សូមស្វាគមន៍ WWW.SPS-NEWS.COM មានទទួល សេវាកម្មផ្សាយពាណិជ្ជកម្ម គ្រប់ប្រភេទ ចាងហ្វាងការផ្សាយ ទីស្នាក់ការកណ្តាល ភូមិតាកែវ ឃុំគរ ស្រុក ព្រៃឈ ខេត្តកំពង់ចាម ទំនាក់ទំនង Tel: 090 905 988 / 086 309 181/ 016998799


សូមស្វាគមន៍ គេហទំព័រ ស្ពាន សន្តិភាព មានទទួល សេវាកម្មផ្សាយពាណិជ្ជកម្ម គ្រប់ប្រភេទ ចាងហ្វាងការផ្សាយ ទីស្នាក់ការកណ្តាល ភូមិតាកែវ ឃុំគរ ស្រុក ព្រៃឈ ខេត្តកំពង់ចាម ទំនាក់ទំនង Tel: 090 905 988 / 086 309 181 / 016998799


Tuesday, May 31, 2022

ផ្លូវ​ដំរី​កម្ពុជា​លើក​ទី​២ ទាក់ទាញ​កីឡាករ​ជាង​២០០​នាក់​

ចំនួនអ្នកទស្សនា: Views

 

(ភ្នំពេញ): ថ្ងៃទី៣១ ខែឧសភា ឆ្នាំ២០២២ អត្តពលិកជាតិ និងអន្តរជាតិជាង ២០០នាក់ មកពី ១៥ប្រទេស បានចុះឈ្មោះចូលរួមព្រឹត្តិការណ៍ ផ្លូវដំរីកម្ពុជា លើកទី២ ដែលនឹងប្រព្រឹត្តទៅនៅថ្ងៃទី៣ ខែកក្កដា នៅឧទ្យានជាតិគីរីរម្យ ខេត្តកំពង់ស្ពឺ។

Cambodia Elephant Trail គឺជាការប្រកួតរត់ផ្លូវលំឆ្លងកាត់ព្រៃស្រល់ដ៏គួរឱ្យភ្ញាក់ផ្អើលរបស់ប្រទេសដែលរចនាឡើងដោយអ្នកស្រលាញ់កីឡាកម្ពុជា។

បើតាមលោក ឃី សុភា ដែលជាអ្នករៀបចំព្រឹត្តិការណ៍នេះ ព្រឹត្តិការណ៍នេះមានការប្រកួតចំនួន២ គឺរត់ចម្ងាយ១២គីឡូម៉ែត្រ ដែលមានស្ត្រីចំនួន៣៩នាក់ និងបុរស៧៧នាក់ បានចុះឈ្មោះ និងរត់ចម្ងាយ៣២គីឡូម៉ែត្រ ដែលមាននារី១១នាក់ និងបុរស៦៣នាក់បានចុះឈ្មោះ។

លោកបានបន្ថែមថា ព្រឹត្តិការណ៍នេះត្រូវបានគេរំពឹងថានឹងធ្វើឱ្យប្រជាជនចូលរួមជាមួយកីឡា លើកកម្ពស់ការស្រឡាញ់បរិស្ថាន និងណែនាំតំបន់ទេសចរណ៍កម្ពុជាទៅកាន់ពិភពលោក។

វានឹងរួមចំណែកដល់ការលើកកម្ពស់ទេសចរណ៍ធម្មជាតិក្នុងប្រទេស ក៏ដូចជាជីវភាពរស់នៅក្នុងស្រុក និងកំណើនសេដ្ឋកិច្ចសង្គមទាំងមូល។

ការប្រកួតរត់ប្រណាំងនេះ គាំទ្រដោយសហព័ន្ធអត្តពលិកស្ម័គ្រចិត្តកម្ពុជា សហការជាមួយ Vikirirom Pine Resort និងឧបត្ថម្ភដោយ FWD Insurance និងភ្នាក់ងារជាច្រើនទៀត។

ឯកឧត្តម ថោង ខុន អញ្ជើញជាអធិបតី ក្នុងសិក្ខាសាលាផ្សព្វផ្សាយ “បទដ្ឋានគតិយុត្តនានាក្នុងការគ្រប់គ្រង និងអភិវឌ្ឍន៍ តំបន់ឆ្នេរសមុទ្រកម្ពុជា”

ចំនួនអ្នកទស្សនា: Views

 

  កែប៖ នៅព្រឹកថ្ងៃច័ន្ទទី៣០ ខែឧសភា ឆ្នាំ២០២២នេះ ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងជា អនុប្រធានអចិន្ត្រៃយ៍គណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា(គ.អ.ឆ.ក) តំណាងដ៏ខ្ពង់ខ្ពស់ ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានគណៈកម្មាធិការជាតិគ្រប់គ្រង និង អភិវឌ្ឍតំបន់ឆ្នេរសមុទ្រកម្ពុជា បានអញ្ជើញជាអធិបតីក្នុងសិក្ខាសាលាផ្សព្វផ្សាយ “បទដ្ឋានគតិយុត្តនានាក្នុងការគ្រប់គ្រង និង អភិវឌ្ឍន៍តំបន់ឆ្នេរសមុទ្រកម្ពុជា” នៅសាលប្រជុំសាលាខេត្តកែប ដោយបានការ

អញ្ជើញចូលរួមពីសំណាក់ឯកឧត្ដមបណ្ឌិត សោម ពិសិដ្ឋ អភិបាល នៃគណៈអភិបាលខេត្តកែប ឯកឧត្តម អគ្គលេខាធិការ គ.អ.ឆ.ក ឯកឧត្ដម រដ្ឋលេខាធិការ តំណាងក្រសួងពាក់ព័ន្ធ លោក អភិបាលរងខេត្ត កំពត ព្រះសីហនុ និងខេត្តកោះកុង។ បន្ទាប់ពី ឯកឧត្តមបណ្ឌិត សោម ពិសិដ្ឋ អភិបាលខេត្តកែប និងជាប្រធានគណៈកម្មាធិការគ្រប់គ្រង និងអភិវឌ្ឍន៍តំបន់ឆ្នេរសមុទ្រ កម្ពុជាខេត្តកែប មានមតិស្វាគមន៍រួចមក ។

 ឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងជាអនុប្រធានអចិន្ត្រៃយ៍ គ.អ.ឆ.ក មានប្រសាសន៍ថា ខេត្តកែបជា ខេត្តមួយដែលមានអេកូទេសចរណ៍ធម្មជាតិប្រណីតកម្រិតខ្ពស់នៃតំបន់ឆ្នេរសមុទ្រកម្ពុជា ជាសមាជិកក្លឹបឆ្នេរសមុទ្រ ដែលស្អាត បំផុតលើសកលលោក និងជាខេត្តដែលមានឈ្មោះល្បីល្បាញ ដែលបានទទួលពានរង្វាន់ទីក្រុងស្អាតផ្ការំដួល៣ទង ពានរង្វាន់ទីក្រុងនិរន្តរភាពបរិស្ថានអាស៊ាន ពានរង្វាន់ឡាបែលទីក្រុងទេសចរណ៍ស្អាតអាស៊ាន។ល។ ចំពោះការគ្រប់គ្រង និង ការអភិវឌ្ឍន៍ខេត្តកែប គណៈកម្មាធិការរៀបចំដែនដី និងនគរូបនីយកម្មខេត្ត ក្រោមការគាំទ្រ

បច្ចេកទេសដោយក្រសួង ​រៀបចំដែនដីនគរូបនីយកម្ម និងសំណង់ បានរៀបចំនូវប្លង់គោលប្រើប្រាស់ដីក្នុងខេត្តកែប សម្រាប់ចក្ខុវិស័យឆ្នាំ២០៣០ ដើម្បី ជាមូលដ្ឋានក្នុងការគ្រប់គ្រង និងតម្រង់ទិសការអភិវឌ្ឍន៍ដែនដីខេត្តកែបទាំងមូល ស្របតាមចក្ខុវិស័យគោលនយោបាយជាតិ ស្តីពី ការរៀបចំដែនដី នៃព្រះរាជាណាចក្រកម្ពុជា និងគោលនយោបាយតាមវិស័យសំខាន់ៗជាច្រើនទៀត។ ឯកឧត្តមបន្តថា ផ្អែកតាមយុទ្ធសាស្ត្រចតុកោណដំណាក់កាលទី៣ និងផែនការយុទ្ធសាស្ត្រអភិវឌ្ឍជាតិ រាជរដ្ឋាភិបាលកម្ពុជា ក្រោមការដឹកនាំប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានដាក់ចេញនូវគោលនយោបាយជាតិ ស្តីពីការ

