស់ក្រសួងសុខាភិបាលនិងការជំរុញដល់សមត្ថកិច្ច និងអាជ្ញាធរមូលដ្ឋានគ្រប់ថ្នាក់ ត្រូវតែពង្រឹងការទប់ស្កាត់ប្រយុទ្ធប្រឆាំងការឆ្លងរាលដាលជំងឺកូវីដ-១៩ ចូលក្នុងសហគមន៍ ជាពិសេសត្រូវបង្កើនការយកចិត្តទុកដាក់ និងរឹតបន្តឹងលើការឆ្លងដែនខុសច្បាប់ ។

នៅក្នុងឱកាសនោះឯកឧត្តម វ៉ា ថន អភិបាលនៃគណៈអភិបាលខេត្ត​ក្រចេះ បានផ្តល់ជូនដល់កងកម្លាំងវិស្វកម្មនូវសម្ភារ គ្រឿងឧបភោគ​បរិភោគ​មាន អង្ករ​ចំនួន ៤០០គីឡូក្រាម មី​១៣ កេសតូច ត្រីខ​១កេសធំ ទឹកបរិសុទ្ធ​១០កេស បន្លែស្ពៃ ៣០គីឡូក្រាម ផ្លែត្រលាច និងផ្លែល្ពៅ ចំនួន ២ការ៉ុង សាច់គោ១០គីឡូក្រាម សាច់ជ្រូក១០គីឡូក្រាម ម៉ាសចំនួន ១.០០០ អាល់កុល១កេសធំ និងបានផ្តល់ថវិកាដល់កងកម្លាំងចំនួន ១៦៧នាក់ ក្នុងម្នាក់ៗទទួលបានថវិកា៤ម៉ឺន រៀល ព្រមទាំងឧបត្ថម្ភថវិកាចំនួ ន៣លានរៀល​​ទៀត ដល់អង្គភាពនីមួយៗសម្រាប់ជួយសម្រួលដល់ការហូបចុកប្រចាំថ្ងៃផងដែរ​ ៕

ដោយជួន សុជាតិ 

0 comments:

Post a Comment