កែប ៖ នៅរសៀលថ្ងៃទី២០ ខែធ្នូ ឆ្នាំ២០២១ នេះ ឯកឧត្តម សោម ពិសិដ្ឋ អភិបាលខេត្តកែប បានទទួលជួបសម្តែងការគួរសម ជាមួយក្រុមចម្រុះអធិការកិច្ចហត្ថពលកម្មបរទេស ដែលមាន មន្ត្រីមកពីនាយកដ្ឋានជនបរទេសអន្តោប្រវេសន៍ ជាអ្នកវិនិយោគឯកជន ចំណុះអគ្គនាយកដ្ឋាន អន្តោប្រវេសន៍ និងតំណាងមន្ទីរការងារ និងបណ្តុះបណ្តាលវិជ្ជាជីវៈខេត្ត កែប តំណាងផែនអន្តោ ប្រវេសន៍ នៃស្នងការដ្ឋាននគរបាលខេត្តកែប។ គោលបំណងរបស់ក្រុមចម្រុះអធិការកិច្ចហត្ថពលកម្មបរទេសក្នុងថ្ងៃនេះ គឺដើម្បី ពិភាក្សាការងារ និងសុំគោលការណ៍ណែនាំពីអភិបាលខេត្ត មុនចុះធ្វើអធិការកិច្ច តាមសហគ្រាស គ្រឹះស្ថាននានា ក្នុងខេត្តកែប ការចុះធ្វើអធិការកិច្ចក្នុងភូមិសាស្ត្រខេត្តកែប ដើម្បីអនុវត្តច្បាប់ស្តីពីអន្តោប្រវេសន៍ និងច្បាប់ស្តីពីការងារនៃព្រះរាជាណាចក្រកម្ពុជា។
ឯកឧត្តម សោម ពិសិដ្ឋ អភិបាលខេត្តកែប បានណែនាំដល់ក្រុមការងារចម្រុះអធិការកិច្ច ត្រូវពិនិត្យលើលិខិតឆ្លងដែន សៀវភៅការងារជនបរទេស រួមទាំងឯកសារពាក់ព័ន្ធផ្សេងៗ នៅតាមសហគ្រាស គ្រឹះស្ថាន អាជីវកម្មរណប អាជីវកម្មពុំមាននាមករណ៍ អាជីវកម្មពេលរាត្រី អាជីវកម្មចល័ត និងអាជីវកម្មផ្សេងៗទៀតដែលចល័តទៅ-មក ជាពិសេសនោះ ជនបរទេស ដែលមកធ្វើការរស់នៅក្នុងខេត្ត ពុំមាន passport បាត់ passport ឬ passport ផុតសុពលភាព ត្រូវអនុវត្តតាមច្បាប់ឱ្យមានប្រសិទ្ធភាពខ្ពស់ ដោយឈរលើគោលការណ៍ច្បាប់៕
អត្ថបទ លោក ហាន ឆនមន្ទីរព័ត៌មានខេត្តកែប
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOXdJQXc9PSIsImV4cCI6bnVsbCwicHVyIjoiYmxvYl9pZCJ9fQ==--a185e6942925d241fe610d405c6fe8c2e93998c5/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/5C51ABC3-451F-4188-A539-AC7B925.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOXNJQXc9PSIsImV4cCI6bnVsbCwicHVyIjoiYmxvYl9pZCJ9fQ==--b454ef4a13cd4f05738fdeb3c365b6852d4d7fe1/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/6517C2B3-FFC9-41A4-95FF-712671D.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBOTBJQXc9PSIsImV4cCI6bnVsbCwicHVyIjoiYmxvYl9pZCJ9fQ==--cc60f0519ec225c3b481ab9a65aec53c6b2c99e8/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/16A40527-BAA7-4FC3-BE98-EF34C29.jpeg)
0 comments:
Post a Comment