រៀបចំដែនដីនៃព្រះរាជាណាចក្រកម្ពុជា សំដៅធានាការគ្រប់គ្រង ប្រើប្រាស់ ការពារ និងអភិវឌ្ឍ តាមរយៈការធ្វើសមាហរណកម្មនូវផែនការយុទ្ធសាស្ត្ររៀបចំដែនដីនិងការធ្វើឱ្យរលូននូវវិធាន និងឧបករណ៍ចាំបាច់ នានា តាមវិស័យប្រកបដោយភាពសុខដុមរមនានៅតាមតំបន់ភូមិសាស្ត្រនីមួយៗ។ ដើម្បីធានាការគ្រប់គ្រង និងការអភិវឌ្ឍន៍តំបន់ឆ្នេរសមុទ្រកម្ពុជាប្រកបដោយចីរភាព និងបរិយាបន្ន ឯកឧត្តមបណ្ឌិត បានផ្តល់នូវ អនុសាសន៍ ដល់រដ្ឋបាលខេត្តទាំង៤ ក្នុងការពង្រឹងគ្រប់គ្រងបន្ថែមលើការអភិរក្ស និងអភិវឌ្ឍន៍នូវចំណុចមួយចំនួនដូចខាងក្រោម៖ ១- ការពារ និងថែរក្សាឆ្នេរសមុទ្រ ដីចំណីឆ្នេរសមុទ្រ និងអភិវឌ្ឍផ្លូវសាធារណៈ និងបណ្តាញបៃតងតាមបណ្តោយឆ្នេរ ដើម្បីជាលម្ហ សាធារណៈប្រកបដោយភាពសុខដុមរមនា និងទាក់ទាញភ្ញៀវទេសចរនៅតំបន់ឆ្នេរសមុទ្រ តាមរយៈការរៀបចំផែនការប្រើប្រាស់ដី និងប្លង់លម្អិតនគរូបនីយកម្ម។

ឯកឧត្ដម នី ផល្លី អនុរដ្ឋលេខាធិការក្រសួងទេសចរណ៍ អគ្គលេខាធិការរង គ.អ.ឆ.ក និងជាប្រធានក្រុមការងារទទួលបន្ទុកតាមដាន និងវាយតម្លៃឆ្នេរខ្សាច់កម្សាន្ត និង បទបង្ហាញស្តីពី `` ការរៀបចំកែលម្អឆ្នេរខ្សាច់កម្សាន្តសាធារណៈកម្រិតខ្ពស់ ខេត្តកែប`` ដោយ ឯកឧត្ដម លី រស្មី រដ្ឋលេខាធិការក្រសួង ដ.ន.ស៕

 មន្ទីរព័ត៌មានខេត្តកែប:សម្រួលដោយ៖ដារ៉ា

Monday, May 30, 2022

ក្រសួងការពារជាតិ បើកកិច្ចប្រជុំបូកសរុបលទ្ធផលការងារប្រចាំខែឧសភា និងលើកទិសដៅបន្តសម្រាប់អនុវត្តនៅក្នុងខែមិថុនា

ចំនួនអ្នកទស្សនា: Views


(ភ្នំពេញ)៖ នាយឧត្តមសេនីយ៍ នាង ផាត រដ្ឋលេខាធិការប្រចាំការក្រសួងការពារជាតិ នៅព្រឹកថ្ងៃទី៣០ ខែឧសភា ឆ្នាំ២០២២នេះ បានដឹកនាំកិច្ចប្រជុំបូកសរុបលទ្ធផលការងារប្រចាំខែឧសភា និងលើកទិសដៅបន្តសម្រាប់អនុវត្តនៅក្នុងខែមិថុនា ឆ្នាំ២០២២ នៅទីស្តីការក្រសួងការពារជាតិ។ កិច្ចប្រជុំនេះ មានការចូលរួមពីថ្នាក់ដឹកនាំក្រសួងការពារជាតិ ថ្នាក់ដឹកនាំកងយោពលខេមរភូមិន្ទជាច្រើនផងដែរ។

បើតាម នាយឧត្តមសេនីយ៍ ឈុំ សុជាត រដ្ឋលេខាធិការ និងជាអ្នកនាំពាក្យក្រសួងការពារជាតិ បានឱ្យដឹងថា នៅក្នុងខែឧសភា ឆ្នាំ២០២២នេះ កងយោធពលខេមរភូមិន្ទ បានយកចិត្តទុកដាក់ពុះពារអនុវត្តតួនា ភារកិច្ចរបស់ខ្លួន ដោយសម្រេចបាននូវសមិទ្ធផលការងារធំៗជាច្រើន។


លោកបានអះអាងថា សម្រាប់សភាពការណ៍នៅតាមតំបន់ព្រំដែន គឺមានសភាពស្ងប់ស្ងាត់ ពុំមានអ្វីជាគួរឲ្យកត់សម្គាល់។ កងយោធពលខេមរភូមិន្ទ បានបន្តពង្រឹងកិច្ចការការពារជាតិលើគ្រប់វិស័យ នៅតាមតំបន់ព្រំដែនគោក ដែនសមុទ្រ ដោយធ្វើការល្បាតជាប្រចាំក្នុងភូមិសាស្ត្រទទួលខុសត្រូវរៀងៗខ្លួន ដើម្បីតាមដានត្រួតពិនិត្យ គ្រប់គ្រងសភាពការណ៍ និងចូលរួមទប់ស្កាត់បទល្មើសគ្រប់ប្រភេទនៅតាមតំបន់ព្រំដែន និងសកម្មភាពឆ្លងដែនខុសច្បាប់ទៅវិញទៅមក រវាងប្រទេសជិតខាង និងបានបន្តកិច្ចសហប្រតិបត្តិការល្អដោះស្រាយបញ្ហាផ្សេងៗ ដែលកើតឡើងដោយសន្តិវិធី។


សម្រាប់សភាពការណ៍សន្តិសុខ សណ្តាប់ធ្នាប់សាធារណៈក្នុងប្រទេស លោកបានបញ្ជាក់ថា គឺមានភាពល្អប្រសើរ។ កងយោធពលខមរភូមិន្ទបានម្ចាស់ការ និងសហការជាមួយអាជ្ញាធរមានសមត្ថកិច្ចគ្រប់ជាន់ថ្នាក់ ធ្វើការបង្ការ ទប់ស្កាត់ និងបង្ក្រាបសកម្មភាពបទល្មើសគ្រប់ប្រភេទ ភាពអនាធិបតេយ្យផ្សេងៗ ព្រមទាំងបានចូលរួមការពារសន្តិសុខ សុវត្ថិភាព ជូនប្រមុខរាជរដ្ឋាភិបាល ថ្នាក់ដឹកនាំ គណៈប្រតិភូជាតិ-អន្តរជាតិ និងជុំវិញយុទ្ធនាការឃោសនាបោះឆ្នោតជ្រើសរើសក្រុមប្រឹក្សាឃុំ-សង្កាត់អាណត្តិទី៥។ ទន្ទឹមនោះ ក៏បានបន្តសហការជាមួយបណ្តាស្ថាប័នរាជរដ្ឋាភិបាលពាក់ព័ន្ធនានា គោរព និងអនុវត្តបទបញ្ជា បង្ក្រាបសកម្មភាពទន្ទ្រានកាន់កាប់ដី ការនេសាទខុសច្បាប់ ការបំផ្លិចបំផ្លាញធនធានធម្មជាតិ និងសកម្មភាពគេចពន្ធ ទទួលបាននូវលទ្ធផលល្អ។

ក្រៅពីនោះ កងយោធពលខេមរភូមិន្ទ បានបន្តយកចិត្តទុកដាក់អនុវត្តការងារហ្វឹកហ្វឺន ការងារអប់រំចិត្តសាស្ត នយោបាយ និងការងារសតិអារម្មណ៍កងទ័ព ការងារកសាងបែបបទយោធិនចូលនិវត្តន៍ និងប្រភេទ២ ការងារកសាងច្បាប់ និងលិខិតបទដ្ឋានផ្សេងៗ ការងារធានាភស្ដុភារ-ហិរញ្ញវត្ថុ ការងារធានាគ្រឿងបំពាក់សម្ភារៈ បច្ចេកទេស និងកែច្នៃជួសជុលថែទាំលើកកម្ពស់សុវត្ថិភាពគុណភាពគ្រឿងបំពាក់ ការងារលើកកម្ពស់ សុខុមាលភាពកងទ័ព និងគ្រួសារ ការងារគ្រប់គ្រង និងធានាដល់ការប្រើប្រាស់បណ្តាញទំនាក់ទំនងបញ្ជូនសារ ការងារកសាងបណ្តាញផ្លូវគមនាគមន៍ ស្ពាន លូ និងសំណង់ផ្សេងៗក្នុងកងទ័ព ការងារគ្រប់គ្រងអចលនទ្រព្យរបស់កងយោធពលខេមរភូមិន្ទ ការចូលរួមចាក់វាក់សាំងបង្ការជំងឺកូវីដ-១៩ ជូនប្រជាពលរដ្ឋ ព្រមទាំងការងារមួយចំនួនទៀតដោយសម្រេចបាននូវលទ្ធផលល្អ។

