-->
សូមស្វាគមន៍ WWW.SPS-NEWS.COM មានទទួល សេវាកម្មផ្សាយពាណិជ្ជកម្ម គ្រប់ប្រភេទ ចាងហ្វាងការផ្សាយ ទីស្នាក់ការកណ្តាល ភូមិតាកែវ ឃុំគរ ស្រុក ព្រៃឈ ខេត្តកំពង់ចាម ទំនាក់ទំនង Tel: 090 905 988 / 086 309 181/ 016998799


សូមស្វាគមន៍ គេហទំព័រ ស្ពាន សន្តិភាព មានទទួល សេវាកម្មផ្សាយពាណិជ្ជកម្ម គ្រប់ប្រភេទ ចាងហ្វាងការផ្សាយ ទីស្នាក់ការកណ្តាល ភូមិតាកែវ ឃុំគរ ស្រុក ព្រៃឈ ខេត្តកំពង់ចាម ទំនាក់ទំនង Tel: 090 905 988 / 086 309 181 / 016998799


Friday, September 30, 2022

ចំនួនអ្នកទស្សនា: Views

 

បាត់ដំបង: ថ្ងៃទី៣០ ខែកញ្ញា ឆ្នាំ២០២២ ឯកឧត្តម សុខ លូ អភិបាលខេត្តបាត់ដំបងបានអញ្ជើញដឹកនាំក្រុមការងារជំនាញ ចុះពិនិត្យមើលវឌ្ឍនភាពនៃការសាងសង់ទំនប់ដូនទ្រី ដែលស្ថិតក្នុង ស្រុករុក្ខគិរី ខេត្តបាត់ដំបង កាលពីថ្ងៃទីថ្ងៃទី២៩ ខែកញ្ញា ឆ្នាំ២០២២ ។

លោក ឡុង ផលគុណ ប្រធានមន្ទីរធនធានទឹក និងឧតុនិយមខេត្តបាត់ដំបងបានឱ្យដឹងថា គម្រោងសាងសង់ទំនប់ដូនទ្រីក្នុង ខេត្តបាត់ដំបង ក្រោមជំនួយរបស់ភាគីកូរ៉េ មកទល់ពេលនេះសម្រេចសាងសងើបានក្នុងរង្វង់ ៦០ភាគរយហើយ ដែលគ្រោងនឹងបញ្ចប់ការសាងសង់ក្នុង ឆ្នាំ២០២៤។ លោកប្រធានមន្ទីរបន្ដថា ក្រោយការសាងសង់ចប់ អាងទឹកនេះ អាចស្តុកទឹកបាន ១៦៣ លានម៉ែត្រគូប ដែលមានផ្ទៃរងទឹកភ្លៀងជាង ៣ពាន់គីឡូម៉ែត្រក្រឡា និងអាចស្រោចស្រពបានចំនួនផ្ទៃដី ៤ ម៉ឺន ហិកតា នៅក្នុងខែវស្សា និង ខែប្រាំងចំនួន ២ ម៉ឺនហិកតា។

គួរជម្រាបជូនថា ម្រោងអភិវឌ្ឍន៍ទំនប់ដូនទ្រី ស្ថិតនៅក្នុង ស្រុករុក្ខគីរី ខេត្តបាត់ដំបង ដែលបានបើកការដ្ឋានសាងសង់កាលពីខែមិថុនា ឆ្នាំ២០១៨ ហើយក្រោយពេលបញ្ចប់ការកសាង ឯកឧត្តម សុខ លូ អភិបាលខេត្តបាត់ដំបង សង្ឃឹមថា ទំនប់ទឹកនេះនឹងជួយដោះស្រាយបញ្ហាទឹកនៅក្នុងតំបន់កាន់តែល្អប្រសើរ៕ ដោយ៖ ណយ នឿ (ប្រភព៖ រដ្ឋបាលខេត្តបាត់ដំបង) សម្រួលផ្សាយដោយ៖ dara

ប្រជាពលរដ្ឋរងគ្រោះដោយសារជំនន់ទឹកភ្លៀងនៅទីទួលសុវត្ថិភាព បានទទួលអំណោយមនុស្សធម៌ ពីសាខាកាកបាទក្រហមកម្ពុជា

