Pages

សូមស្វាគមន៍ WWW.SPS-NEWS.COM មានទទួល សេវាកម្មផ្សាយពាណិជ្ជកម្ម គ្រប់ប្រភេទ ចាងហ្វាងការផ្សាយ ទីស្នាក់ការកណ្តាល ភូមិតាកែវ ឃុំគរ ស្រុក ព្រៃឈ ខេត្តកំពង់ចាម ទំនាក់ទំនង Tel: 090 905 988 / 086 309 181


សូមស្វាគមន៍ គេហទំព័រ ស្ពាន សន្តិភាព មានទទួល សេវាកម្មផ្សាយពាណិជ្ជកម្ម គ្រប់ប្រភេទ ចាងហ្វាងការផ្សាយ ទីស្នាក់ការកណ្តាល ភូមិតាកែវ ឃុំគរ ស្រុក ព្រៃឈ ខេត្តកំពង់ចាម ទំនាក់ទំនង Tel: 090 905 988 / 086 309 181


Sunday, March 21, 2021

ក្រុមហ៊ុនស៊ីភីកម្ពុជាកំពុងនាំមុខគេ ក្នុងដំណើរការអាជីវកម្មលើវិស័យផលិតកម្មសត្វ

ចំនួនអ្នកទស្សនា: Views


MC ៖ ក្រុមហ៊ុនស៊ីភីកម្ពុជា កំពុងនាំមុខគេក្នុងចំណោមក្រុមហ៊ុនធំៗលើដំណើរការអាជីវកម្មក្នុងវិស័យផលិតកម្មសត្វ ស្របពេលដែលក្រសួងកសិកម្ម រុក្ខាប្រមាញ់ និងនេសាទ បាននឹងកំពុងសហការជំរុញគាំទ្រ និងលើកទឹកចិត្តឱ្យវិស័យឯកជន យកចិត្តទុកដាក់បង្កើនផលិតភាពផលិតកម្មសត្វ (ជ្រូក មាន់ ទា គោ ក្របី) ផលិតកម្មស៊ុត និងផលិតកម្មចំណីសត្វ ដើម្បីលើកកម្ពស់ប្រសិទ្ធភាពផលិតកម្មពូជ សាច់ ស៊ុត និងចំណី ធានាបាននូវ និរន្តរភាពនៃបរិមាណផ្គត់ផ្គង់ គុណភាព និងសុវត្ថិភាពផលិតផល ឆ្លើយតបតាមសេចក្តីត្រូវការរបស់អ្នកបរិភោគ រក្សាបាននូវកំណើនសេដ្ឋកិច្ចគ្រួសារ សេដ្ឋកិច្ចជាតិ និងឱ្យស្របតាមអភិក្រម "រដ្ឋ-ឯកជន-ដៃគូអភិវឌ្ឍន៍-សហគមន៍កសិកម្ម" ដែលអនុវត្តតាមគោលនយោបាយ និងផែនការអភិវឌ្ឍន៍វិស័យកសិកម្មឆ្នាំ២០១៩-២០២៣ ។

ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់និង នេសាទ បានឱ្យដឹងថា ក្រុមហ៊ុន ស៊ីភីកម្ពុជា ជាក្រុមហ៊ុនមួយក្នុងចំណោមក្រុមហ៊ុនធំៗ ដែល កំពុងដំណើរការអាជីវកម្មលើវិស័យផលិតកម្មសត្វ(ជ្រូក និងមាន់) ស៊ុតមាន់ ចំណីសត្វ និងអាហារមនុស្ស (សាច់ក្រក ប្រហិត និងសាច់ប៉ាត់តេ) និងសត្តឃាតដ្ឋានមាន់ នៅក្នុងព្រះរាជាណាចក្រកម្ពុជា ដោយដាក់ទុនវិនិយោគប្រមាណ៦៧,៤លានដុល្លារ (នេះបើតាមរបាយការណ៍របស់ក្រុមហ៊ុនស៊ីភីកម្ពុជា កាលពីថ្ងៃទី១៩ ខែមីនា)។ របាយការណ៍នេះក៏បានរៀបរាប់យ៉ាងពិស្តារផងដែរថា បច្ចុប្បន្នក្រុមហ៊ុនមានរោងចក្រផលិតចំណីសត្វពីរកន្លែង មួយនៅខេត្តកំពង់ស្ពឺ និងមួយទៀតនៅខេត្តប៉ៃលិន ដែលរោងចក្រទាំងពីរមានសក្តានុពលផលិតចំណីសត្វគ្រប់ប្រភេទបានចំនួន៥៥ ០០០តោនក្នុងមួយខែ ដោយប្រើប្រាស់វត្ថុធាតុដើមផលិតក្នុងស្រុកមានពោតក្រហមចំនួន ២០០ ០០០តោនក្នុងមួយឆ្នាំ និងដំឡូងមីក្រៀមចំនួន ១០០ ០០០តោនក្នុងមួយឆ្នាំ ក្រៅពីនេះ វត្ថុធាតុដើមមួយចំនួនទៀតក្រុមហ៊ុនបានស្នើសុំគោលការណ៍នាំចូលពីក្រសួងកសិកម្ម រុក្ខាប្រមាញ់ និងនេសាទ ដើម្បីយកមកបំពេញ បង្គ្រប់តាមតម្រូវការរបស់រោងចក្រ ជាពិសេសអតិថិជនដែលជាអ្នកចិញ្ចឹមសត្វ ម្ចាស់ដេប៉ូចំណីសត្វ ដៃគូ និងប្រើប្រាស់ក្នុងក្រុមហ៊ុនផ្ទាល់ ។

