ឧកញ៉ាបណ្ឌិត គីម ហ៊ាង ផ្ញើសារអបអរសាទរ ឯកឧត្តម ហ៊ុន ម៉ាណែត ក្នុងឱកាសគណបក្សប្រជាជនកម្ពុជា តែងតាំង ដំឡើងឋានៈជាអនុប្រធានគណៈចលនាមហាជននៃគណៈកម្មាធិការកណ្តាល

 

(ភ្នំពេញ)៖ ឧកញ៉ាបណ្ឌិត គីម ហ៊ាង ប្រធាន KW Cambodia និងក្រុមការងារទូទាំងប្រទេស នៅថ្ងៃទី២៤ ខែធ្នូ ឆ្នាំ២០២០នេះ បានផ្ញើសារអបអរសាទរ និងជូនពរឯកឧត្តម ហ៊ុន ម៉ាណែត ក្នុងឱកាសដែលគណបក្សប្រជាជនកម្ពុជា បានតែងតាំងដំឡើងឋានៈជាអនុប្រធានគណៈចលនាមហាជន នៃគណៈកម្មាធិការកណ្ដាល ។

ឆ្លៀតក្នុងឱកាសដ៏វិសេសវិសាលថ្លៃថ្លានេះ យើងខ្ញុំទាំងអស់គ្នា សូមសម្តែងនូវអំណរសាទរ ដោយស្មោះអស់ពីដួងចិត្ត និងសូមបួងសួងដល់វត្ថុស័ក្តិសិទ្ធិទាំងឡាយក្នុងលោក សូមប្រសិទ្ធពរជ័យ បវរសួស្តី សិរីមង្គល មហាប្រសើរជូនឯកឧត្តម ហ៊ុន ម៉ាណែត សូមប្រកបដោយសុខភាពល្អបរិបូរណ៌ កម្លាំងមាំមួនប្រាជ្ញាវាងវៃ អាយុយឺនយូរ ដើម្បីរួមចំណែកក្នុងការអភិវឌ្ឍ ព្រះរាជាណាចក្រកម្ពុជា ឆ្ពោះទៅកាន់សុខសន្តិភាព វឌ្ឍនភាព និងសម្បូររុងរឿងជានិច្ចនិរន្តរ៍តរៀងទៅ ។

យើងខ្ញុំទាំងអស់គ្នា សូមគោរពជូនពរ ឯកឧត្តមបណ្ឌិត និងលោកជំទាវ ព្រមទាំងបុត្រាបុត្រី សូមប្រកបដោយពរទាំង៥ប្រការ គឺ៖ អាយុ វណ្ណៈ សុខៈ ពលៈ និងបដិភាណៈ កុំបីឃ្លៀងឃ្លាតឡើយ៕

អ្នកនិពន្ឋ: ព័ត៌មានជាតិ