ចំនួនអ្នកទស្សនា: Views


ព្រះវិហារ៖ នៅរសៀលថ្ងៃទី២៩ ខែកញ្ញា ឆ្នាំ២០២២ លោក យុង គឹមហ៊ាន នាយកសាខាកាកបាទក្រហម កម្ពុជាខេត្តព្រះវិហារនិងលោក នូ តារាមុនី្ន អនុប្រធាន គណៈកម្មាធិការអនុសាខាកាកបាទក្រហមកម្ពុជា ក្រុងព្រះវិហារ រួមជាមួយក្រុមការងារ បាននាំយកអំណោយ មនុស្សធម៌ផ្ដល់ជូនបងប្អូនប្រជាពលរដ្ឋ រងគ្រោះ ដោយសារទឹកជំនន់ចំនួន ៣០គ្រួសារ(ភូមិគោកបេង ០៩គ្រួសារ ភូមិថ្មី ២១គ្រួសារ)ក្នុងសង្កាត់ កំពង់ប្រណាក ក្រុងព្រះវិហារ ។

នៅក្នុងឱកាសនោះដែរ លោកនាយកសាខាកាកបាទក្រហមកម្ពុជាខេត្ត បានពាំនាំនូវប្រសាសន៍ ផ្តាំផ្ញើ សាកសួរសុខទុក្ខពីសំណាក់ឯកឧត្តមប្រធានគណ:កម្មាធិការសាខា ជាពិសេសសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលសម្តេចតែងតែគិតគូរពីសុខទុក្ខបងប្អូនជានិច្ច ពោលគឺ ទីណាមានការលំបាកទីនោះមានកាកបាទក្រហមកម្ពុជា ។ លោកក៏បានផ្តាំផ្ញើសូមឱ្យបងប្អូនថែរក្សាសុខភាព ត្រូវហូបទឹកស្អាតជានិច្ច ពិសេសមានការប្រុងប្រយ័ត្នក្នុងពេលទឹកឡើង ការពារកូនតូចៗ ចៀសវាងគ្រោះថ្នាក់ កើតឡើងជាយថាហេតុ។

ឯអំណោយដែលផ្ដល់ជូននោះ ក្នុងមួយគ្រួសារទទួលបាន៖ អង្ករ ២៥គីឡូក្រាម មី ១កេស ត្រីខ ១យួរ និង ទឹកស៊ីអ៊ីវ ១យួរ ៕

មន្ទីរព័ត៌មានខេត្តព្រះវិហារ:សម្រួលដោយដារ៉ា



Thursday, September 29, 2022

លោក សាយ សំអាល់៖ ការប្រឡងប្រណាំង «ភូមិ ឃុំ សង្កាត់ មានសុវត្ថិភាព» នឹងជួយឱ្យពលរដ្ឋរស់នៅប្រកបដោយអនាម័យ មានសោភ័ណភាព និងបរិស្ថានល្អ

ចំនួនអ្នកទស្សនា: Views

 

(ភ្នំពេញ)៖ លោក សាយ សំអាល់ រដ្ឋមន្រ្តីក្រសួងបរិស្ថាន បានថ្លែងថា តាមរយៈការប្រឡងប្រណាំង «ភូមិ ឃុំ សង្កាត់ មានសុវត្តិភាព» ក្នុងក្របខណ្ឌសម្បត្តិទី៦ គឺនឹងបានចូលរួមជួយលើកស្ទួយឱ្យភូមិ ឃុំ សង្កាត់ មានសោភ័ណភាព គ្មានសំរាម ធ្វើឱ្យការរស់នៅប្រកបដោយផាសុកភាព មានភាពថ្លៃថ្នូរ ស៊ីវិល័យ ផ្អែកតាមគោលការណ៍ណែនាំរបស់ក្រសួងបរិស្ថាន។