ឯកឧត្តម បានបន្តថា ក្រៅពីផលិតកម្មចំណីសត្វ ក្រុមហ៊ុនមានចិញ្ចឹមមាន់ពូជយកពងភ្ញាស់យកកូនបានចំនួន ៧០០ ០០០ក្បាលក្នុងមួយសប្តាហ៍ ផលិតកូនជ្រូកពូជបានចំនួន ២០ ០០០ក្បាលក្នុងមួយសប្តាហ៍ ។ដើម្បីបំពេញសេចក្តីត្រូវការសាច់មាន់និងផលិតផលសាច់ ក្រុមហ៊ុនបានបង្កើតសត្តឃាតដ្ឋានមួយកន្លែង ដែលអាចពិឃាតមាន់សាច់បានចំនួន ១០ ០០០ក្បាលក្នុងថ្ងៃ មួយផ្នែកលក់ជាសាច់មាន់ស្រស់និងមួយផ្នែកទៀត លក់ជាផលិតផលកែច្នៃមានដូចជា សាច់ក្រក ប្រហិត និងសាច់ប៉ាត់តេ ដោយគិតជាមធ្យមក្នុងមួយខែរោងចក្រអាចផលិតបាន ៥០០ ០០០ គីឡូក្រាម ។

ឯកឧត្តមបានបន្ថែមទៀតថា ដើម្បីរក្សាខ្សែច្រវាក់ផលិតកម្មពី A to Z ឱ្យមាននិរន្តរភាព ចាំបាច់ក្រុមហ៊ុនត្រូវការបុគ្គលិក កម្មករ សរុបចំនួន ២៧០០នាក់ ក្នុងនោះមានបុគ្គលិកពេទ្យសត្វចំនួន ២០០នាក់ ដែលជានិស្សិតបានបញ្ចប់ការសិក្សានៅតាមសកលវិទ្យាល័យនានានៅទូទាំងប្រទេស ក្នុងគោលបំណងពង្រីកផលិតកម្មចិញ្ចឹមសត្វ ជាពិសេសដើម្បីចូលរួមលើកកម្ពស់សេដ្ឋកិច្ចគ្រួសារ ក្រុមហ៊ុនបាននិងកំពុងអនុវត្តផលិតកម្មកសិកម្មតាមកិច្ចសន្យា ដោយគិតមកទល់ដើមឆ្នាំ២០២១នេះក្រុមហ៊ុនមាន ដៃគូសហការចិញ្ចឹមជ្រូក និងមាន់ចំនួន ១ ៤០០គ្រួសារនៅទូទាំងប្រទេស ហើយចំនួននេះសង្ឃឹមថា នឹងមានការកើនឡើងជាបន្តបន្ទាប់ក្រោយពេលវិបត្តជំងឺឆ្លងកូវីដ-១៩ ។

ម៉្យាងវិញទៀត តាមផែនការគ្រោងទុក ក្រុមហ៊ុននឹងបង្កើនផលិតភាពផលិតកម្មសត្វ និងចំណី ឱ្យបានពី១៥ភាគរយ ទៅ ២០ភាគរយ ដើម្បីចូលរួមផ្គត់ផ្គង់តម្រូវការទីផ្សារក្នុងស្រុក ដែលចេះតែមានការកើនឡើងជាលំដាប់ពីមួយឆ្នាំទៅមួយឆ្នាំនិងអាចធ្វើការនាំចេញផងដែរ ៕

 វិទ្យុជាតិកម្ពុជា ៖ ស៊ឹង សុផារី


0 comments:

Post a Comment