សម្រាប់ការទំនាក់ទំនងកិច្ចសហប្រតិបត្តិការអន្តរជាតិ ជាមួយបណ្តាប្រទេស ពិសេសប្រទេសដៃគូវិញ គឺទទួលបាន លទ្ធផលល្អ។ ក្នុងនាមជាប្រធានអាស៊ានប្តូរវេន ក្រសួងការពារជាតិ បានរៀបចំនិងដឹកនាំកិច្ចប្រជុំចំនួន៦ ពិសេសកិច្ចប្រជុំឧត្តមមន្ដ្រីការពារជាតិអាស៊ាន និងកិច្ចប្រជុំឧត្តមមន្ត្រីការពារជាតិអាស៊ាន-បូក បាន ដំណើរការដោយជោគជ័យ និងទទួលបានលទ្ធផលផ្លែផ្កា។ ទន្ទឹមនេះ ក៏បានបន្តការត្រៀមរៀបចំធ្វើជាម្ចាស់ផ្ទះដឹកនាំកិច្ចប្រជុំរដ្ឋមន្ត្រីការពារជាតិអាស៊ាន នៅក្នុងខែមិថុនា ឆ្នាំ២០២២ខាងមុខ ផងដែរ។ នេះបើតាមអ្នកនាំពាក្យក្រសួងការពារជាតិ។

លោកបានបន្តថា៖ ការបំពេញបេសកកម្មរក្សាសន្តិភាព ក្រោមឆត្រអង្គការសហប្រជាជាតិ កងយោធពលខេមរភូមិន្ទបានបន្ត រក្សានូវស្នាដៃមុខជំនាញនីមួយៗដែលមានការទទួលស្គាល់ពីមន្រ្តី UN នានា នៅក្នុងតំបន់បេសកកម្ម។ ពាក់ព័ន្ធការងារប្រវត្តិសាស្ត្រយោធា បានបន្តខិតខំស្រាវជ្រាវឯកសារប្រវត្តិសាស្ត្របន្ថែមទៀតដើម្បី យកមកតាក់តែងរៀបចំខ្លឹមសារ និងរៀបចំតំបន់ប្រវត្តិសាស្ត្រនានា៕


អាស៊ានចាប់អារម្មណ៍ចំពោះការជំរុញវិស័យពាណិជ្ជកម្ម និងការវិនិយោគជាមួយម៉ិកស៊ិកូ

ចំនួនអ្នកទស្សនា: Views


(ភ្នំពេញ);ថ្ងៃទី៣០ ខែឧសភា ឆ្នាំ២០២២ គណៈប្រតិភូនៃគណៈកម្មាធិការអាស៊ានប្រចាំនៅទីក្រុងម៉ិកស៊ិកូ (ACMC) បានទៅបំពេញទស្សនកិច្ចការងារមួយនៅរដ្ឋ Guanajuato ក្នុងគោលបំណងជំរុញវិស័យពាណិជ្ជកម្ម និងការវិនិយោគ។


គណៈប្រតិភូដែលរួមមានអ្នកតំណាងមកពីប្រទេសឥណ្ឌូណេស៊ី ម៉ាឡេស៊ី ហ្វីលីពីន ថៃ និងវៀតណាមនោះ បានចូលរួមកិច្ចប្រជុំនានាជាមួយថ្នាក់ដឹកនាំនៃទីក្រុង Guanajuato និងទីក្រុង Irapuato ទាក់ទងនឹងការអភិវឌ្ឍវិស័យសេដ្ឋកិច្ច ពាណិជ្ជកម្មបរទេស ទេសចរណ៍ និងអប់រំ។


អភិបាលទីក្រុង Guanajuato លោក Diego Sinhue Rodríguez Vallejo និងបណ្តាថ្នាក់ដឹកនាំមូលដ្ឋានបានពិភាក្សាគ្នាអំពីលទ្ធភាពនៃកិច្ចសហប្រតិបត្តិការលើគ្រប់វិស័យជាមួយអាស៊ាន ជាពិសេសការអភិវឌ្ឍវិស័យសេដ្ឋកិច្ច ពាណិជ្ជកម្ម ការវិនិយោគ និងទេសចរណ៍ ដែលត្រូវបានរំពឹងថានឹងជួយដល់ទីក្រុងនេះ ជាពិសេសប្រទេសម៉ិកស៊ិកូក្នុងការធ្វើពិពិធកម្មទីផ្សារនាំចេញ និងទាក់ទាញការវិនិយោគបរទេស។


ឯកអគ្គរដ្ឋទូតម៉ាឡេស៊ីប្រចាំនៅប្រទេសម៉ិកស៊ិកូ លោក Muzafar Shah Mustafar ដែលកំពុងផ្លាស់ប្តូរធ្វើជាប្រធាន ACMC បានគូសបញ្ជាក់អំពីសក្តានុពលនៃកិច្ចសហប្រតិបត្តិការទ្វេភាគីក្នុងវិស័យផលិតកម្ម បច្ចេកវិទ្យាព័ត៌មានវិទ្យា ការវិនិយោគ ការអប់រំ ទេសចរណ៍ និងភស្តុភារ ដោយលោកបានបញ្ជាក់ថា អាស៊ានដើរតួនាទីជាច្រកផ្លូវមួយសម្រាប់ផលិតផលម៉ិកស៊ិកូក្នុងការវាយលុកទីផ្សារអាស៊ី។


ឯកអគ្គរដ្ឋទូតវៀតណាម លោក Nguyen Hoanh Nam បាននិយាយថា ប្រទេសម៉ិកស៊ិកូ គឺជាទីផ្សារសំខាន់របស់អាស៊ានក្នុងតំបន់អាមេរិកឡាទីន ដោយលោកបានអំពាវនាវដល់សហគ្រាសនានាឱ្យជំរុញការតភ្ជាប់ និងទាញយកផលប្រយោជន៍ដែលនាំមកដោយកិច្ចព្រមព្រៀងពាណិជ្ជកម្មសេរី ជាពិសេសកិច្ចព្រមព្រៀងគ្រប់ជ្រុងជ្រោយ និងជឿនលឿនសម្រាប់ភាពជាដៃគូអន្តរប៉ាស៊ីហ្វិក (CPTPP)។


ឱកាសនៃកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងការវិនិយោគជាមួយប្រទេសម៉ិកស៊ិកូ និងមូលដ្ឋាននានារបស់ប្រទេសនេះជាមួយអាស៊ាន ត្រូវបានដាក់សម្រាប់ពិភាក្សានៅក្នុងវេទិកាធុរកិច្ច ASEAN-Guanajuato ដែលមានការចូលរួមពីអាជីវកម្មក្នុងស្រុកចំនួន១០០។


ស្ថិតិរបស់លេខាធិការដ្ឋានសេដ្ឋកិច្ចម៉ិកស៊ិកូបានបង្ហាញថា ពាណិជ្ជកម្មរវាងម៉ិកស៊ិកូ និងឥណ្ឌូណេស៊ី ម៉ាឡេស៊ី ហ្វីលីពីន ថៃ និងវៀតណាម បានកើនឡើងលើសពី ២៨ប៊ីលានដុល្លារអាម៉េរិកកាលពីក្នុងឆ្នាំ២០២១៕(ប្រភព VNA បកប្រែដោយលោក យា ចិន្តាខន្តី) សម្រួលផ្សាយដោយ៖dara

Saturday, May 28, 2022

សម្ដេចតេជោ ហ៊ុន សែន ចេញអនុក្រឹត្យកែសម្រួលដីជាង៣ពាន់ហិកតា ចេញពីតំបន់៣ បញ្ចូលមកតំបន់២ និងប្រគល់ជូនពលរដ្ឋប្រើប្រាស់អាស្រ័យផល ក្នុងខេត្តពោធិ៍សាត់

ចំនួនអ្នកទស្សនា: Views


(ភ្នំពេញ)៖ សម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា នៅថ្ងៃទី២៧ ខែឧសភា ឆ្នាំ២០២២នេះ បានចេញអនុក្រឹត្យកែសម្រួលផ្ទៃដីទំហំ ៣,៤៤៨ហិកតា ៧៧អា ចេញពីតំបន់៣ បញ្ចូលមកតំបន់២ នៃតំបន់បឹងទន្លេសាប ស្ថិតក្នុងភូមិសាស្ដ្រខេត្តពោធិ៍សាត់ និងប្រគល់ជូនប្រជាពលរដ្ឋប្រើប្រាស់ និងអាស្រ័យផល។ នេះបើតាមអនុក្រឹត្យដែលបណ្ដាញព័ត៌មាន Fresh News ទទួលបាននៅយប់ថ្ងៃទី២៧ ខែឧសភា។