ថ្លែងក្នុងកិច្ចប្រជុំ អញ្ជើញជាអធិបតីភាពក្នុងការដឹកនាំកិច្ច ប្រជុំអន្តរក្រសួងស្តីពី «ការប្រឡងប្រណាំង ភូមិ ឃុំសង្កាត់មានសុវត្តិភាព» ក្នុងក្របខណ្ឌលក្ខណៈសម្បត្តិទី៦ នាព្រឹកថ្ងៃទី២៨ ខែកញ្ញា ឆ្នាំ២០២២ លោក សាយ សំអាល់ បានឱ្យដឹងថា៖ «តាមរយៈការអនុវត្តគោលនយោបាយ៖ ការប្រឡងប្រណាំង «ភូមិ ឃុំសង្កាត់មានសុវត្តិភាព» នឹងធ្វើឱ្យទីប្រជុំជន លំនៅដ្ឋាន ទីផ្សារ និងក៏ដូចជាតំបន់ទេសចរណ៍ប្រកបដោយអនាម័យ ដែលជាទីទាក់ទាញវិស័យទេសចរណ៍»

លោករដ្ឋមន្រ្តី បានឱ្យដឹងថា កន្លងមកក្រសួងរៀបចំយន្តការគ្រប់គ្រងសំណល់រឹងសម្រាប និងផ្ទេរមុខងារ ទៅដល់រដ្ឋបាល ស្រុក ក្រុង សំដៅកាត់បន្ថយសំណល់រឹង។ ដើម្បីទ្រាំទ្រនៅយន្តការនេះក្រសួងបានផ្តល់បច្ចេកទេសក្នុងការបង្កើតទីលានចាក់សំរាម ឡាន និងផ្តល់ជាឡដុតសំរាមទៅដល់បណ្តាស្រុកមួយចំនួន។ជាមួយគ្នានេះដែរតាមរយៈការអប់រំផ្សព្វផ្សាយបានធ្វើឱ្យពលរដ្ឋយល់ដឹង និងចូលរួមថែរក្សាអនាម័យបរិស្ថានកាន់តែប្រសើរឡើងជាបន្តបន្ទាប់។

ក្នុងកិច្ចប្រជុំនេះដែរដើម្បីបង្កើនប្រសិទ្ធភាព និងការអនុវត្តចលនាប្រណាំងគោលនយោបាយ «ភូមិ ឃុំសង្កាត់មានសុវត្តិភាព ក្នុងក្របខណ្ឌលក្ខណៈទី៦» នេះ លោក សាយ សំអាល់ បានណែនាំក៏ដូចជាផ្តល់អនុសាសន៍ដល់ក្រសួងស្ថាប័នពាក់ព័ន្ឋក្នុងការបែងចែកតួនាទីភារកិច្ចការងារ និងក៏ដូចជាជំរុញឱ្យមានការផ្សព្វផ្សាយអប់រំដល់ អាជ្ញាធរ និងពលរដ្ឋដើម្បីឱ្យការអនុវត្តការងារកាន់តែទទួលបានប្រសិទ្ធភាព និងប្រសិទ្ធផលបន្ថែមទៀត។

បើតាមលោក កែន សេរីរដ្ឋា អគ្គនាយកចំណេះដឹង និងព័ត៌មានបរិស្ថាន បានបង្ហាញពីលក្ខណៈវិនិច្ឆ័យ និងសូចនាករសម្រាប់វាយតម្លៃ ភូមិ ឃុំសង្កាត់មានសុវត្តិភាព ហើយនិងរួមទាំងនីតិវិធី និងដំណើរការជ្រើសរើសបេក្ខភាពជ័យលាភី ក្នុងការអនុវត្តគោលនយោបាយរបស់រាជរដ្ឋាភិបាលកម្ពុជា ឱ្យកាន់តែទទួលបានជោគជ័យ។

