សូមស្វាគមន៍ WWW.SPS-NEWS.COM មានទទួល សេវាកម្មផ្សាយពាណិជ្ជកម្ម គ្រប់ប្រភេទ ចាងហ្វាងការផ្សាយ ទីស្នាក់ការកណ្តាល ភូមិតាកែវ ឃុំគរ ស្រុក ព្រៃឈ ខេត្តកំពង់ចាម ទំនាក់ទំនង Tel: 090 905 988 / 086 309 181/ 016998799


សូមស្វាគមន៍ គេហទំព័រ ស្ពាន សន្តិភាព មានទទួល សេវាកម្មផ្សាយពាណិជ្ជកម្ម គ្រប់ប្រភេទ ចាងហ្វាងការផ្សាយ ទីស្នាក់ការកណ្តាល ភូមិតាកែវ ឃុំគរ ស្រុក ព្រៃឈ ខេត្តកំពង់ចាម ទំនាក់ទំនង Tel: 090 905 988 / 086 309 181 / 016998799


Thursday, March 31, 2022

ឯកឧត្តម ជិន ប៊ុនស៊ាន ប្រធានក្រុមការងាររាជរដ្ឋាភិបាលចុះមូលដ្ឋានខេត្តកែប អញ្ជើញជាអធិបតី ក្នុងកិច្ចប្រជុំ បូកសរុបលទ្ធផលការងារ របស់ក្រុមការងាររាជរដ្ឋាភិបាលចុះមូលដ្ឋានខេត្តកែប

ចំនួនអ្នកទស្សនា: Views




កែប ៖ សាលាខេត្តកែប នាព្រឹកថ្ងៃទី៣០ ខែមីនា ឆ្នាំ២០២២ បានរៀបចំធ្វើពិធីបូកសរុបលទ្ធផលការងារ របស់ ក្រុមការងាររាជរដ្ឋាភិបាលចុះមូលដ្ឋានខេត្តកែប ដើម្បីពិនិត្យ និងគាំទ្រការអនុវត្តន៍កម្មវិធីនយោបាយ និងយុទ្ធសាស្ត្រចតុកោណ ដំណាក់កាលទី៤ ប្រចាំត្រីមាសទី១ ឆ្នាំ២០២២ និងលើកទិសដៅអនុវត្តបន្ត។ 

ពិធីនេះប្រព្រឹត្តទៅក្រោមអធិបតីភាពដ៏ខ្ពង់ខ្ពស់ ឯកឧត្តម ជិន ប៊ុនស៊ាន ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកែប និងមានការអញ្ជើញចូលរួមពីសំណាក ឯកឧត្តម សំ សារីន ប្រធានក្រុមប្រឹក្សាខេត្តកែប ឯកឧត្តមបណ្ឌិត សោម ពិសិដ្ឋ អភិបាល នៃគណៈអភិបាលខេត្តកែប ឯកឧត្តម លោកជំទាវ លោក លោកស្រី អនុប្រធានក្រុមការងាររាជរដ្ឋាភិបាលចុះមូលដ្ឋានខេត្ត ក្រុង ស្រុក ឃុំ សង្កាត់ ភូមិ រួមទាំងមន្ត្រីរាជការជុំវិញខេត្តផងដែរ។

កិច្ចប្រជុំប្រព្រឹត្តទៅ ដោយមានបទអន្តរាគមន៍ របស់តំណាង ឃុំ សង្កាត់ទាំង៥ និងតំណាងរដ្ឋបាល ក្រុង ស្រុក ដោយលើកឡើងនូវ រាល់សមិទ្ធផលនានាដែលបានអនុវត្តក្នុងត្រីមាសទី១ ឆ្នាំ២០២២ និងបញ្ហាប្រឈមនានា និងបានដាក់ចេញនូវទិសដៅសម្រាប់អនុវត្តបន្ត សម្រាប់ត្រីមាសទីពីរ ឆ្នាំ២០២២។ ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប បានអានរបាយការណ៍សង្ខេប អំពីលទ្ធផលការងារ របស់ក្រុមការងាររាជរដ្ឋាភិបាលចុះមូលដ្ឋានខេត្តកែប ដែលបានអនុវត្តនៅក្នុងត្រីមាសទីមួយ ក៏ដូចជាស្ថានភាពទូទៅ នៃការ អភិវឌ្ឍន៍ខេត្ត ការងារតាមវិស័យនានា រួមទាំងបញ្ហាប្រឈម ដំណោះស្រាយ លើកទិសដៅអនុវត្តបន្ត សម្រាប់ត្រីមាសទីពីរ ឆ្នាំ២០២២ ។