មាត្រា១ នៃអនុក្រឹត្យនេះបានបញ្ជាក់យ៉ាងដូច្នេះថា «កែសម្រួលផ្ទៃដីទំហំ ៣ ៤៤៨ ហិកតា ៧៧ អា ស្ថិតក្នុងភូមិសាស្ត្រខេត្តពោធិ៍សាត់ ចេញពីតំបន់៣ នៃបឹងទន្លេសាប ដែលកំណត់ដោយអនុក្រឹត្យលេខ ១៩៧ អនក្រ.បក់ ចុះថ្ងៃទី២៩ ខែសីហា ឆ្នាំ២០១១ បញ្ចូលមកតំបន់២ តាមប្រព័ន្ធកូអរដោណេ Project UTM Zone 48N Datum WGS 1984 ដូចមានផែនទីបង្ហាញទីតាំងដី និងតារាងនិយាមកាភ្ជាប់ជាឧបសម្ព័ន្ធទី១, ទី២ និងទី៣ នៃអនុក្រឹត្យនេះ និងប្រគល់ជូនប្រជាពលរដ្ឋចំនួន ១,៦៥៨គ្រួសារ ប្រើប្រាស់ និងអាស្រ័យផល ក្នុងនោះ៖

*១៖ ឃុំកំពង់ពោធិ៍ ឃុំកំពង់លួង់ ឃុំអន្សាចំបក់ ឃុំអូរសណ្តាន់ ស្រុកក្រគរ ដីទំហំ ១,១២២ហិកតា ៤៥អា ជូនប្រជាពលរដ្ឋចំនួន៧០៦គ្រួសារ។

*២៖ ឃុំកញ្ជរ ឃុំរាំងទិល ឃុំស្យា ឃុំស្រែស្តុក ស្រុកកណ្ដៀង ដីទំហំ ១,១៦៩ហិកតា ៧២អា ជូនប្រជាពលរដ្ឋចំនួន៥៨៥គ្រួសារ។

*៣៖ ឃុំបឹងបត់កណ្តោល ឃុំមេទឹក និងឃុំអូរតាប៉ោង ស្រុកបាកាន ដីទំហំ ១,១៥៦ហិកតា ៦០អា ជូនប្រជាពលរដ្ឋចំនួន៣៦៧គ្រួសារ»។

សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានសម្រេចកាត់ឆ្វៀលដីអភិរក្សបឹងទន្លេសាបចេញពីតំបន់៣ និងតំបន់២ ជូនទៅប្រជាពលរដ្ឋដែលបានអាស្រ័យផលជាក់ស្តែងចាប់ពី១០ឆ្នាំឡើងទៅ ឬអាចក្រោម១០ឆ្នាំ ចំពោះដីមិនមែនជាដីព្រៃលិចទឹក ហើយគោករាក់មិនអាចស្តាបាន។

រាជរដ្ឋាភិបាលកម្ពុជា បានបែងចែកដីបឹងទន្លេសាបជា៣តំបន់ ដើម្បីបង្កភាពងាយស្រួលដល់ការគ្រប់គ្រង។ ក្នុងនោះដីតំបន់៣ ជាដីដែលមិនអាចអាស្រ័យផល និងមិនអាចធ្វើជាម្ចាស់កម្មសិទ្ធិបានឡើយ, តំបន់២ ជាដីដែលអាចអាស្រ័យផល តែមិនអាចធ្វើជាម្ចាស់កម្មសិទ្ធិ និងតំបន់១ ជាដីដែលអាចអាស្រ័យផល និងអាចធ្វើជាម្ចាស់កម្មសិទ្ធិបានផងដែរ៕







រដ្ឋមន្រ្តីសុខាភិបាល៖ អត្រានៃភាពពិការភ្នែកនៅកម្ពុជា ធ្លាក់ចុះនៅត្រឹម ០.៣៧% សម្រាប់ពលរដ្ឋទូទៅ និងត្រឹម ២.៥% សម្រាប់ពលរដ្ឋអាយុពី៥០ឆ្នាំឡើង

ចំនួនអ្នកទស្សនា: Views


 (ភ្នំពេញ)៖ លោកសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល បានអះអាងថា តាមរបាយការណ៍របស់ កម្មវិធីជាតិសុខភាពភ្នែក ទៅលើការស្រាវជ្រាវថ្មីៗនេះ នៅកម្ពុជាមានអត្រានៃភាពពិការភ្នែក បានធ្លាក់ ចុះពី០.៣៨ % មក ០.៣៧ % ក្នុងចំណោមពលរដ្ឋទូទៅ និង ២.៨ % មក២.៥ % ចំពោះពលរដ្ឋកម្ពុជាដែល មានអាយុចាប់ពី៥០ឆ្នាំឡើងទៅ។

លោកអះអាងបន្ថែមថា អត្រាការធ្លាក់ចុះនៃភាពពិការភ្នែកនេះ បានបង្ហាញនូវភាពជោគជ័យមួយបន្ថែមទៀត របស់កម្មវិធីជាតិសុខភាពភ្នែក និងមន្ត្រីសុខាភិបាល គ្រប់ជាន់ថ្នាក់ដែលបានខិតខំផ្តល់សេវាសុខភាព ភ្នែកដល់ប្រជាពលរដ្ឋនៅទូទាំងប្រទេស។ ក្រៅពីនេះប្រទេសកម្ពុជា បានសំរេចនូវសមិទ្ធិផលដ៏ធំធេងមួយទៀត គឺការលុបបំបាត់ជំងឺត្រាក់កូម រឺជំងឺអៀស៊ីភ្នែក ឲ្យអស់តាំងពីឆ្នាំ២០១៥មក ដែលទទួលស្គាល់ដោយ អង្គការសុខភាពពិភពលោក។

លោកសាស្ត្រាចារ្យ ម៉ម ប៊ុនហេង បានថ្លែងបែបនេះ ក្នុងឱកាសបើកសិក្ខាសាលា ផ្សព្វផ្សាយផែនការ យុទ្ធសាស្ត្រជាតិស្តីពីការគ្រប់គង និងបង្ការភាពពិការភ្នែក ២០២១-២០៣០ នៅសណ្ឋាគាភ្នំពេញ នាថ្ងៃទី២៧ ខែឧសភា ឆ្នាំ២០២២។ កម្មវិធីនេះ មានការចូលរួមដោយ ឯកអគ្គរាជទូត អូស្ត្រាលី ប្រចាំកម្ពុជា បាបប្លូ កាំង(Pablo Kang) រួមទាំង ប្រធាននាយកដ្ឋាន តំណាងរដ្ឋបាលខេត្ត-ក្រុង ប្រធានមន្ទីរសុខាភិបាល ប្រធានអង្គការជាតិ និងអន្តរជាតិ ជាដៃគូអភិវឌ្ឍន៍ ប្រធានមន្ទីរពេទ្យ ប្រធានអគារចក្ខុរោគ និងតំណាងភាគីពាក់ព័ន្ធជាច្រើនទៀត។

លោករដ្ឋមន្រ្តី បានសម្តែងការអរគុណ និងកោតសរសើរ ចំពោះក្រុមការងារកម្មវិធីជាតិសុខភាពភ្នែក នាយកដ្ឋានផែនការព័ត៌មាននៃក្រសួងសុខាភិបាល ដៃគូអភិវឌ្ឍន៍ និងអង្គការមិនមែន រដ្ឋាភិបាលក្នុងនិងក្រៅស្រុក ដែលបានខិតខំតាក់តែងចងក្រង និងអភិវឌ្ឍន៍ផែនការយុទ្ធសាស្ត្រជាតិស្តីពីការ គ្រប់គ្រង និងបង្ការភាពពិការភ្នែក ២០២១-២០៣០ សម្រាប់ប្រទេសកម្ពុជាដែលមានលក្ខណៈស្របទៅនឹង ចក្ខុវិស័យ២០៣០(Insight 2030)របស់អង្គការសុខភាពពិភពលោក និងទីភ្នាក់ងារអន្តរជាតិសម្រាប់បង្ការភាព ពិការភ្នែក។

លោកចាត់ទុកថា ផែនការយុទ្ធសាស្ត្រនេះមានលក្ខណៈគ្រប់ជ្រុងជ្រោយ ដើម្បីបន្តអភិវឌ្ឍន៍ក្នុងការកាត់បន្ថយភាពពិការភ្នែក និងគំហើញថយចុះសម្រាប់ប្រជាជនកម្ពុជា ជាពិសេសមនុស្សចាស់ដែលមានកំណើនកាន់តែច្រើនឡើងៗ ហើយក៏ជួយលើកមុខមាត់ប្រទេសកម្ពុជា ជាប្រទេសឈានមុខមួយក្នុងតំបន់ដែលអត្រាភាពពិការភ្នែកកម្រិតទាបជាងប្រទេសជិតខាងគួរឱ្យមោទនៈ។ ក្រៅពីនេះផែនការយុទ្ធសាស្ត្រនេះ មានធាតុចូលយ៉ាងច្រើនទៅក្នុង ផែនការយុទ្ធសាស្ត្រសុខាភិបាលឆ្នាំ២០២២- ២០៣០ និងផែនការយុទ្ធសាស្ត្រជាតិក្នុងការប្រយុទ្ធនឹងជំងឺមិនឆ្លង២០២២-២០៣០ របស់ក្រសួងសុខាភិបាល។