គួរបញ្ជាក់ថា ក្នុងកិច្ចប្រជុំនេះមន្រ្តីដែលមកពីអន្តរក្រសួងនានា បានចូលរួមជជែកពិភាក្សាយ៉ាងផុលផុស ហើយដែលត្រូវបានលោករដ្ឋមន្រ្តី សាយ សំអាល់ វាយតម្លៃខ្ពស់សម្រាប់ការយកមកអនុវត្តនៃគោលនយោបាយការប្រឡងប្រណាំង «ភូមិ ឃុំសង្កាត់មានសុវត្តិភាព ក្នុងក្របខណ្ឌលក្ខណៈទី៦» នេះ កានត់ែមានប្រសិទ្ធភាពបន្ថែមទៀតនៅថ្ងៃខាងមុខ៕


ប្រសាសន៍សំខាន់ៗរបស់សម្តេចតេជោ ហ៊ុន សែន ឱកាសអញ្ជើញជាអធិបតីប្រារព្ធ «វេទិកាអន្តរសាសនាប្រឆាំងការជួញដូរមនុស្សលើកទី៦»

ចំនួនអ្នកទស្សនា: Views



(ភ្នំពេញ)៖ បន្ទាប់ពីខកខានអស់រយៈពេលពីរឆ្នាំដោយសារការរាតត្បាតជំងឺកូវីដ១៩នោះ នៅព្រឹកថ្ងៃព្រហស្បតិ៍ ទី២៩ ខែកញ្ញា ឆ្នាំ២០២២នេះ រាជរដ្ឋាភិបាលកម្ពុជា បានរៀបចំ «វេទិកាអន្តរសាសនាប្រឆាំងការជួញដួរមនុស្ស» ឡើងវិញ។ វេទិកានេះប្រារព្ធធ្វើឡើងក្រោមអធិបតីភាពរបស់ សម្តេចតេជោ ហ៊ុន សែន នាយករដ្ឋមន្ត្រីកម្ពុជា ព្រមទាំងមានការអញ្ជើញចូលរួមពីមន្ត្រីពាក់ព័ន្ធជាច្រើនរូបផ្សេងទៀត។

ក្នុងឱកាសនោះសម្តេចតេជោ ហ៊ុន សែន បានថ្លែងសុន្ទរកថាសំណេះសំណាលប្រមាណជិត១ម៉ោង៣០នាទី, ខាងក្រោមជាខ្លឹមសារសំខាន់ៗរបស់សម្តេចតេជោ៖

* សម្តេចតេជោ ហ៊ុន សែន បានថ្លែងថា ការងារជានាយករដ្ឋមន្ត្រីគ្មានសិទ្ធិឈឺ គ្មានសិទ្ធិត្អូញត្អែរនោះឡើយ។ ការលើកឡើងនេះ បន្ទាប់ពីសម្តេចបានមមាញឹកខ្លាំងនឹងការងារទាំងក្រៅប្រទេស និងក្នុងប្រទេស។

* សម្តេចតេជោ ហ៊ុន សែន បានថ្លែងថា គណបក្សប្រជាជនកម្ពុជា តាំងពីដើមរហូតដល់អនុវត្តន៍យ៉ាងត្រឹមនូវសុខដុមសាសនា ដោយធ្វើឱ្យគ្រប់សាសនាអាចរួមរស់នៅជាមួយគ្នា។ ភាពខុសគ្នារវាងសាសនា និងជាតិសាសន៍ មិនមែនជាឧបសគ្គសម្រាន់ការរស់នៅជាមួយគ្នានោះឡើយ។

* សម្តេចតេជោ ហ៊ុន សែន បានថ្លែងថា មិនមែនមានតែកម្ពុជានោះទេ ដែលកំពុងជួបប្រទះការជួញដូរមនុស្ស។

* សម្តេចតេជោ ហ៊ុន សែន បានថ្លែងថា អតីតប្រធានាធិបតីអាមេរិក លោក ដូណាល់ ត្រាំ បានសាងសង់របងការពារព្រំដែន គឺសម្តៅទប់ស្កាត់ការជួញដូរមនុស្ស។ សម្តេចតេជោ ហ៊ុន សែន បានថ្លែងថា នៅអាមេរិក អឺរ៉ុប និងមជ្ឈិមបូព៌ា សុទ្ធតែកំពុងកើតវិបត្តិធ្ងន់ធ្ងរជនភៀសខ្លួន ហើយក៏ជាឱកាសជួញដូរសម្រាប់ជនខិលខូច។

