បន្ទាយមានជ័យ : ថ្ងៃទី០៥ ខែវិច្ឆិកា ឆ្នាំ២០២១
ម៉ាសក្រណាត់ចំនួន ១១ ៨៥៦ម៉ាស និង ជែលលាងដៃចំនួន ៩ ៨៨០ដប ដែលជាអំណោយឧបត្ថម្ភរបស់ ឯកឧត្តមឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងទ័ពជើងគោក និង លោកជំទាវ ពេជ ចន្ទមុន្នី ត្រូវបានផ្តល់ដល់ នាយទាហាន នាយទាហានរង និងពល ទាហាន កងពលតូចថ្មើរជើងលេខ៥១ សម្រាប់ប្រើប្រាស់ការងារប្រចាំថ្ងៃ ដើម្បីបង្ការទប់ស្កាត់ ជំងឺកូវីដ-១៩។
ក្នុងពិធីទទួល ម៉ាសនិងជែលលាងដៃ អំណោយដ៏ថ្លៃថ្លានេះកាលពីរសៀលថ្ងៃ ១៤រោច ខែអស្សុជ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃព្រហ ស្បតិ៍ទី០៤ ខែវិច្ឆិកា ឆ្នាំ២០២១ នៅទី បញ្ជាការកងពលតូចថ្មើរជើងលេខ៥១។
ឧត្តមសេនីយ៍ត្រី សឹង្ហ ទុំ មេបញ្ជាការកងពលតូចថ្មើរជើងលេខ៥១ ជំនួសមុខឱ្យនាយ ទាហាន នាយទាហានរង និងពលទាហានទូទាំងកងពល សូមថ្លែងអំណរគុណយ៉ាង ជ្រាល ជ្រៅ ចំពោះទឹកចិត្តដ៏ប្រពៃរបស់ ឯកឧត្តម មេបញ្ជាការកងទ័ពជើងគោក និងលោក ជំទាវ ដែលជានិច្ចកាលតែងតែ បានបង្ហាញនូវការយកចិត្តទុកដាក់ ខ្ពស់បំផុត ដល់សុខុមាលភាព កងយោធពលខេមរភូមិន្ទនិយាយជារួម និងនិយាយដោយឡែកនាយទាហាន នាយទាហាន រង និងពលទាហាន កងពលតូចថ្មើរជើងលេខ៥១ ដែលកំពុងបំពេញបេសកកម្មប្រតិបត្តិការ នៅតាមបន្ទាត់ព្រំដែនកម្ពុជា-ថៃ ចៀសផុតពីជំងឺដ៏កាចសាហាវកូវីដ-១៩។
ឧត្តមសេនីយ៍ត្រី សឹង្ហ ទុំ បានបញ្ជាក់ថា ជាកិច្ចតបស្នងយោធិនគ្រប់រូបប្តេជ្ញា បន្តខិតខំ ប្រឹងប្រែងយកចិត្តទុកដាក់ថែមទៀត ក្នុងការបំពេញតួនាទីភារកិច្ច និងបន្តបង្កើនការយកចិត្ត ទុកដាក់អនុវត្តវិធានការ ៣កុំ ៣ការពារ និងរួមគ្នាប្រយុទ្ធទប់ស្កាត់ការរីករាលដាលនៃជំងឺកូវីដ-១៩នេះ ឱ្យបានដាច់ខាត ៕
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK1RrQWc9PSIsImV4cCI6bnVsbCwicHVyIjoiYmxvYl9pZCJ9fQ==--4110a6ba9d8a24dd82b78dadb507f1f689f54c22/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/44446C43-506C-4D23-B28F-5A7FDC0.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK1BrQWc9PSIsImV4cCI6bnVsbCwicHVyIjoiYmxvYl9pZCJ9fQ==--4719becd05b780953463e9e36a40e24985c98876/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/4F15DCF2-04D4-4EEC-87BB-4A1D051.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK0hrQWc9PSIsImV4cCI6bnVsbCwicHVyIjoiYmxvYl9pZCJ9fQ==--98348a72ce954b651363e6184f57c872f2eaa2a2/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/FF690612-59EF-4458-A8A5-368A9DC.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBK0xrQWc9PSIsImV4cCI6bnVsbCwicHVyIjoiYmxvYl9pZCJ9fQ==--3fca12c9169222806d132c2f4572c6ee72b58344/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/88FEEC9D-1779-4E1E-AB8F-ABFCB0F.jpeg)
ដោយឈុនសារ៉ាត
0 comments:
Post a Comment