ការងារសំខាន់ដែលខេត្តបានអនុវត្ត នៅក្នុងត្រីមាសទីមួយមានដូចជាៈ បានបន្តខិតខំកសាង ស្ដារ និងជួសជុល ឡើងវិញ នូវហេដ្ឋារចនាសម្ព័ន្ធ រួមមាន ផ្លូវអ៊ុតកៅស៊ូ AC ផ្លូវអ៊ុតកៅស៊ូ DBST ផ្លូវបេតុងសរសៃដែក ផ្លូវក្រាលក្រួសក្រហម ជាច្រើន កំណាត់ និងការពង្រីកឆ្នេរ ការរៀបចំប្រព័ន្ធលូរំដោះទឹកភ្លៀង ហើយខេត្តក៏កំពុងអភិវឌ្ឍរមណីយដ្ឋានឆ្នេរខ្សាច់កម្សាន្តសាធារណៈ កម្រិតខ្ពស់ ប្រវែង ២,៧០០ ម៉ែត្រ នៅក្នុងភូមិសាស្ត្រ ភូមិថ្មី សង្កាត់ព្រៃធំ ក្រុងកែប ចាប់ពីចំណុចផ្សារក្តាមរហូតដល់ចំណុច សហគមន៍ព្រៃកោងកាង គម្រោងអភិវឌ្ឍន៍ផ្លូវក្រវាត់ភ្នំ តំបន់ឧទ្យានជាតិកែប ដើម្បីទាក់ទាញ

ទេសចរណ៍ប្រវែង ៦,០០០ម៉ែត្រ ការស្ថាបនាផ្លូវប្របមាត់សមុទ្រប្រវែង១២គីឡូ៧០០ម៉ែត្រឆ្ពោះទៅកាន់ឆ្នេរអង្កោល។ ឯកឧត្តមបន្តថា សកម្មភាពដែលបានអនុវត្ត រយៈពេល ៣ខែ កន្លងមកនេះ ធ្វើឱ្យប្រជាពលរដ្ឋកាន់តែមានការជឿជាក់ លើគោលនយោបាយ ដឹកនាំរបស់រាជរដ្ឋាភិបាល ដែលមានសម្ដេចអគ្គមហាសេនាបតីតេជោ ហ៊ុន សែន ជានាយករដ្ឋមន្ត្រីនៃព្រះរាជាណាចក្រកម្ពុជា។ មានប្រសាសន៍បិទអង្គប្រជុំបូកសរុបលទ្ធផលការងារ របស់រាជរដ្ឋាភិបាលចុះមូលដ្ឋានខេត្តកែប នាឱកាសនោះ ឯកឧត្តម ជិន ប៊ុនស៊ាន ទេសរដ្ឋមន្រ្តី ទទួលបន្ទុកបេសកកម្មពិសេស និងជាប្រធានក្រុមការងាររាជរដ្ឋាភិបាល

ចុះមូលដ្ឋានខេត្តកែប គូសបញ្ជាក់ថា លទ្ធផលសម្រេចបាននៅក្នុងត្រីមាសទីមួយ ពិតជាបង្ហាញឱ្យឃើញ នូវការខិតខំយកចិត្តទុកដាក់ របស់ថ្នាក់ដឹកនាំខេត្ត មន្ទីរអង្គភាពជុំវិញខេត្ត រដ្ឋបាលក្រុង ស្រុក ឃុំ សង្កាត់ទាំងអស់ ក្នុងការជំរុញ ការអនុវត្តន៍ កម្មវិធីនយោបាយ និងយុទ្ធសាស្ត្រ ចតុកោណដំណាក់កាលទី៤ របស់រាជរដ្ឋាភិបាលកម្ពុជា សំដៅឱ្យមានអភិបាលកិច្ចល្អ លើកកម្ពស់គុណភាពរស់នៅ របស់ ប្រជាពលរដ្ឋ នៅមូលដ្ឋាន ជាពិសេស បង្កើតនូវជំនឿទុកចិត្ត របស់ប្រជាពលរដ្ឋ មកលើការដឹកនាំរបស់រាជរដ្ឋាភិបាលកម្ពុជា។ ជាមួយគ្នានេះ ឯកឧត្តម ជិន ប៊ុនស៊ាន ក៏បានផ្ដល់ នូវអនុសាសន៍ជាគន្លឹះមួយចំនួន ដើម្បីដាក់បញ្ចូលនៅក្នុងទិសដៅ សម្រាប់ អនុវត្តនៅត្រីមាសបន្ត ក្នុងនោះរួមមាន៖ ១- សូមឱ្យក្រុមការងារគ្រប់លំដាប់ថ្នាក់បន្តចុះពង្រឹងមូលដ្ឋាន ភ្ជាប់នូវបញ្ហាប្រឈមនានារបស់ប្រជា

ពលរដ្ឋ និងចាំជួយដោះស្រាយ នូវបញ្ហាប្រឈមទាំងនោះ ឱ្យបានទាន់ពេលវេលា ២- សូមឱ្យឃុំសង្កាត់ ពិនិត្យលើការងារ ធ្វើអត្តសញ្ញាណបណ្ណ ជូនប្រជាពលរដ្ឋ ឱ្យបានគ្រប់គ្នា ដើម្បីជាប្រយោជន៍ដល់ការប្រើប្រាស់ ប្រចាំថ្ងៃ ពិសេសជំរុញឱ្យការបោះឆ្នោតជ្រើសរើសក្រុមប្រឹក្សាឃុំសង្កាត់ នាពេលខាងមុខ ទទួលបានជោគជ័យ 
 ៣- សូមឱ្យរដ្ឋបាលខេត្ត ខិតខំជំរុញ ការងារផ្ដល់សេវាសាធារណៈជូនប្រជាពលរដ្ឋ ឱ្យបានល្អប្រសើរ

