(កោះកុង)៖ អភិបាលខេត្តកោះកុង នៅថ្ងៃទី១៧ខែមករា ២០២១នេះ អនុញ្ញាតឱ្យពលករខ្មែរចំនួន២០នាក់ ដែលឆ្លងដែនចូលមកកម្ពុជាតាមច្រកព្រំដែននានាក្នុងខេត្ត បានវិលត្រឡប់ទៅស្រុកកំណើតវិញ ក្រោយពីពួកគាត់ធ្វើចត្តាឡីស័ករកមិនឃើញវីរុសកូវីដ១៩។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBM0c1QVE9PSIsImV4cCI6bnVsbCwicHVyIjoiYmxvYl9pZCJ9fQ==--efae8f176584f83c17089931fdabca4fb24fc84b/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/0E158F3C-3D56-49D1-95CE-921714E.jpeg)
ក្នុងចំណោមពលករជិត៩០នាក់នៅមណ្ឌលចក្តាឡីស័កអតីតសាលាខេត្តចាស់ គឺមាន២០នាក់ប៉ុណ្ណោះដែលអនុញ្ញាតឱ្យត្រឡប់ទៅស្រុកកំណើតវិញនៅថ្ងៃនេះ ក្នុងនោះស្រ្តី និងកុមារចំនួន៦នាក់ គ្រាចូលរួមស្ម័គ្រចិត្តធ្វើចត្តាឡីស័ករយៈពេល១៤ថ្ងៃកន្លងទៅមក។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBM0s1QVE9PSIsImV4cCI6bnVsbCwicHVyIjoiYmxvYl9pZCJ9fQ==--e9c24ca7ce78ce2a1327d634774b1680c6030ec8/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/6D4E9451-3DDF-47F3-8047-B1FAAE6.jpeg)
អញ្ជើញជូនដំណើរពលករត្រឡប់ទៅផ្ទះសម្បែរនៅស្រុកកំណើត លោកជំទាវ មិថុនា ភូថង អភិបាលខេត្តកោះកុង អរគុណចំពោះកិច្ចចូលរួមទប់ស្កាត់ការរីករាលដាលជំងឺកូវីដ១៩របស់ពលករជាមួយអាជ្ញាធរខេត្ត ក្រសួងសុខាភិបាល ពិសេសរាជរដ្ឋាភិបាលកម្ពុជា។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBM081QVE9PSIsImV4cCI6bnVsbCwicHVyIjoiYmxvYl9pZCJ9fQ==--0ad5869551b9a9c333acb66dd36a667b6eae3115/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/9300F5E2-EED7-408D-96E7-E5C170E.jpeg)
លោកជំទាវអភិបាលខេត្ត បញ្ជាក់ថា ពលករដែលអនុញ្ញាតឱ្យត្រឡប់ទៅផ្ទះជួបជុំគ្រួសារនោះ មានខេត្តកំពត កំពង់ចាម ត្បូងឃ្មុំ និងខេត្តព្រៃវែង រកពុំឃើញវីរុសកូវីដ១៩ឡើយ។ ប៉ុន្តែទោះយ៉ាងណា លោកជំទាវ មិថុនា ភូថង នៅតែទាមទារឱ្យក្រុមពលករបន្តធ្វើអនាម័យសុខភាពអំឡុងពេលទៅដល់លំនៅដ្ឋាន ករណីមានរោគសញ្ញាសង្ស័យណាមួយ គប្បីប្រញាប់ទៅមន្ទីរពេទ្យនៅក្បែរមូលដ្ឋានរស់នៅ។
![](https://static.information.gov.kh/rails/active_storage/blobs/eyJfcmFpbHMiOnsibWVzc2FnZSI6IkJBaHBBM1M1QVE9PSIsImV4cCI6bnVsbCwicHVyIjoiYmxvYl9pZCJ9fQ==--59480c4ad2d4f292b37c3e93215e921542a32fed/0F53965F-36A2-4206-AB41-0D0B6A7.jpeg)
តំណាងពលករខ្មែរដែលឆ្លងដែនមកពីប្រទេសថៃ ដោយធ្វើចតា្តឡីស័កតេស្តសំណាកចំនួ៣លើក និងរកពុំឃើញជំងឺកូវីដ១៩ បង្ហាញភាពត្រេកអរពេលសុខភាពរបស់ពួកគេរឹងមាំល្អ ជៀសផុតពីជំងឺកូវីដ។
![](https://static.information.gov.kh/rails/active_storage/blobs/eyJfcmFpbHMiOnsibWVzc2FnZSI6IkJBaHBBM1c1QVE9PSIsImV4cCI6bnVsbCwicHVyIjoiYmxvYl9pZCJ9fQ==--fc96ddde4a21a9d69335fbd2b1bf1f516a524f54/CE424BB1-A881-41A0-8E0B-F92FFD5.jpeg)
ពលករស្ម័គ្រចិត្តធ្វើចត្តាឡីស័ក អះអាងទៀតថា មូលហេតុសម្រេចចិត្តធ្វើដំណើរឆ្លងដែនកន្លែងការងារនៅប្រទេសកកម្ពុជាវិញអំឡុងពេលផ្ទុះជំងឺកូវីដនៅថៃ ក៏ព្រោះតែគ្មានការងារធ្វើជំនួសដោយការផ្អាកដំណើរបណ្តោះអាសន្ន។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBM2E1QVE9PSIsImV4cCI6bnVsbCwicHVyIjoiYmxvYl9pZCJ9fQ==--5dfabafc3967d91eadefd511d52ce95e195ad015/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/7429A6AE-78D7-45AD-8AE1-8C333AF.jpeg)
បច្ចុប្បន្ន ទាំងអាជ្ញាធររដ្ឋបាល មន្រ្តីសុខាភិបាល និងកងកម្លាំងនៅតាមខ្សែបន្ទាត់ព្រំដែនកម្ពុជាថៃ ក្នុងមូលដ្ឋានខេត្តកោះកុង កំពុងបង្កើនការតាមដានពិនិត្យលំហូចំនួនពលករខ្មែរគ្រប់ច្រកចេញចូលនៃព្រំដែន ជាពិសេសច្រករបៀង ត្រៀមទទួលពលករមកធ្វើចត្តាឡីស័ក២៤ម៉ោងលើ២៤ម៉ោង៕
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBM2k1QVE9PSIsImV4cCI6bnVsbCwicHVyIjoiYmxvYl9pZCJ9fQ==--057e09a72cb413af5de281ee992981b6db5aec3a/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/1ADF97B8-A78C-4AA8-874D-D9BBD8D.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBM2U1QVE9PSIsImV4cCI6bnVsbCwicHVyIjoiYmxvYl9pZCJ9fQ==--b044c39d1c43d422b636482ce467512bb04909d8/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/D7F29194-54AC-4E12-9406-B2B2280.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBM201QVE9PSIsImV4cCI6bnVsbCwicHVyIjoiYmxvYl9pZCJ9fQ==--2c26dc8e8e73f67f968e81f9423a56d25fd5e2b4/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/3E0287B9-381B-4E40-A77E-A7B3AAF.jpeg)
0 comments:
Post a Comment