លោករដ្ឋមន្រ្តី បានបន្ថែមទៀតថា ជាងពីរទសវត្សរ៍កន្លងមកនេះ រាជរដ្ឋាភិបាលកម្ពុជាបានបន្តខិតខំប្រឹងប្រែងយ៉ាងខ្លាំងក្លាក្នុងការពង្រឹង គុណភាព និងពង្រីកវិសាលភាពសុខភាពភ្នែកក្រោមគោលនយោបាយសមធម៌សុខភាពសាធារណៈរបស់ ក្រសួងសុខាភិបាលនៃរាជរដ្ឋាភិបាលកម្ពុជា។ ក្រសួងសុខភិបាលតាមរយៈកម្មវិធីជាតិសុខភាពភ្នែក បានបង្កើនពង្រឹងគុណភាពនៃការផ្តល់សាវាចក្ខុសាស្ត និងពង្រីកវិសាលភាពសុខភាពភ្នែកទៅដល់តំបន់ដាច់ស្រយាលនៅទូទាំងប្រទេសកម្ពុជា។ ការថែទាំសុខភាព ភ្នែកបឋម ប្រព័ន្ធបញ្ចូនអ្នកជំងឺ និងប្រព័ន្ធព័ត៍មានត្រូវបានអភិវឌ្ឍន៍កាន់តែប្រសើឡើងហើយត្រូវធ្វើសមាហរណ៍ កម្មដាក់បញ្ចូលទៅក្នុងប្រព័ន្ធថែទាំសុខភាពនៅគ្រប់កម្រិតទាំងអស់។

ក្រសួងសុខាភិបាល ក៏បានធ្វើការវាយតម្លៃខ្ពស់ពីសមិទ្ធផល និងការអភិវឌ្ឍន៍នានា ក្នុងវិស័យចក្ខុរោគរយៈពេល ប្រមាណ២៦ឆ្នាំកន្លងមកនេះ ពិតជាបានចូលរួមចំណែកយ៉ាងសកម្ម ក្នុងការជួយកាត់បន្ថយភាពក្រីក្រតាមរយៈ ការអភិឌ្ឍន៍ធនធានមនុស្ស ហេដ្ឋារចនាសម្ព័ន្ធ និងការអប់រំផ្សព្វផ្សាយយល់ដឹងស្តីពី សុខភាពភ្នែក និងការផ្តល់សេវាចក្ខុសាស្ត្រដល់មូលដ្ឋាន និងដល់ប្រជាពលរដ្ឋទូទាំងប្រទេស។

យ៉ាងណាមិញ បម្រែបម្រួលនៃប្រជាករ និងការរីកចម្រើនលើវិស័យបច្ចេកវិទ្យា បានធ្វើឲ្យតម្រូវការ សុខភាពភ្នែកមានការកើនឡើង ដែលទាមទារឲ្យយើងបង្កើតផែនការយុទ្ធសាស្ត្រជាតិ លើកទី៣ សម្រាប់ការ គ្រប់គ្រង និងបង្ការភាពពិការភ្នែកដល់ឆ្នាំ២០៣០ ដោយមានគោលបំណងរួម កាត់បន្ថយអត្រាប្រេវ៉ាឡង់ នៃភាពពិការភ្នែកមកត្រឹម ០,៣៥% នៅឆ្នាំ២០៣០ ដែលជាមហិច្ឆតាមួយដែលតម្រូវឲ្យពហុស្ថាប័នឯកជននិង រដ្ឋ ព្រមទាំងដៃគូអភិវឌ្ឍន៍ និងអង្គការមិនមែនរដ្ឋាភិបាលក្នុង និងក្រៅស្រុកចូលរួមទាំងអស់គ្នាដើម្បីសម្រេចឲ្យ បាននូវគោលបំណងខាងលើ។ នេះបើតាមការបញ្ជាក់បន្ថែមរបស់ លោកសាស្រ្តាចារ្យ ម៉ម ប៊ុនហេង។

លោករដ្ឋមន្រ្តីមានជំនឿយ៉ាងមុតមាំថា ស្ថាប័នសុខាភិបាល និងរដ្ឋបាលខេត្តគ្រប់លំដាប់ថ្នាក់ចូលរួមនឹងប្រែក្លាយ ផែនការយុទ្ធសាស្ត្រនេះ ឱ្យទៅជាផែនការសកម្មភាព ដើម្បីពង្រីកនិងពង្រឹងបន្ថែមទៀត ក្នុងការផ្តល់សេវាសុខភាពភ្នែកកាន់តែប្រសើរឡើង សម្រាប់ប្រជាជនរបស់យើង។

Friday, May 27, 2022

ប្រធានសហព័ន្ធបាល់ទះ សាទរក្រុមបាល់ទះឈ្នះមេដាយសំរិទ្ធិ ស៊ីហ្គេម ខណៈក្រុមបាល់ទះនារី នឹងត្រូវបង្កើតឡើងត្រៀមស៊ីហ្គេម ២០២៣

ចំនួនអ្នកទស្សនា: Views



(ភ្នំពេញ):ថ្ងៃទី២៧ ខែឧសភា ឆ្នាំ២០២២

ឯកឧត្តម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ និងជា ប្រធានសហព័ន្ធកីឡាបាល់ទះកម្ពុជា បានអញ្ជើញផ្តល់ការលើកទឹកចិត្តជូនដល់ក្រុមបាល់ទះជម្រើស ជាតិកម្ពុជានៅមជ្ឈមណ្ឌលជាតិហ្វឹកហ្វឺនកីឡា កាលពីថ្ងៃទី២៦ ខែឧសភា ឆ្នាំ២០២២ បន្ទាប់ពីដណ្តើម បានមេដាយសំរិទ្ធិជាប្រវត្តិសាស្ត្រពីព្រឹត្តិការណ៍កីឡាស៊ីហ្គេមលើកទី៣១ នៅទីក្រុងហាណូយ ប្រទេសវៀតណាម។

ឯកឧត្តមប្រធានសហព័ន្ធកីឡាបាល់ទះកម្ពុជា សម្តែងនូវក្តីរីករាយជាខ្លាំងដែលក្រុមបាល់ទះ កម្ពុជាដណ្តើមបានមេដាយជាប្រវត្តិដំបូងជូនជាតិនាពេលនេះ។ ឯកឧត្តមចាត់ទុកថា ក្នុងនាមប្រធាន សហព័ន្ធផង ក្នុងនាមរាជរដ្ឋាភិបាល សម្តេចតេជោ ហ៊ុន សែន និងក្នុងនាមប្រជាពលរដ្ឋខ្មែរសូម កោតសរសើរ និងវាយតម្លៃខ្ពស់ចំពោះការខិតខំប្រឹងប្រែងអស់ពីសមត្ថភាពរបស់ក្រុមបាល់ទះកម្ពុជា ដែលដណ្តើមបានកិត្តិយសដ៏ធំធេងជូនជាតិ ក្នុងស៊ីហ្គេម ឆ្នាំ២០២២នេះ។ ឯកឧត្តមនាយឧត្តម សេនីយ៍ សន្តិបណ្ឌិត នេត សាវឿន ចាត់ទុកថា នេះគឺជាជោគជ័យដ៏ធំមួយ និងជាជំហានទី១ ក្នុង ប្រវត្តិសាស្ត្រចូលរួមប្រកួតកីឡាស៊ីហ្គេម នាពេលកន្លងមក។

ជាមួយគ្នានោះ ឯកឧត្តមក៏បានជំរុញឱ្យក្រុមជំនាញបច្ចេកទេសសហព័ន្ធរៀបចំពង្រឹងក្រុម បាល់ទះបុរសឱ្យកាន់តែល្អប្រសើរបន្ថែមទៀត ជាពិសេសគឺកំណត់ជាគោលការណ៍បង្កើតឱ្យមាន ក្រុមបាល់ទះជម្រើសជាតិនារីផងដែរ សម្រាប់ត្រៀមលក្ខណៈរៀបចំទទួលធ្វើម្ចាស់ផ្ទះស៊ីហ្គេម លើកទី៣២ ឆ្នាំ២០២៣ ជាប្រវត្តិសាស្ត្រដំបូងរបស់កម្ពុជា។

ឯកឧត្តមសង្កត់ធ្ងន់ថា ក្រុមបាល់ទះជម្រើសជាតិ នារីត្រូវរៀបចំបង្កើតឱ្យបានភ្លាមៗ និងទាន់ ពេលវេលា ដើម្បីត្រៀមប្រកួត ស៊ីហ្គេម ២០២៣ ដោយថ្នាក់ដឹកនាំសហព័ន្ធនឹងផ្តល់ការគាំទ្រគ្រប់បែប យ៉ាងទាំងអស់ ដើម្បីរួមគ្នារៀបចំឱ្យបានក្រុមបាល់ទះនារី ខណៈទីលានក៏ត្រូវបានជំរុញឱ្យ រៀបចំភ្លាមៗដូចគ្នាផងដែរ។

