សៀមរាប៖កាលព្រឹកថ្ងៃទី១៨ ខែតុលា ឆ្នាំ២០២១ លោក Liu Zhijie (លី ជីជា) ប្រធានការិយាល័យកុងស៊ុលចិនប្រចាំខេត្តសៀមរាប បាននាំយកអំណោយរបស់ការិយាល័យកុងស៊ុល រួមមាន ៖ ម៉ាស់KN95 ចំនួន ៨កេស , ម៉ាស់ពេទ្យ ៣២កេស , ថ្នាំ LIAN HUA QING WEN ចំនួន ៣២កេស ,សៀវភៅអភិបាលកិច្ចប្រទេសចិន ភាគ២ ភាគ៣ ជាភាសាអង់គ្លេស ១២០ក្បាល , ទស្សនាវដ្តីខ្មែរ ៦កេស , Renovation Fee ចំនួន ២ pcs និង រ៉ឺម៉ក់ម៉ូតូកង់បី ចំនួន ២គ្រឿងមកប្រគល់ជូនរដ្ឋបាលខេត្តសៀមរាប ក្នុងគោលបំណងចូលរួមចំណែកជាមួយរាជរដ្ឋាភិបាល សំខាន់រដ្ឋបាលខេត្តសៀមរាប សម្រាប់ប្រើប្រាស់ក្នុងយុទ្ធនាការប្រយុទ្ធប្រឆាំងនឹងជំងឺកូវីដ-១៩ ក្រោមវត្តមានលោក ពិន ប្រាកដ អភិបាលរងខេត្ត តំណាងដ៏ខ្ពង់ខ្ពស់ឯកឧត្ដម ទៀ សីហា អភិបាលនៃគណ:អភិបាលខេត្ត ។
មានប្រសាសន៍ក្នុងឱកាសនោះ ក្នុងនាមឯកឧត្តម ទៀ សីហា អភិបាលខេត្តសៀមរាប លោក ពិន ប្រាកដ បានថ្លែងនូវអំណរគុណយ៉ាងជ្រាលជ្រៅចំពោះទឹកចិត្តសប្បុរសធម៌របស់ការិយាល័យកុងស៊ុលចិនប្រចាំខេត្តសៀមរាប ដែលតែងតែចូលរួមចំណែកជាមួយរដ្ឋបាលខេត្តក្នុងគ្រាំបាកគ្រប់កាល:ទេស: ដែលកាយវិការនេះ គឺជាវប្បធម៌មួយក្នុងការចែករំលែក ក៏ដូចជាការចូលរួមចំណែកជាមួយរាជរដ្ឋាភិបាល និងរដ្ឋបាលខេត្ត ក្នុងការប្រយុទ្ធប្រឆាំងនឹងជំងឺកូវីដ-១៩ ដែលកំពុងឆ្លងក្នុងសហគមន៍នាពេលបច្ចុប្បន្ន ហើយអំណោយទាំងនេះ រដ្ឋបាលខេត្តនឹងធ្វើការផ្គត់ផ្គង់ដល់ប្រជាពលរដ្ឋដែលមានការខ្វះខាតនៅតាមបណ្តាក្រុង ស្រុក ។
លោកអភិបាលរងខេត្ត បានបន្តទៀតថា រយ:កាលកន្លងមកអាជ្ញាធរខេត្ត តែងតែបានធ្វើការណែនាំដល់ប្រជាពលរដ្ឋគ្រប់រូប ត្រូវធ្វើការសម្របខ្លួនរៀនរស់នៅទៅតាមគន្លងបែបថ្មី ជាមួយកូវីដ-១៩ និងត្រូវប្រកាន់ភ្ជាប់នូវវិធានការរបស់រាជរដ្ឋាភិបាល ៣កុំ ៣ការពារ និងសេចក្តីណែនាំ របស់ក្រសួងសុខាភិបាល ទោះបីបងប្អូនបានចាក់វ៉ាក់សាំងបានគ្រប់ដូសក៏ពិតមែន ក៏ត្រូវតែបន្តអនុវត្តឲ្យបានខ្ជាប់ខ្ជួន ព្រោះថាកូវីដ-១៩ មិនរើសអើងដល់បុគ្គលណាម្នាក់ឡើយ នៅពេលដែលយើងមានការធ្វេសប្រហែសនោះ៕ ដោយ៖ មន្ទីរព័ត៌មានខេត្តសៀមរាប សម្រួលផ្សាយដោយ៖ dara
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNy9XQWc9PSIsImV4cCI6bnVsbCwicHVyIjoiYmxvYl9pZCJ9fQ==--fb063f304a47608869bfa85bbfc7684ddd7a4804/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-10-18_21-53-27.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOERXQWc9PSIsImV4cCI6bnVsbCwicHVyIjoiYmxvYl9pZCJ9fQ==--88a2db571007b5ff62cff6d2d6c6c6775bbf4518/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-10-18_21-53-26.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOExXQWc9PSIsImV4cCI6bnVsbCwicHVyIjoiYmxvYl9pZCJ9fQ==--2d6b1f586f2f5b61172d290327d34bbdd0b6f4d6/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-10-18_21-53-27%20(2).j.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOFRXQWc9PSIsImV4cCI6bnVsbCwicHVyIjoiYmxvYl9pZCJ9fQ==--0d8b7fab908425e8b752302a2739922385cafa06/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-10-18_21-53-27%20(3).j.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOEhXQWc9PSIsImV4cCI6bnVsbCwicHVyIjoiYmxvYl9pZCJ9fQ==--531de858586a53ad4db5660adf6a0df214f0edc3/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-10-18_21-53-28%20(2).j.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOFhXQWc9PSIsImV4cCI6bnVsbCwicHVyIjoiYmxvYl9pZCJ9fQ==--26a5c449a2899210dffd4ac13cd6dbd77fa4ad33/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-10-18_21-53-28.jpg)
0 comments:
Post a Comment