* សម្តេចតេជោ ហ៊ុន សែន បានថ្លែងថា ការជួញដូរមនុស្សជាបញ្ហាសាកល ដែលទាមទារឱ្យមានការរួមគ្នាគ្រប់ប្រទេស ដើម្បីប្រយុទ្ធប្រឆាំង។

* សម្តេចតេជោ ហ៊ុន សែន បានថ្លែងថា ពីមុនកម្ពុជា ជាទីកន្លែងដែលពលរដ្ឋរត់ភៀសខ្លួនទៅក្រៅប្រទេស ការរត់ភៀសខ្លួននេះ ដោយសារតែសង្គ្រាម។

* សម្តេចតេជោ ហ៊ុន សែន បានថ្លែងថា ប្រជាពលរដ្ឋកម្ពុជា ក៏ត្រូវបានគេបោកប្រាស់កម្លាំងពលកម្មធ្វើការនៅក្រៅប្រទេស។

* សម្តេចតេជោ ហ៊ុន សែន បានរំលឹកថា លោក អាម៉ាត់ យ៉ាស់យ៉ា ត្រូវបានចាប់ខ្លួននាពេលកន្លងទៅ ព្រោះតែការជួញដូរមនុស្ស។

* សម្តេចតេជោ ហ៊ុន សែន បានថ្លែងថា នៅអំឡុងឆ្នាំ២០០៦-២០០៧ មានសំណាងបើកស្ថានតំណាងតៃវ៉ាន់នៅកម្ពុជា ដើម្បីដោះស្រាយការរៀបចំការស្ត្រីខ្មែរប្រមាណ ៥ពាន់នាក់ទៅតៃវ៉ាន់។

* សម្តេចតេជោ ហ៊ុន សែន បានលើកឡើងថា សំណើនោះត្រូវបានសម្តេចបញ្ជាឱ្យយកទៅដុតចោល។ សម្តេចតេជោ បញ្ជាក់ថា មិនអាចយកលេសធ្វើឱ្យស្ត្រីខ្មែររស់នៅស្របច្បាប់នៅតៃវ៉ាន់ ហើយបំផ្លាញគោលនយោបាយចិនតែមួយរបស់កម្ពុជានោះឡើយ។

* សម្តេចតេជោ ហ៊ុន សែន បានថ្លែងថា ពីមុនមានតែពលរដ្ឋកម្ពុជា ត្រូវគេជួញដូរទៅក្រៅ។ តែពេលនេះ ពលរដ្ឋដទៃត្រូវបានគេជួញដូរមកកម្ពុជាទៅវិញ។

* សម្តេចតេជោ ហ៊ុន សែន បានថ្លែងថា ការជួញដូរមនុស្សមកកាន់កម្ពុជា ក៏ព្រោះតែកម្ពុជាមានសុខសន្តិភាព និងបញ្ហាមួយចំនួនទៀត។

* សម្តេចតេជោ ហ៊ុន សែន បានថ្លែងកោតសរសើរសម្តេចក្រឡាហោម ស ខេង សម្រាប់កិច្ចប្រឹងប្រែងបង្ក្រាបការជួញដូរមនុស្ស។

* សម្តេចតេជោ ហ៊ុន សែន បានថ្លែងថា កុំចាំបាច់នាយករដ្ឋមន្ត្រី ឬរដ្ឋមន្ត្រីមហាផ្ទៃស្រែកទើបនាំគ្នាបង្ក្រាមល្បែង សូមនាំគ្នាធ្វើឱ្យដូចភ្លៀងរលឹម។

* សម្តេចតេជោ ហ៊ុន សែន បានថ្លែងថា និកាយសាសនា មានចំណែកសំខាន់ក្នុងការទប់ស្កាត់ និងបង្ការការជួញដូរមនុស្សតាមរយៈការអប់រំសាសនិករបស់សាសនានីមួយៗ។