ជាមួយគ្នានោះ ឯកឧត្តមក៏បានប្តេជ្ញាចិត្តរួមគ្នា ទាំងថ្នាក់ដឹកនាំ គ្រូបង្វឹក កីឡាករ និងមន្ត្រី បច្ចេកទេស ដើម្បីបន្តការកសាងវិស័យកីឡាបាល់ទះកម្ពុជាឱ្យកាន់តែរីកចម្រើន ឆ្ពោះទៅធ្វើម្ចាស់ផ្ទះ ស៊ីហ្គេម ២០២៣ ប្រកបដោយក្តីសង្ឃឹម និងជឿជាក់ផងដែរ។

គួររម្លឹកថា ក្រុមបាល់ទះកម្ពុជា ដែលដណ្តើមបានមេដាយសំរិទ្ធិ ក្នុងស៊ីហ្គេមលើកទី៣១ ឆ្នាំ២០២២ នៅក្រុងហាណូយ ប្រទេសវៀតណាមនេះ គឺក្រោយពីបានយកឈ្នះក្រុមជម្រើសជាតិ ដែលជាម្ចាស់មេ ដាយមាសស៊ីហ្គេម៨ជំនាន់ នៅក្នុងការប្រកួតដណ្តើមចំណាត់ថ្នាក់លេខ៣ ក្នុងលទ្ធផល ៣សិត ទល់២សិត៕ ដោយ ហេង ណាលីន សម្រួលផ្សាយដោយ៖ dara

រដ្ឋមន្ត្រីក្រសួងមហាផ្ទៃ៖ ការបោះឆ្នោតខាងមុខ នឹងមិនមានបញ្ហាអ្វីកើតឡើង នាំដល់ការរំខានការបោះឆ្នោតនោះទេ

ចំនួនអ្នកទស្សនា: Views


 (ភ្នំពេញ):ថ្ងៃទី២៧ ខែឧសភា ឆ្នាំ២០២២ សម្តេចក្រឡាហោម ស ខេង ឧបកនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានគូស បញ្ជាក់ប្រាប់សហភាពអឺរ៉ុបថា ការបោះឆ្នោតជ្រើសរើសក្រុមប្រឹក្សា ឃុំ សង្កាត់ ដើម្បីកសាង ប្រជាធិបតេយ្យឱ្យមានភាពចម្រុះនៅមូលដ្ឋាន ហើយសង្ឃឹមថាថ្ងៃបោះឆ្នោតខាងមុខ ក៏នឹងមិនមានបញ្ហាអ្វីកើតឡើង នាំដល់ការរំខានការបោះឆ្នោតនោះទេ។


ក្នុងជំនួបពិភាក្សាការងារ ជាមួយប្រតិភូនៃអគ្គរដ្ឋទូតសហភាពអឺរ៉ុបចំនួន៤ប្រទេស ដឹកនាំដោយលោកជំទាវ ខាមិន ម៉ូរ៉េណូ ឯកអគ្គរដ្ឋទូតសហភាពអឺរ៉ុប ប្រចាំនៅព្រះរាជាណា ចក្រកម្ពុជា កាលពីរសៀលថ្ងៃទី២៦ ខែឧសភា នៅទីស្តីការក្រសួង ដោយកិច្ចជំនួបនេះ បានលើកយកប្រធានបទដ៏សំខាន់នារសៀលនេះ គឺភាគីសហភាពអឺរ៉ុប មានបំណងចង់ ឈ្វេងយល់បន្ថែមអំពីដំណើរការ និងស្ថានភាពនៃយុទ្ធនាការឃោសនាបោះឆ្នោត សម្រាប់ ការបោះឆ្នោតជ្រើសរើសក្រុមប្រឹក្សាឃុំ សង្កាត់ ដែលនឹងមកដល់នាពេល ឆាប់ៗខាងមុខនេះ និងក៏ចង់ដឹងអំពីការវាយតម្លៃរបស់សម្ដេចក្រឡាហោមអំពីស្ថានភាព ទូទៅនៃដំណើរការ ឈានទៅការបោះឆ្នោត និងស្ថានភាពទូទៅនៃយុទ្ធនាការក្នុ ងរយៈពេលកន្លងមក។


ក្នុងជំនួបនោះ សម្តេចក្រឡាហោម ស ខេង បានលើកឡើងថា ជាការអនុវត្ត តាមអ្វីដែលបានកំណត់ ការបោះឆ្នោតជ្រើសរើសក្រុមប្រឹក្សាឃុំ-សង្កាត់នា ពេលនេះ គឺជា លើកទី៥ហើយ។ សម្តេចបានគូសបញ្ជាក់ថា « ការបោះឆ្នោតជ្រើសរើស ក្រុមប្រឹក្សាឃុំ-សង្កាត់ មានគោលបំណងក សាងប្រជាធិបតេយ្យឱ្យមានភាពចម្រុះនៅមូលដ្ឋាន ដើម្បីធ្វើឱ្យ មូលដ្ឋាន កសាងភាពម្ចាស់ការជាមួយប្រជាពលរដ្ឋរបស់ខ្លួនផ្ទាល់ ពោលគឺផ្លាស់ប្តូរពីការ តែងតាំងអ្នកដឹកនាំមូលដ្ឋានទៅជាការបោះឆ្នោតដោយពលរដ្ឋ ដែលបានអនុវត្តន៍ជា បន្តបន្ទាប់កន្លងមក»។


សម្ដេចបន្តថា ក្រុមប្រឹក្សាដែលកើតចេញពីការបោះឆ្នោតនេះ ក៏ត្រូវធ្វើគណនេយ្យភាព ជាមួយប្រជាពលរដ្ឋម្ចាស់ឆ្នោតនៅមូលដ្ឋាន និងធ្វើគណនេយ្យភាពជាមួយរាជ រដ្ឋាភិបាល ផងដែរ ហើយថាក្នុងការងារពង្រឹងប្រជាធិបតេយ្យនៅមូលដ្ឋាននេះ រាជរដ្ឋាភិបាល កម្ពុជាក៏បានកំពុងខិតខំអនុវត្តន៍កំណែទម្រង់វិមជ្ឈការ និងវិសហមជ្ឈការដោយបន្តផ្ទេរមុខងារ ធនធានថវិកា និងធនធានហិរញ្ញវត្ថុដល់ថ្នាក់មូល ដ្ឋានដើម្បីអនុវត្តភារកិច្ចប្រកបដោយ ប្រសិទ្ធភាព។


សម្ដេចបានបង្ហាញក្ដីរីករាយ ដោយឃើញនូវវឌ្ឍនភាពពីការបោះឆ្នោតមួយ ទៅការ បោះឆ្នោតមួយឃើញថា ប្រជាពលរដ្ឋកាន់តែមានការគាំទ្រទៅលើការបោះឆ្នោតថ្នាក់មូល ដ្ឋាននេះ ខណៈពីការបោះឆ្នោតមួយទៅការបោះឆ្នោតមួយនោះដែរ ប្រជាពលរដ្ឋក៏មានការ យល់ដឹងកាន់តែច្រើន។


សម្ដេចបន្តថា គិតមកដល់ពេលនេះមិនមានព័ត៌មាននៃអំពើហិង្សាណាមួយកើត ឡើងនោះទេ ហើយបណ្ដាគណបក្សនយោបាយ ដែលចូលរួមប្រកួតប្រជែងក្នុងការបោះ ឆ្នោតនេះក៏ បានធ្វើសកម្មភាព តាមអ្វីដែលបានកំណត់ដោយច្បាប់ ពោលគឺជារួមឃើញថា មានការវិវត្តល្អប្រសើរ។ សម្ដេចក៏បង្ហាញសេចក្ដីសង្ឃឹមជឿជាក់ថា ថ្ងៃបោះឆ្នោតខាងមុខ ក៏នឹងមិនមានបញ្ហាអ្វីកើតឡើង នាំដល់ការរំខានការបោះឆ្នោតនោះដែរ ដោយសម្ដេច សង្ឃឹមថា ដំណើរការល្អនៃការបោះឆ្នោតនេះ ក៏ជាការឆ្លុះបញ្ចាំងឱ្យឃើញនូវការអនុវត្តស្រប តាមអ្វីដែលមានចែងក្នុងរដ្ឋធម្មនុញ្ញ គឺលទ្ធិប្រជាធិបតេយ្យ និងសេរីពហុបក្សនៅកម្ពុជា។