៤- សូមឱ្យអាជ្ញាធរដែនដីគ្រប់លំដាប់ថ្នាក់ បន្តគ្រប់គ្រង រៀបចំ សន្តិសុខសណ្ដាប់ធ្នាប់ សាធារណៈឱ្យ
បានល្អប្រសើរ ទប់ស្កាត់បង្ក្រាប បទល្មើសឆក់ប្លន់លួច ល្បែងស៊ីសង គ្រឿងញៀនបងធំបងតូច សំដៅជំរុញ ចលនាភូមិឃុំមានសុវត្ថិភាព ឱ្យកាន់តែប្រសើរឡើង ផ្ដល់ភាពកក់ក្ដៅជូនប្រជាពលរដ្ឋ។ 

 ៥- សូមឱ្យក្រុមការងារគ្រប់លំដាប់ថ្នាក់ បន្តសហការគ្នាប្រយុទ្ធប្រឆាំងជំងឺកូវីដ-១៩
 តាមរយៈការជំរុញឱ្យប្រជាពលរដ្ឋ មកចូលរួម ចាក់វ៉ាក់សាំងជុំទី៣ ទី៤ ឬដូសជំរុញ ឱ្យបានគ្រប់គ្នា ដើម្បីបង្កើតភាពស៊ាំ និងផ្សព្វផ្សាយឱ្យបានទូលំទូលាយនូវការចូលរួម អនុវត្ត វិធានការសុខាភិបាល វិធានការ៣កុំ និង ៣ការពារ ឱ្យបានគ្រប់ៗគ្នា។ ឯកឧត្តមទេសរដ្ឋមន្ត្រីក៏បានជំរុញឱ្យក្រុមការងារគ្រប់លំដាប់ថ្នាក់ សហការគ្នា ប្រកបដោយស្មារតីសាមគ្គីភាព អនុវត្តតួនាទីភារកិច្ច ស្របតាមច្បាប់ ស្ដីពីការគ្រប់គ្រង រដ្ឋបាលរាជធានីខេត្ត ក្រុង ស្រុក ខណ្ឌ ច្បាប់លិខិតបទដ្ឋានគតិយុត្ត ដែលមានជាធរមាន ដើម្បីឱ្យការអនុវត្តន៍យុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាលកម្ពុជា ទទួលបានជោគជ័យ ធ្វើឱ្យខេត្តកែប មានការរីកចម្រើន លើគ្រប់វិស័យ៕

 មន្ទីរព័ត៌មានខេត្តកែបអត្ថបទ: លោក ជិន សុផុន:សម្រួលដោយ៖​ ដារ៉ា


ស្ពានអាកាស និងផ្លូវក្រោមដី ចោមចៅ តម្លៃ ២២លានដុល្លារ សម្ពោធដាក់ឱ្យប្រើប្រាស់ជាផ្លូវការហើយ

ចំនួនអ្នកទស្សនា: Views




ភ្នំពេញ: ថ្ងៃទី៣១ ខែមីនា ឆ្នាំ២០២២ ស្ពានអាកាស និងផ្លូវក្រោមដីចោមចៅ ត្រូវបានដាក់ឱ្យប្រើប្រាស់ជាផ្លូវការហើយ នៅព្រឹកនេះ ក្រោមអធិបតីភាព សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី។

ហេដ្ឋារចនាសម្ព័ន្ធ​ថ្មី​ដែល​បាន​បាក់​កាលពី​ថ្ងៃទី​២៩ ខែមិថុនា ឆ្នាំ​២០១៨ ត្រូវបាន​សាងសង់​ដោយ​ក្រុមហ៊ុន Overseas Cambodia Investment Corporation (OCIC) ដែលជា​ក្រុមហ៊ុន​សំណង់​ក្នុងស្រុក​ក្នុង​រយៈពេល​៣០​ខែ ដោយ​ចំណាយ​ថវិកា​សរុប​ប្រមាណ ២២​លាន​ដុល្លារ​អាមេរិក​។

សម្តេចតេជោ ហ៊ុន សែន បានអបអរសាទរចំពោះរដ្ឋបាលរាជធានីភ្នំពេញ និងប្រជាពលរដ្ឋចំពោះសមិទ្ធិផលថ្មីនេះ ដែលមិនត្រឹមតែជួយសម្រួលដល់ការធ្វើដំណើររបស់ប្រជាពលរដ្ឋប៉ុណ្ណោះទេ ថែមទាំងលើកកំពស់សោភ័ណភាព និងការអភិវឌ្ឍន៍ក្នុងរាជធានីភ្នំពេញផងដែរ។

រាជធានី​ភ្នំពេញ​បច្ចុប្បន្ន​មាន​ស្ពានអាកាស​ចំនួន​៦​៖ ស្ពាន​អាកាស​ក្បាលថ្នល់​បាន​សម្ពោធ​នៅ​ថ្ងៃ​ទី​២៤ ខែមិថុនា ឆ្នាំ​២០១០ ។ ស្ពានអាកាស ៧ មករា ថ្ងៃទី ៦ ខែ មករា ឆ្នាំ ២០១២; ស្ពានអាកាសស្ទឹងមានជ័យ ថ្ងៃទី៣១ ខែកក្កដា ឆ្នាំ២០១៤; ស្ពានអាកាស ៥ មករា ថ្ងៃទី ៥ ខែ មករា ឆ្នាំ ២០១៦; ឈប់ស្ពានអាកាសផ្សារដីហុយ ថ្ងៃទី ០២ ខែ កក្កដា ឆ្នាំ ២០១៨; និង​ស្ពាន​អាកាស​ចោមចៅ​ដែល​ទើប​សម្ពោធ​នៅ​ថ្ងៃ​ទី​៣១ ខែ​មីនា ឆ្នាំ​២០២២។