* សម្តេចតេជោ ហ៊ុន សែន បានរំលឹកថា ក្រោយព្រឹត្តិការណ៍វាយប្រហារអគារពាណិជ្ជកម្មអាមេរិក កម្ពុជា បានសហការបានយ៉ាងល្អជាមួយអាមេរិក និងប្រទេសដទៃទៀត ក្នុងការទប់ស្កាត់អំពើភេរវកម្ម រហូតចាប់បានជនជាប់ពាក់ព័ន្ធអំពើភេរវកម្ម។

* សម្តេចតេជោ ហ៊ុន សែន បានថ្លែងថា បើទោះបីកម្ពុជាមិនមែនជាគោលដៅវាយប្រហារភេរវកម្ម តែត្រូវរួមគ្នាទប់ស្កាត់កុំឱ្យកម្ពុជាទៅជាជម្រករបស់ភេរវកម្ម។

* សម្តេចតេជោ ហ៊ុន សែន បានថ្លែងថា មេភេរវកម្មខ្លះមានអាវុធប្រើប្រាស់ តើគេមានអាវុធប្រើប្រាស់បានដោយរបៀបណា?

* សម្តេចតេជោ ហ៊ុន សែន បានថ្លែងថា យុវជនដែលញៀនថ្នាំខ្លះ មិនមែនដោយសារការចង់ប្រើទេ តែមានជនខិលខូចបន្លំឱ្យពួកគេប្រើ។

* សម្តេចតេជោ ហ៊ុន សែន សម្រេចយកថ្ងៃទី២០ ខែសីហា ធ្វើជាទិវាជាតិអន្តរសាសនាប្រឆាំងការជួញដូរមនុស្ស។ សម្តេចតេជោ ហ៊ុន សែន បានណែនាំឱ្យគ្រប់និកាយសាសនាយកថ្ងៃទី២០ សីហា នោះ ធ្វើពិធីជួបជុំផ្សេងៗអប់រំសកម្មភាពប្រយុទ្ធប្រឆាំងនឹងការជួញដូរមនុស្ស។

* សម្តេចតេជោ ហ៊ុន សែន ផ្តាំទៅក្រុមហ៊ុនទទួលសិទ្ធិអាជីវកម្មឆ្នោត បើបើកឱ្យមានឡូតូនឹងត្រូវបិទអាជីវកម្មចោលតែម្តង។

* សម្តេចតេជោ ហ៊ុន សែន បានថ្លែងថា ល្បែងមិននាំមកនូវជោគជ័យណាមួយសម្រាប់ខ្លួនឯង និងគ្រួសារនោះទេ។

* សម្តេចតេជោ ហ៊ុន សែន ណែនាំសមត្ថកិច្ចបង្ក្រាបល្បែងត្រូវរកឱ្យឃើញមេខ្លោងធំ។

* សម្តេចតេជោ ហ៊ុន សែន អំពាវនាវរួមគ្នាប្រយុទ្ធប្រយុទ្ធនឹងទង្វើទុច្ចរិត កុំឱ្យកម្ពុជាក្លាយជាកន្លែងឧក្រិដ្ឋកម្ម កន្លែងលាងលុយ និងជួញដូរមនុស្ស។

* សម្តេចតេជោ ហ៊ុន សែន បានបង្ហាញការជឿជាក់ថា ការបង្ក្រាបល្បែង នឹងរួមចំណែកកាត់បន្ថយការជួញដូរមនុស្ស និងបង្កើនសុវត្ថិភាព សន្តិសុខ សណ្តាប់ធ្នាប់សង្គម។

* សម្តេចតេជោ ហ៊ុន សែន អំពាវនាវពលរដ្ឋបន្តទៅទទួលយកវ៉ាក់សាំងបង្ការជំងឺកូវីដ១៩ កុំមើលស្រាលស្ថានភាពរាលដាលជំងឺនេះ។

* សម្តេចតេជោ ហ៊ុន សែន បានថ្លែងថា ពិភពលោកកំពុងពោរពេញដោយបញ្ហា និងសាំញ៉ាំ។ អឺរ៉ុប ធ្លាប់តែប្រើឧស្ម័ន និងការពារព្រៃឈើ ពេលនេះនាំគ្នាកាប់ឈើធ្វើអុសដុត។