សម្តេចក៏បានជម្រាបជូនប្រតិភូដែរថា ពាក់ព័ន្ធនឹងតួនាទីក្រសួងមហាផ្ទៃក្នុង ដំណើរការរៀបចំការបោះឆ្នោតនេះ កិច្ចការសំខាន់គឺពាក់ព័ន្ធទៅនឹងបញ្ហាសន្តិសុខ ដែល ក្រសួងមហាផ្ទៃសហការជាមួយ គ.ជ.ប រៀបចំផែនការដើម្បីការពារសុវត្ថិភាព សំដៅធ្វើយ៉ាងណាបង្កលក្ខណៈឱ្យការបោះឆ្នោតប្រព្រឹត្តទៅក្នុងបរិយាកាសសេរី ត្រឹមត្រូវ និងយុត្តិធម៌ ហើយចំពោះបញ្ហាអ្វីផ្សេងទៀត គឺស្ថិតក្នុងសមត្ថកិច្ចដោះស្រាយរបស់ គ.ជ.ប ដែលជាស្ថាប័នមានសមត្ថកិច្ចក្នុងការពិនិត្យទៅលើបញ្ហាផ្សេងៗដែលកើតមានពាក់ព័ន្ធនឹងការបោះឆ្នោត។


សម្ដេចក៏យកឱកាសនេះ អំពាវនាវដល់សហភាពអឺរ៉ុបបន្តគាំទ្រដល់កិច្ចការកំណែ ទម្រង់វិមជ្ឈការ និងវិសហមជ្ឈការ ដែលរាជរដ្ឋាភិបាលកម្ពុជាកំពុងតែអនុវត្តន៍ក្នុងការ ពង្រឹងភាពជាម្ចាស់ការរបស់ថ្នាក់មូលដ្ឋាន ជាពិសេស គឺបន្តជួយគាំទ្រការចែករំលែក បទពិសោធន៍ពាក់ព័ន្ធនឹងការបណ្ដុះបណ្ដាលធនធានមនុស្ស ដើម្បីមានសមត្ថភាពកាន់ តែសមស្របបម្រើប្រជាពលរដ្ឋក្នុងមូលដ្ឋាន ក៏ដូចជាការងារអភិវឌ្ឍន៍មូលដ្ឋានរបស់ខ្លួន៕ ដោយ អ៊ាង ប៊ុនរិទ្ធ សម្រួលផ្សាយដោយ៖ dara


Thursday, May 26, 2022

សម្ដេចតេជោ ហ៊ុន សែន អញ្ជើញនិវិត្តន៍មកដល់មាតុប្រទេសវិញប្រកបដោយសុវត្ថិភាព

ចំនួនអ្នកទស្សនា: Views



 (ភ្នំពេញ): ថ្ងៃទី២៦ ខែឧសភា ឆ្នាំ២០២២

បន្ទាប់ពីបានដឹកនាំគណៈប្រតិភូជាន់ខ្ពស់ទៅចូលរួមកិច្ចប្រជុំប្រចាំឆ្នាំ២០២២ របស់វេទិកា សេដ្ឋកិច្ចពិភពលោករយៈពេល៥ថ្ងៃ នៅទីក្រុងដាវ៉ស-ក្លូស្ទ័រ ប្រទេសស្វីសនោះ នាព្រឹកថ្ងៃទី២៦ ខែឧសភា ឆ្នាំ២០២២ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញនិវត្តន៍មកដល់មាតុប្រទេសវិញប្រកបដោយសុវត្ថិភាព តាមជើងយន្តហោះពិសេស។

អញ្ជើញទទួលដំណើរមកដល់របស់គណៈប្រតិភូជាន់ខ្ពស់នៃរាជរដ្ឋាភិបាល នៅឯព្រលានយន្តហោះអន្តរជាតិភ្នំពេញ មានវត្តមាន សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងឥស្សរជនជាន់ខ្ពស់នៃរាជរដ្ឋាភិបាលជាច្រើនរូបទៀត។

គួរបញ្ជាក់ដែរថា ក្នុងឱកាសស្នាក់អាស្រ័យ និងបំពេញការងារនៅប្រទេសស្វីស សម្តេចតេជោនាយករដ្ឋមន្ត្រី ហ៊ុន សែន បានអញ្ជើញថ្លែង សុន្ទរកថាប្រកបដោយអត្ថន័យខ្លឹមសារនៅក្នុងពិធីបិទកិច្ចពិភាក្សាជាមួយភាគីពាក់ព័ន្ធក្រោមប្រធានបទ«ទស្សនវិស័យយុទ្ធសាស្ត្រលើអាស៊ាន» និងនៅក្នុងកម្មវិធីអាហារការងារថ្ងៃត្រង់ក្រៅផ្លូវការជាមួយ ថ្នាក់ដឹកនាំសេដ្ឋកិច្ចពិភពលោក ក្រោមប្រធានបទ “ការស្ដារសន្តិភាព និងសណ្តាប់ធ្នាប់ឡើងវិញ”។

ក្នុងឱកាសស្នាក់នៅប្រទេសស្វីសនេះដែរ សម្តេចតេជោនាយករដ្ឋមន្ត្រី ហ៊ុន សែន បានអញ្ជើញថ្លែងសុន្ទរកថាបើក “រាត្រីកម្ពុជា" (CAMBODIA NIGHT) ដែលជាព្រឹត្តការណ៍រៀបចំដោយក្រុមហ៊ុន វើលដ៏ ប្រ៊ីជ គ្រុប (World Bridge Group) ក្នុងគោលបំណងដើម្បីលើកស្ទួយអំពីធុរកិច្ចបរទេសនៅក្នុងប្រទេសកម្ពុជា និងបានជួបសំណេះសំណាលជាមួយបងប្អូនជនរួមជាតិខ្មែរដែលរស់នៅ ប្រទេសស្វីស និងបណ្តាប្រទេសអឺរ៉ុបផងដែរ៕ដោយ ជឹម ណារី សម្រួលផ្សាយដោយ៖ dara

ឯកឧត្តម ឈឹម សារ៉េត និងឯកឧត្តម គង់ សោភ័ណ្ឌ អញ្ជើញជាអធិបតីក្នុងពិធីបុណ្យដង្ហែអង្គផ្កាប្រាក់មហាសាមគ្គី និងជួបសំណេះ សំណាលជាមួយប្រជាពលរដ្ឋ នៅស្រុកខ្សាច់កណ្ដាល

ចំនួនអ្នកទស្សនា: Views



(កណ្តាល): ថ្ងៃទី២៦ ខែឧសភា ឆ្នាំ២០២២ ឯកឧត្តម ឈឹម សារ៉េត ប្រតិភូរាជរដ្ឋាភិបាលទទួលបន្ទុកជាអគ្គនាយក នៃអគ្គនាយកដ្ឋានលទ្ធកម្មសាធារណៈក្រសួងសេដ្ឋកិច្ច និងហិរញ្ញវត្ថុ និងជាអនុប្រធានក្រុមការងាររាជរដ្ឋាភិបាលចុះមូលដ្ឋានស្រុកខ្សាច់កណ្តាល និងឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្តាល អញ្ជើញជាអធិបតីក្នុងពិធីបុណ្យដង្ហែអង្គផ្កាប្រាក់មហាសាមគ្គី និងជួបសំណេះ សំណាលជាមួយប្រជាពលរដ្ឋប្រមាណ៦០០នាក់ នៅវត្តសុវណ្ណមរកត ស្ថិតនៅភូមិកំពង់ចំលង ឃុំកំពង់ចំលង ស្រុកខ្សាច់កណ្ដាល ខេត្តកណ្តាល នាសៀលថ្ងៃទី២៥ ខែឧសភា ឆ្នាំ២០២២។

Wednesday, May 25, 2022

នាយឧត្តមសេនីយ៍ សៅ សុខា អញ្ជើញដឹកនាំកិច្ចប្រជុំបូកសរុប វាយតម្លៃ ដកបទពិសោធន៍លទ្ធផលនៃការរៀបចំពិធីជំនួបប្រាស្រ័យមិត្តភាពការពារជាតិព្រំដែនកម្ពុជា-វៀតណាម

ចំនួនអ្នកទស្សនា: Views


ភ្នំពេញ៖ នៅបញ្ជាការដ្ឋាន កងរាជអាវុធហត្ថលើផ្ទៃប្រទេស ព្រឹកថ្ងៃពុធ ទី២៥ ខែឧសភា ឆ្នាំ២០២២ លោក នាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការ កងរាជអាវុធហត្ថលផ្ទៃប្រទេស បានអញ្ជើញដឹកនាំកិច្ចប្រជុំបូកសរុប វាយតម្លៃ ដកបទពិសោធន៍លទ្ធផលនៃការរៀបចំពិធីជំនួបប្រាស្រ័យមិត្តភាពការពារជាតិព្រំដែនកម្ពុជា-វៀតណាម ថ្នាក់រដ្ឋមន្ត្រីលើកទី១ និងកិច្ចសន្ទនាគោលនយោបាយការពារជាតិថ្នាក់អនុរដ្ឋមន្ត្រីលើកទី៥ និងប្រជុំផ្សព្វផ្សាយផែនការត្រៀមរៀបចំពិធីរំលឹកខួបលើកទី៤៥ នៃទិវាចងចាំដំណើរឆ្ពោះទៅការផ្តួលរំលំរបបប្រល័យពូជសាសន៍ ប៉ុល ពត (២០ មិថុនា ១៩៧៧ - ២០ មិថុនា ២០២២) នៅតំបន់ប្រវត្តិសាស្ត្រយោធាតេជោកោះថ្ម X-16 ឃុំទន្លូង ស្រុកមេមត់ ខេត្តត្បូងឃ្មុំ កិច្ចប្រជុំនេះមានការអញ្ជើញចូលរួមពីសំណាក់មន្ត្រីក្រសួងស្ថាប័នដែលមានការពាក់ព័ន្ធ។ប្រភព៖ TVK