ស្ពានអាកាសមួយទៀត ប្រវែង ៤៨៣ ម៉ែត្រ ទទឹង ១៥.៨ ម៉ែត្រ និង កម្ពស់ ៥ ម៉ែត្រ ត្រូវបាននិងកំពុងសាងសង់នៅតាមបណ្តោយផ្លូវជាតិលេខ ៥ ក្នុងសង្កាត់ឬស្សីកែវ ខណ្ឌឫស្សីកែវ។

រដ្ឋបាលរាជធានីភ្នំពេញ ក៏គ្រោងនឹងសាងសង់ស្ពានអាកាសថ្មី នៅចំនុចប្រសព្វ Century Plaza ដើម្បីសម្រួលចរាចរណ៍ជូនប្រជាពលរដ្ឋឆ្លងកាត់ផ្លូវ ២០០៤ ក៏ដូចជាមហាវិថីសហព័ន្ធរុស្ស៊ីផងដែរ។ និងផ្លូវ២០១១។ គ្រោងនឹងបើកការដ្ឋានសាងសង់ បន្ទាប់ពីសម្ពោធជាផ្លូវការនូវស្ពានអាកាសចោមចៅ និងផ្លូវក្រោមដី។






Wednesday, March 30, 2022

ភរិយា សម្តេចក្រឡាហោម ចែកអំណោយជូនដល់ប្រជាពលរដ្ឋចំនួន ៥២២គ្រួសារ នៅស្រុកឯកភ្នំ

ចំនួនអ្នកទស្សនា: Views

  



 បាត់ដំបង: ថ្ងៃទី៣០ ខែមីនា ឆ្នាំ២០២២ នៅថ្ងៃ១២រោច ខែផល្គុន ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃអង្គារ ទី២៩ ខែមីនា ឆ្នាំ២០២២ លោកជំទាវ ញ៉ែម សាខន សម្តេចក្រឡា ហោម ស ខេង ប្រធានកិត្តិយសក្រុមអ្នកម្តាយមនុស្សធម៌ ឯកឧត្តម ស សុខា រដ្ឋលេខាធិការក្រសួងអប់រំ យុវជន និង កីឡា ឯកឧត្តម អ៊ុយ រី ប្រធានក្រុមប្រឹក្សាខេត្ត និង ឯកឧត្តម សុខ លូ អភិបាលខេត្តបាត់ដំបង បានអញ្ជើញចូលរួមក្នុងពិធីសំណេះសំណាល និង ចែកអំណោយជូនដល់ប្រជាពលរដ្ឋ ដែលមានជីវភាពលំបាកចំនួន ៥២២គ្រួសារ នៅស្រុកឯកភ្នំ។

ឯកឧត្តម ស សុខា បានមានប្រសាន៍ថា ក្នុងនាមសម្តេចក្រឡាហោម និងលោកជំទាវ សូមឱ្យប្រជាពលរដ្ឋ និងអាជ្ញាធរមូលដ្ឋាន រួមគ្នាអនុវត្តគោលការ៥ចំណុច ដែលរួមមាន៖

ទី១. សូមបន្តចូលរួមទប់ស្កាត់ការឆ្លងរីករាលដាលនៃជំងឺកូវីដ-១៩ នៅក្នុងសហគមន៍ តាមរយៈការអនុវត្តរាល់វិធានការចាំបាច់នានា ដែលក្រសួងសុខាភិបាល ក៏ដូចជាអាជ្ញាធរបានណែនាំ ដោយចាប់ផ្តើមពីការការពារខ្លួនឯង សមាជិកគ្រួសារ កុំឱ្យឆ្លងជំងឺនេះ និងទទួលការចាក់វ៉ាក់សាំងឱ្យបានគ្រប់ដូស តាមដំណាក់កាលដែលរាជរដ្ឋាភិបាលផ្តល់ជូន ។ ទី២. បន្តស្វែងរកកិច្ចអន្តរាគមន៍ពីសំណាក់អាជ្ញាធរមូលដ្ឋាន ឱ្យបានទាន់ពេលវេលា ក្នុងករណីមានតម្រូវការចាំ បាច់នានា ដើម្បីអាជ្ញាធរដោះស្រាយ ឬក៏ចាត់បញ្ជូន ក៏ដូចជាមានសំណើមកកាន់ថ្នាក់លើបន្ត ។ ទី៣. សូមបងប្អូនប្រជាពលរដ្ឋ បង្កើនការដាំដុះដំណាំផ្សេងៗ ចិញ្ចឹមសត្វ និងអនុវត្តកម្មវិធីវារីវប្បកម្ម ដើម្បីលើកកម្ពស់ជីវភាព និងសម្រាលដល់ការលំបា កក្នុងជីវភាពរស់នៅប្រចាំថ្ងៃ។ ទី៤. សូមអាជ្ញាធរមូលដ្ឋាន បន្តខិតខំប្រឹងប្រែងតាមដានរាល់ស្ថានភាពជីវភាពរបស់ប្រជាពល រដ្ឋ ដោយកំណត់មុខសញ្ញាជនរងគ្រោះ និងជនងាយរងគ្រោះក្នុងបរិការណ៍ នៃវិបត្តិកូវីដ-១៩ ឱ្យបាន ដើម្បីងាយស្រួលក្នុងការត្រៀមលក្ខ ណៈជួយអន្តរាគមន៍បានទាន់ពេលវេលា។ ពោលគឺមិនត្រូវទុកពលរដ្ឋណាម្នាក់ ដែលមានបញ្ហាឱ្យនៅរងាឯកា ដោយយើងមិនបានដឹងនោះទេ ពិសេសមិនត្រូវឱ្យមានការរើសអើងកើតឡើងឡើយ ។ ទី៥. សូមអាជ្ញាធរមូលដ្ឋាន បន្តយកចិត្តទុកដាក់ថែរក្សាសន្តិសុខ សុវត្ថិភាព ជូនប្រជាពលរដ្ឋ ដោយអនុលោមទៅតាមគោលនយោបាយភូមិ ឃុំ សង្កាត់ មានសុវត្ថិភាព របស់ក្រសួងមហាផ្ទៃ ។

