-->
សូមស្វាគមន៍ www.sps-news.com / មានទទួល សេវាកម្មផ្សាយពាណិជ្ជកម្ម គ្រប់ប្រភេទ /ទំនាក់ទំនង Tel: 090 905 988 / 086 309 181 / 016998799
សូមស្វាគមន៍ គេហទំព័រ ស្ពាន សន្តិភាព មានទទួល សេវាកម្មផ្សាយពាណិជ្ជកម្ម គ្រប់ប្រភេទ /ទំនាក់ទំនង Tel: 090 905 988 / 086 309 181 / 016998799

Saturday, August 20, 2022

ព្រឹកនេះសម្តេចពិជ័យសេនា ទៀ បាញ់ អញ្ជើញបញ្ចុះបឋមសិលាបើកការដ្ឋាន សាងសង់មហាចេតិយសម្រាប់តម្កល់អដ្ឋិធាតុ និងស្តូបរំលឹកគុណយុទ្ធរំដោះជាតិ

ចំនួនអ្នកទស្សនា: Views


មហាចេតិយសម្រាប់តម្កល់អដ្ឋិធាតុ និងស្តូបរំលឹកគុណយុទ្ធជនកងកម្លាំងប្រដាប់អាវុធសាមគ្គីសង្គ្រោះជាតិកម្ពុជានេះ ត្រូវបានសាងសង់ឡើងនៅតំបន់ប្រវត្តិសាស្ត្រយោធាតេជោកោះថ្ម X-16 ស្ថិតនៅភូមិកោះថ្ម ឃុំទន្លូង ស្រុកមេមត់ ខេត្តត្បូងឃ្មុំ។

ការសាងសង់មហាចេតិយសម្រាប់តម្កល់អដ្ឋិធាតុ និងស្តូបរំលឹកគុណយុទ្ធជនកងកម្លាំងប្រដាប់អាវុធសាមគ្គីសង្គ្រោះជាតិកម្ពុជា ត្រូវបានធ្វើឡើងក្រោមការចង្អុលបង្ហាញ និងណែនាំដោយផ្ទាល់ពីសំណាក់សម្តេចតេជោ ហ៊ុន សែន នាយករដ្ឋមន្ត្រីកម្ពុជា។

កាលពីថ្ងៃទី២០ ខែមិថុនា ឆ្នាំ២០២២ ក្នុងឱកាសអញ្ជើញប្រារព្ធខួប៤៥ឆ្នាំនៃទិវាចងចាំដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត (២០ មិថុនា ១៩៧៧-២០ មិថុនា ២០២២) សម្តេចតេជោ ហ៊ុន សែន បានណែនាំឱ្យរៀបចំធ្វើមាតុភូមិអដ្ឋិធាតុយុទ្ធជនកងកម្លាំងប្រដាប់អាវុធសាមគ្គីសង្គ្រោះជាតិកម្ពុជាចំនួន ៤៩រូប ដែលបានបញ្ចុះនៅប្រទេសវៀតណាម។

សម្តេចតេជោ ហ៊ុន សែន បានគូសបញ្ជាក់នាពេលនោះថា កម្ពុជាមានសុខសន្តិភាព មានលទ្ធភាព ដែលគួរដល់ពេលនាំអដ្ឋិធាតុយុទ្ធជនរំដោះជាតិគ្មានសាច់ញាតិទាំងនោះ ត្រឡប់មកកាន់ទឹកដីកំណើតវិញផងដែរ។ សម្តេចតេជោ ក៏បានណែនាំឱ្យរៀបចំកន្លែងតម្កល់អដ្ឋិធាតុយុទ្ធជនស្នេហាជាតិរបស់កម្ពុជានោះនៅតំបន់ប្រវត្តិសាស្ត្រយោធាតេជោកោះថ្ម X-16។សម្តេចតេជោ ក៏ធ្លាប់បានគូសបញ្ជាក់ប្រាប់មន្ត្រីជាន់ខ្ពស់បក្សកុម្មុយនិស្តវៀតណាម កាលពីខែកក្កដា ឆ្នាំ២០២២នេះដែរថា អដ្ឋិធាតុរបស់យុទ្ធជនកងកម្លាំងប្រដាប់អាវុធសាមគ្គីសង្គ្រោះជាតិកម្ពុជាទាំង ៤៩រូប នឹងនាំមកតម្កល់នៅកម្ពុជាវិញនៅឆ្នាំ២០២៣៕









0 comments:

Post a Comment