រដ្ឋបាលខេត្ត បើកកិច្ចប្រជុំពិនិត្យ ការរៀបចំគម្រោងអភិវឌ្ឍន៍ខេត្ត និងការរៀបចំគម្រោងប្លង់ហេដ្ឋារចនាសម្ព័ន្ធក្រុង ស្រុក

ចំនួនអ្នកទស្សនា: Views



(កណ្តាល): ថ្ងៃទី២៥ ខែឧសភា ឆ្នាំ២០២២  នៅថ្ងៃ៩រោច ខែពិសាខ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃអង្គារ ទី២៤ ខែឧសភា ឆ្នាំ២០២២ ឯកឧត្តម គង់ សោភ័ណ្ឌ អភិបាលខេត្តកណ្តាល បានអញ្ជើញជាអធិបតីក្នុងកិច្ចប្រជុំពិនិត្យវឌ្ឍនភាព នៃការរៀបចំគម្រោងអភិវឌ្ឍន៍ខេត្ត នៅក្នុងភូមិសាស្ត្រទូទាំងខេត្តកណ្តាល ដែលមានការចូលរួមពីលោក លោកស្រី មន្រ្តី នៃរដ្ឋបាលខេត្ត មន្ទីរអង្គភាព និងមន្រ្តីជំនាញពាក់ព័ន្ធ។

កិច្ចប្រជុំបានពិនិត្យ ពិភាក្សា អំពីការរៀបចំជួលជុលកែលម្អផ្លូវ-ស្ពាន ការងារសាងសង់ច្រាំងស្ទឹងព្រែកត្នោត ចំណុចអ្នកតាសានថៃជឺ ស្តារប្រព័ន្ធផ្លូវទឹក ទ្វារទឹក បង្កើតផ្លូវថ្មី ស្ពានថ្មី បំពាក់អំពូលភ្លើងតាមផ្លូវចាំបាច់មួយចំនួន ដើម្បីជាប្រយោជន៍សាធារណៈ សោភណភាព និងសម្រួលដល់ការធ្វើដំណើរ របស់ប្រជាពលរដ្ឋ ។ ជាពិសេសបម្រើដល់ការដឹកជញ្ជូនទំនិញ និងកសិផលរបស់បងប្អូនអាជីវករ ពាណិជ្ជករទូទៅ ក្នុងភូមិសាស្ត្រខេត្តកណ្តាល ។

នៅថ្ងៃដដែលនោះដែរ ឯកឧត្តម គង់ សោភ័ណ្ឌ បានអញ្ជើញជាអធិបតីក្នុងកិច្ចប្រជុំពិនិត្យសម្រេច លើការរៀបចំគម្រោងប្លង់ហេដ្ឋារចនាសម្ព័ន្ធក្រុង ស្រុក ស្ថិតនៅក្នុងភូមិសាស្ត្រខេត្តកណ្តាល ដោយមានការចូលរួមពី លោកអភិបាលរងខេត្ត លោកនាយក នាយករងរដ្ឋបាលសាលាខេត្ត លោក លោកស្រី ប្រធានមន្ទីរអង្គភាពពាក់ព័ន្ធ អភិបាល អភិបាលរងក្រុង ស្រុកទាំង១១ មន្រ្តីបច្ចេកទេស និងលោក លោកស្រីមេឃុំពាក់ព័ន្ធ តាមប្រព័ន្ធ online Zoom meeting ផងដែរ ៕ ដោយ ណយ នឿន (ប្រភពៈរដ្ឋបាលខេត្តកណ្តាល) សម្រួលផ្សាយដោយ៖ ធូ កុសល

Tuesday, May 24, 2022

លោកបណ្ឌិតសភាចារ្យ ហង់ជួន ណារ៉ុន អំពាវនាវឲ្យប្រជាពលរដ្ឋបោះជូនគណបក្សប្រជាជនកម្ពុជា ដើម្បីសន្តិភាព បន្តអភិវឌ្ឍ លើកកម្ពស់ជីវភាពរស់នៅ និងលទ្ធិប្រជាធិបតេយ្យពិតប្រាកដ

ចំនួនអ្នកទស្សនា: Views


(កំពង់ចាម)៖ លោកបណ្ឌិតសភាចារ្យ ហង់ជួន ណារ៉ុន ប្រធានក្រុមការងារថ្នាក់ជាតិចុះជួយស្រុកកងមាស ខេត្តកំពង់ចាម កាលពីថ្ងៃទី២៣ ខែឧសភា ឆ្នាំ២០២២ បានបន្តចុះជួបសំណេះសំណាលជាមួយសមាជិកសមាជិកា គណបក្សប្រជាជនកម្ពុជា ឃុំព្រែកក្របៅចំនួន២៦៨នាក់ និងឃុំពាមជីកង ស្រុកកងមាស ចំនួន៣០០នាក់ ក្នុងយុទ្ធនាការឃោសនាបោះឆ្នោត។

 ក្នុងឱកាសនោះ លោកបណ្ឌិតសភាចារ្យ បានវាយតម្លៃខ្ពស់សមិទ្ធផលនានាក្នុងឃុំព្រែកក្របៅ ដែលសម្រេចបានក្នុងអាណត្តិកន្លងមក និងបានលើកឡើងពីគ្រាហ៍លំបាកដែលប្រជាជនរងទុក្ខដោយជំងឺកូវីដ១៩ គណបក្សប្រជាជនកម្ពុជានៅជាមួយ និងការពារប្រជាជនជានិច្ច។

 ទន្ទឹមនឹងនេះ ឯកឧត្តមបានអំពាវនាវប្រជាពលរដ្ឋបោះជូនគណបក្សប្រជាជនកម្ពុជា ដើម្បីសន្តិភាព បន្តអភិវឌ្ឍ លើកកម្ពស់ជីវភាពរស់នៅ និងលទ្ធិប្រជាធិបតេយ្យពិតប្រាកដ។ 

លោកបណ្ឌិតសភាចារ្យ បានអំពាវនាវដល់ប្រជាពលរដ្ឋ សូមបន្តបោះឆ្នោតគាំទ្រជូនដល់បេក្ខជនមេឃុំមកពីគណបក្សប្រជាជនកម្ពុជា ដើម្បីឱ្យក្រុមការងារបានបន្តបំពេញភារកិច្ចបម្រើដល់ប្រជាពលរដ្ឋគ្រប់ឃុំ នៅស្រុកកងមាស ធានាឱ្យបាននូវសិទ្ធសេរីភាព ប្រជាធិបតេយ្យ សន្តិសុខ របៀបរៀបរយ សណ្តាប់ធ្នាប់ សុវត្តិភាព គណនេយ្យភាព និងការទទួលខុសត្រូវចំពោះការអភិវឌ្ឍក្នុងមូលដ្ឋាន។ 

 លោកបណ្ឌិត បានប្តេជ្ញានឹងបន្តផ្តល់សេវាសាធារណៈកាន់តែល្អប្រសើរ ប្រសិទ្ធភាព និងឆាប់រហ័សដើម្បីចូលរួមលើកស្ទួយជីវភាព និងការប្រកបរបរចិញ្ចឹមជីវិត ការពារផលប្រយោជន៍របស់ប្រជាជន ជាពិសេសបង្កើតការងារ មុខរបរ និងពង្រីកទីផ្សារ បន្តជួសជុលហេដ្ឋារចនាសម្ព័ន្ធដើម្បីបង្កើនភាពងាយស្រួលដល់ការរស់នៅ។ នៅតាមភូមិ និងតាមផ្ទះ មានអគ្គីសនី ទឹកស្អាត មានមណ្ឌលសុខភាពគ្រប់គ្រាន់ បន្តគាំទ្រដល់ការសិក្សារៀនសូត្ររបស់ប្អូនៗសិស្សានុសិស្ស។ 

 នៅក្នុងឱកាសនោះលោកក៏បានផ្តល់ឱកាសឱ្យ លោក អ៉ី កុកគង់ ដឹកនាំឃុំព្រែកក្របៅ សម្រាប់អាណត្តិទី៥ និងក្រុមការងារថ្នាក់ជាតិបានបន្តចុះជួយ និងអភិវឌ្ឍហេដ្ឋារចនាសម្ព័ន្ធមូលដ្ឋានស្រុកកងមាសផងដែរ៕