នាឱកាសនោះផងដែរ លោកជំទាវ ញ៉ែម សាខន ស ខេង និង ឯកឧត្តម ស សុខា ក៏បាននាំយកនូវអំណោយដ៏ថ្លៃថ្លា របស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានក្រុមការងាររាជរដ្ឋាភិបាល ចុះមូលដ្ឋានខេត្តបាត់ដំបង ចែកជួនដល់ប្រជាពលរដ្ឋជួបការលំបាកចំនួន ៥២២គ្រួសារ ដោយក្នុងមួយគ្រួសារៗទទួលបាន អង្ករ ២៥គីឡូក្រាម, មី១កេស, ត្រីខកំប៉ុង១យួរ, ទឹកត្រី២យួរ, ទឹកស៊ីអ៊ីវ២យួរ, អំបិល២គីឡូក្រាម, ទឹកបរិសុទ្ធ២កេស, ម៉ាស១ប្រអប់, ខោអាវកីឡា១កំប្លេ, និងថវិកាចំនួន ២ម៉ឺនរៀល ៕ដោយ ណយ នឿន (ប្រភព:រដ្ឋបាលខេត្តបាត់ដំបង) សម្រួលផ្សាយដោយ៖ dara

រដ្ឋបាលខេត្តកណ្តាល បើកកិច្ចប្រជុំស្តីពីការសិក្សាពីស្ថានភាពសិទ្ធិមនុស្សរបស់សហគមន៍

ចំនួនអ្នកទស្សនា: Views


 កណ្តាល: ថ្ងៃទី៣០ ខែមីនា ឆ្នាំ២០២២ នៅថ្ងៃ១២រោច ខែផល្គុន ឆ្នាំឆ្លូវ ត្រីស័ក ព.ស. ២៥៦៥ ត្រូវនឹងថ្ងៃអង្គារ ទី២៩ ខែមីនា ឆ្នាំ២០២២ រដ្ឋបាលខេត្តកណ្តាល បានបើកកិច្ចប្រជុំស្តីពីការសិក្សាពីស្ថានភាពសិទ្ធិមនុស្សរបស់សហគមន៍ ដែលរស់នៅកន្លែងតាំងទីលំនៅថ្មី ក្នុងប្រទេសកម្ពុជាឆ្នាំ២០២០ សម្រាប់ភូមិសាស្ត្រខេត្តកណ្តាល ក្រោមអធិបតីភាពលោក ប្រាក់ សារ៉ាត់ អភិបាលរងខេត្តកណ្តាល ។

ក្នុងកិច្ចប្រជុំនេះដែរមានគោលបំណង សិក្សាពីស្ថានភាពសិទ្ធិមនុស្សរបស់សហគមន៍ ដែលរស់នៅកន្លែងតាំងទីលំនៅថ្មី ដើម្បីជួយគាំទ្រ និងផ្តល់ឱ្យនូវសិទ្ធិមានកម្រិតជីវភាពរស់នៅសមរម្យ រួមទាំងសិទ្ធិទទួលបានស្បៀងអាហារ ទឹកស្អាត និង អនាម័យ ព្រមទាំងសិទ្ធិទទួលបានមជ្ឈដ្ឋានដែលមានសុខភាពល្អ ការអប់រំ និងការយកចិត្តទុកដាក់ពីអាជ្ញាធរមានសមត្ថកិច្ច។

ក្នុងកិច្ចប្រជុំនោះក៏បាន ធានានូវលិទ្ធិប្រជាធិបតេយ្យ ការអនុវត្តច្បាប់ និងគោលនយោ បាយជាតិ ជាពិសេសការគោរពសិទ្ធិមនុស្ស ដោយអនុវត្តស្របតាមនិយាម និងបទដ្ឋានសិទ្ធិមនុស្សអន្តរជាតិ រួមទាំងនិយាម និងបទដ្ឋានស្តីពីសិទ្ធិមានលំនៅឋានសមរម្យ និងកម្រិតជីវភាពរស់នៅសមរម្យ ៕ដោយ ណយ នឿន (ប្រភព:រដ្ឋបាលខេត្តកណ្តាល) សម្រួលផ្សាយដោយ៖ Dara


