ព្រះសីហនុ ៖ ថ្ងៃទី០៦ ខែមករា ឆ្នាំ២០២២ រសៀលថ្ងៃ៣កើត ខែបុស្ស ឆ្នាំឆ្លូវ ត្រីស័ក ព. ស. ២៥៦៥ ត្រូវនឹងថ្ងៃពុធ ទី០៥ ខែមករា ឆ្នាំ២០២២ លោក គង់ វិតាណ: អភិបាលរងខេត្តព្រះសីហនុ បានដឹកនាំកិច្ចប្រជុំមួយដែលមានការចូលរួមពីប្រធាន អនុប្រធានមន្ទីរពាក់ព័ន្ធ ដើម្បីត្រៀមលក្ខណៈជូនរដ្ឋមន្ត្រីទេសចរណ៍អាស៊ាន ២០២២ ( ATF) ក្នុងពិធីដាំកូនឈើ និងចុះពិនិត្យទីតាំងដាំនៅជិតសិលាបណ្តាសារ ដើមឈើចាំស្នេហ៍ ជាកម្មវិធីមួយ ក្នុងចំណោមកម្មវិធីជាច្រើនទៀត នៃកិច្ចប្រជុំវេទិកាទេសចរណ៍អាស៊ាន ។
លោក គង់ វិតាណ: អភិបាលរងខេត្ត មានប្រសាសន៍ថា ដើម្បីត្រៀមលក្ខណៈទុកជាមុន ជូនរដ្ឋមន្ត្រីទេសចរណ៍អាស៊ាន ចូលរួមក្នុងពិធីដាំដើមឈើជានិមិត្តរូប។ មន្ទីរជំនាញត្រូវកំណត់ទីតាំងមានដូចជា ការជីករណ្តៅដាំតាមលក្ខណៈបច្ចេកទេស មានធុងស្រោចទឹក ប៉ែល ស្រោមដៃជាដើម ។
លោកអភិបាលរងខេត្ត បានបន្តថា ខេត្តព្រះសីហនុមានកិត្តិយសធ្វើជាម្ចាស់ផ្ទះ ក្នុងកិច្ចប្រជុំវេទិកាទេសចរណ៍អាស៊ានលើកទី៤០ ឆ្នាំ២០២២ (ATF 2022) ចាប់ពីថ្ងៃទី១៦-២២ ខែមករា ឆ្នាំ២០២២ នៅសណ្ឋាគារសុខា ក្រុងព្រះសីហនុ ខេត្តព្រះសីហនុ។ នេះជាកិច្ចប្រជុំវេទិកាទេសចរណ៍អាស៊ានលើកទី៤០ ឆ្នាំ២០២២ (ATF 2022) រយៈពេល ១០ឆ្នាំម្តង ដែលកិច្ចប្រជុំលើកទី១ និងលើកទី២ វេទិកាទេសចរណ៍អាស៊ាន ធ្វើនៅរាជធានីភ្នំពញ ៕ដោយ ងូ សុមុនី សម្រួលផ្សាយដោយ៖ ដារ៉ា
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMklVQXc9PSIsImV4cCI6bnVsbCwicHVyIjoiYmxvYl9pZCJ9fQ==--e57ba96263a94fbd6b07106a8d815a5d230df0cd/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-01-06_08-57-49.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMlVVQXc9PSIsImV4cCI6bnVsbCwicHVyIjoiYmxvYl9pZCJ9fQ==--22483d2f8ca61cdcfb8a68a5465e0a185e2abdef/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-01-06_08-57-55.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMlFVQXc9PSIsImV4cCI6bnVsbCwicHVyIjoiYmxvYl9pZCJ9fQ==--075ec94fa008c31a6f43e1a77b20d5ce69a79d0d/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-01-06_08-58-09.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBMllVQXc9PSIsImV4cCI6bnVsbCwicHVyIjoiYmxvYl9pZCJ9fQ==--538f910c647b499d215718ffc7f7c22497621c67/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2022-01-06_08-57-59.jpg)
0 comments:
Post a Comment