Tuesday, March 29, 2022

លោក ហ្សេលេនស្គី បង្ហាញអំពីអាទិភាពរបស់អ៊ុយក្រែនសម្រាប់កិច្ចចរចា

ចំនួនអ្នកទស្សនា: Views

  



 ភ្នំពេញ:ថ្ងៃទី២៩ ខែមីនា ឆ្នាំ២០២២ ប្រធានាធិបតីអ៊ុយក្រែន លោក វ្ល៉ាឌីមៀរ ហ្សេលេនស្គី បាននិយាយកាលពីថ្ងៃចន្ទថា អាទិភាពរបស់អ៊ុយក្រែនសម្រាប់កិច្ចពិភាក្សាជាមួយរុស្ស៊ីនៅតែដដែល។ យោងតាមរូបលោកបានឱ្យដឹងថា អទិភាពទាំងនោះរួមមានបញ្ហាពាក់ព័ន្ធនឹងអធិបតេយ្យភាព បូរណភាពទឹកដី និងការធានាសន្តិសុខរបស់អ៊ុយក្រែន។

លោកបាននិយាយនៅក្នុងខ្សែវីដេអូមួយដែលបានផ្សព្វផ្សាយនៅលើបណ្តាញតេឡេក្រាមរបស់ការិយាល័យលោកថា «ជុំថ្មីនៃកិច្ចចរចា គឺនៅពេលខាងមុខឆាប់ៗនេះ ព្រោះយើងកំពុងស្វែងរកសន្តិភាព។ អាទិភាពរបស់យើងក្នុងកិច្ចចរចាត្រូវបានគេដឹងរួចហើយ។ អធិបតេយ្យភាព និងបូរណភាពទឹកដីរបស់អ៊ុយក្រែន គឺជាអទិភាពមួយដែលគ្មានការសង្ស័យ។ ការធានាសុវត្ថិភាពប្រកបដោយប្រសិទ្ធភាពសម្រាប់រដ្ឋរបស់យើង គឺជាកាតព្វកិច្ច។ គោលដៅរបស់យើង គឺភាពជាក់ស្តែង សន្តិភាព និងការស្ដារឡើងវិញនូវជីវភាពរស់នៅធម្មតានៅក្នុងរដ្ឋកំណើតរបស់យើងឱ្យបានឆាប់តាមដែលអាចធ្វើទៅបាន»។

នៅពេលមុននេះ ជំនួយការប្រធានាធិបតីរុស្ស៊ី លោក វ្ល៉ាឌីមៀរ មេឌីនស្គី ដែលដឹកនាំគណៈប្រតិភូរុស្ស៊ីសម្រាប់កិច្ចចរចាបាននិយាយនៅលើបណ្តាញតេឡេក្រាមរបស់លោកថា គណៈប្រតិភូនៃប្រទេសទាំងពីរបានសម្រេចចិត្តធ្វើកិច្ចចរចាបន្ទាប់ដែលជាកិច្ចចរចាទល់មុខគ្នាមួយនៅថ្ងៃទី២៩-៣០ ខែមីនានេះ។ ក្រោយមក ការិយាល័យប្រធានាធិបតីតួកគី លោក រេសេប តាយយីប អេដូហ្គេន បានរាយការណ៍ថា មេដឹកនាំតួកគី និងសមភាគីរុស្ស៊ី លោក វ៉្លាឌីមៀរ ពូទីន បានព្រមព្រៀងគ្នារៀបចំកិច្ចប្រជុំគណៈប្រតិភូនេះនៅទីក្រុងអ៊ីស្តង់ប៊ុល។

ជុំទីមួយនៃកិច្ចចរចាដែលមានរយៈពេលប្រាំម៉ោងត្រូវបានធ្វើឡើងនៅក្នុងប្រទេសបេឡារុស្សកាលពីថ្ងៃទី២៨ ខែកុម្ភៈ។ វាត្រូវបានបន្តដោយកិច្ចចរចាទល់មុខគ្នា ក៏ដូចជាកិច្ចចរចាតាមប្រព័ន្ធអនឡាញចំនួនពីរដងទៀត៕(ប្រភព TASS បកប្រែដោយលោក យា ចិន្តាខន្តី) សម្រួលផ្សាយដោយ៖ ធូ កុសល

ក្រសួងព័ត៌មាន បើកវគ្គបណ្តុះបណ្តាលស្តីពី តួនាទីរបស់អ្នកសារព័ត៌មាន ក្រោមប្រធានបទ «ទន្លេតែមួយ អនាគតតែមួយ»

ចំនួនអ្នកទស្សនា: Views

\



 ភ្នំពេញ:ថ្ងៃទី២៩ ខែមីនា ឆ្នាំ២០២២  នៅថ្ងៃអង្គារ ទី២៩ ខែមីនា ឆ្នាំ២០២២នេះ អគ្គនាយកដ្ឋានព័ត៌មាន និងសោតទស្សន៍ នៃក្រសួងព័ត៌មាន បានបើកវគ្គបណ្តុះបណ្តាល ស្តីពី តួនាទីរបស់អ្នកសារព័ត៌មាន ក្រោមប្រធានបទ «ទន្លតែមួយ អនាគតតែមួយ» ដែលកម្មវិធីនេះធ្វើឡើងនៅសណ្ឋាគារសុខាភ្នំពេញ។

វគ្គបណ្តុះបណ្តាលនេះ បានធ្វើឡើងក្រោមអធិបតីភាព ឯកឧត្តម គឹម គុណវឌ្ឍន៍ រដ្ឋលេខាធិការក្រសួងព័ត៌មាន តំណាងដ៏ខ្ពង់ខ្ពស់ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៍មាន ដោយមានការអញ្ជើញចូលរួមពីសំណាក់ថ្នាក់ដឹកនាំក្រសួងព័ត៌មាន មន្ទីរព័ត៌មានរាជធានី-ខេត្ត និងបណ្តាអ្នកសារព័ត៌មានជាតិ និងអន្តរជាតិ ដែលកំពុងបំពេញការងារនៅក្នុងប្រទេសកម្ពុជា និងបណ្តាប្រទេសសមាជិកកិច្ចសហប្រតិបត្តិការឡានឆាង-មេគង្គ រួម មាន៖ ចិន, មីយ៉ានម៉ា, ឡាវ ថៃ និងវៀតណាមជាដើម។

វគ្គបណ្តុះបណ្តាលនេះ រៀបចំឡើងក្នុងទម្រង់កូនកាត់ ដែលមានអ្នកចូលរួមដោយផ្ទាល់ចំនួន៥០នាក់ និងមួយចំនួនទៀតចូលរួមពីចម្ងាយតាមប្រព័ន្ធ Zoom។

កិច្ចសហប្រតិបត្តិការឡានឆាង-មេគង្គ (Lancang-Mekong Cooperation) ត្រូវបានបង្កើតឡើងនៅឆ្នាំ២០១៦ ជាក្របខណ្ឌភូមិសាស្រ្តយុទ្ធសាស្ត្រថ្មីមួយទៀត ដែលមានលក្ខណៈពិសេសប្លែក ជំរុញដោយកម្លាំងផ្ទៃក្នុង នៃបណ្តាប្រទេសតាមដងទន្លេមេគង្គ ដែលមានប្រជាជនសរុបប្រមាណ ១.៦ពាន់លាននាក់។ ទន្លេដែលមានប្រភពនៅតំបន់ទីបេ ដែលចិនហៅថាទន្លេឡានឆាង បានហូរកាត់ប្រទេសចំនួន៥ រួមមាន៖ មីយ៉ាន់ម៉ា ឡាវ ថៃ កម្ពុជា និងវៀតណាម មានប្រវែងរហូតដល់ ៤,៨៨០គីឡូម៉ែត្រ ហៅថាទន្លេមេគង្គ។

ប្រទេសទាំង៦ បានតភ្ជាប់ភូមិសាស្ត្រដោយភ្នំ ខ្ពង់រាប វាលរាប និងទន្លេ គឺមានមរតកវប្បធម៌ ទំនៀមទំលាប់ ប្រហាក់ប្រហែលគ្នា ចំណងមិត្តភាពដ៏រឹងមាំ និងជាអ្នកជិតខាងល្អ។

កិច្ចសហប្រតិបត្តិការក្នុងតំបន់ដ៏សំខាន់នេះ គឺបានចូលរួមចំណែកជាគ្រឹះ ក្នុងការអភិវឌ្ឍសេដ្ឋកិច្ច និងសង្គមនៃប្រទេសអនុតំបន់ និងលើកកម្ពស់សុខុមាលភាពរបស់ប្រជាជន ហើយគាំទ្រដល់ការកសាងសហគមន៍អាស៊ាន និងដំណើរការសមាហរណកម្មក្នុងតំបន់ ក៏ដូចជាជំរុញការអនុវត្តរបៀបវារៈ នៃគោលដៅអភិវឌ្ឍប្រកបដោយចីរភាពរបស់អង្គការសហប្រជាជាតិ ឆ្នាំ២០៣០ផងដែរ៕ 

Monday, March 28, 2022

ពិធីសំណេះសំណាលជាមួយក្រុមគ្រូពេទ្យ និងគ្រូបង្រៀនជាស្ត្រី

ចំនួនអ្នកទស្សនា: Views





ព្រះវិហារ ៖ សមាគមនារីកម្ពុជាដើម្បីសន្តិភាព និងអភិវឌ្ឍន៍ខេត្ត បានរៀបចំពិធីសំណេះសំណាលជាមួយក្រុមគ្រូពេទ្យ និងគ្រូបង្រៀនជាស្ត្រីក្រោមអធិបតីភាព លោកជំទាវ ចឹក ហេង សមាជិកព្រឹទ្ធសភាប្រចាំភូមិភាគ៨ និងជាអនុប្រធានកិត្តិយសសាខាសមគមនារីខេត្ត លោកជំទាវ ខូយ ប៊ុនថាន សមាជិកក្រុមប្រឹក្សាខេត្ត និងជាអនុប្រធានកិត្តិយសសាខាសមគមនារីខេត្ត លោកជំទាវ ប៉ាង រ៉ាវី អភិបាលរងខេត្ត និងជាប្រធានសាខាសមគមនារីខេត្ត និងមានការចូលរួមពីប្រធាន អនុប្រធាន សមាជិកសាខាសមាគមនារីកម្ពុជាដើម្បីសន្តិភាពនិងអភិវឌ្ឍន៍ខេត្ត គ្រូពេទ្យ និងគ្រូបង្រៀនជាច្រើនរូប ដែលពិធីនេះធ្វើឡើងនៅសាលប្រជុំសាលាខេត្តព្រះវិហារ ។

  បន្ទាប់ពីលោកជំទាវ ប៉ាង រ៉ាវី អភិបាលរងខេត្ត មានមតិស្វាគមន៍រួចមក លោកជំទាវខួយ ប៊ុនថាន បានឱ្យដឹងថា ពិធីសំណេះសំណាលនៅថ្ងៃនេះ គឺដើម្បីលើកទឹកចិត្តស្ត្រីដែលបានខិតខំប្រឹងប្រែងអនុវត្តការងាររយៈពេលកន្លងមក។លោកជំទាវបាន បន្តថា មកដល់ពេលនេះ សមាគមនារីកម្ពុជាដើម្បីសន្តិភាព និងអភិវឌ្ឍន៍ មានរយ:ពេលច្រើនឆ្នាំហើយ ដែលជាអង្គការមហាជនមួយត្រូវបានបង្កើតឡើងតាំងពីថ្ងៃទី០២ ខែធ្នូ ឆ្នាំ១៩៧៨ ក្រោមទង់រណសិរ្សសាមគ្គីសង្គ្រោះជាតិកម្ពុជា ដែលពេលនោះ សមាគមមានឈ្មោះថា « សមាគមនារី សង្គ្រោះជាតិ » ក្រោយមកបានប្តូរឈ្មោះជាបន្តបន្ទាប់ និង កែសម្រួលរចនាសម្ព័ន្ធឱ្យមកជា «សមាគមនារីកម្ពុជា ដើម្បីសន្តិភាព និងអភិវឌ្ឍន៍» ដូចសព្វថ្ងៃនេះ ។

  មានមតិសំណេះសំណាលនាឱកាសនោះ លោកជំទាវ ចឹក ហេង បានថ្លែងកោតសរសើរដល់គ្រូពេទ្យ និងគ្រូបង្រៀនទាំងអស់ដែលបានខិតខំបំពេញការងារកន្លងមកបានយ៉ាងល្អប្រសើរ បើទោះបីប្រទេសកម្ពុជាយើងកំពុងប្រឈមនឹងការរីករាលដាលជំងឺកូវីដ-១៩ក្តី តែវិស័យអប់រំ និងវិស័យសុខាភិបាលក៏ដូចជាវិស័យផ្សេងៗទៀត នៅតែខិតខំប្រឹងប្រែ

ផ្សេងៗទៀត នៅតែខិតខំប្រឹងប្រែងបំពេញការងារបានយ៉ាងល្អប្រសើរ ។  លោកជំទាវក៏បានផ្តាំផ្ញើនិងលើកទឹកចិត្តក្រុមគ្រូពេទ្យ និងគ្រូបង្រៀនដែលជាស្ត្រីដែលបានចូលរួមក្នុងកម្មវិធីនេះ ត្រូវខិតខំពង្រឹងសមត្ថភាពរបស់ខ្លួនបន្ថែមទៀត ដើម្បីឱ្យកាន់តែមានប្រសិទ្ធភាពខ្ពស់ ប្រកបដោយគុណធម៌ និងចរិក លក្ខណៈថ្លៃថ្នូរ ក្នុងការបំពេញការងាររបស់ខ្លួន ដើម្បីចូលរួម

អភិវឌ្ឍប្រទេសយើងឱ្យកាន់តែមានការរីកចម្រើនបន្ថែមទៀត និងត្រូវបំផុសចលនាអប់រំផ្សព្វផ្សាយឱ្យបានទូលំទូលាយជាប្រចាំ តាមគ្រប់រូបភាព និងគ្រប់មធ្យោបាយ ខ្លឹមសារ សេច ក្តីសម្រេចនានារបស់រាជរដ្ឋាភិ បាល ៕


សម្ដេចតេជោ ហ៊ុន សែន៖ រដូវឃោសនាទាមទារកម្ពុជាក្រោម និងបញ្ចុះថ្លៃសាំង ជិតចូលមកដល់ទៀតហើយ

ចំនួនអ្នកទស្សនា: Views




 (ភ្នំពេញ)៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងថា រដូវទាមទារកម្ពុជាក្រោម និងការដេញថ្លៃសាំង ជិតចូលមកដល់ទៀតហើយ ព្រោះជិតដល់ពេលបោះឆ្នោត។ 

ការថ្លែងបែបនេះរបស់សម្ដេចតេជោ ហ៊ុន សែន ត្រូវបានលើកឡើងក្នុងសម្ពោធដាក់ដំណើរការជាផ្លូវការនូវអគារជំងឺត្រចៀក ច្រមុះ បំពង់ក មិត្តភាពកម្ពុជា-កូរ៉េ នៅមន្ទីរពេទ្យព្រះអង្គឌួង នាព្រឹកថ្ងៃចន្ទ ទី២៨ ខែមីនា ឆ្នាំ២០២២។ សម្តេចតេជោ ហ៊ុន សែន បានថ្លែងថា កម្ពុជាមិនវ៉ៃយកទឹកដីកម្ពុជាក្រោម ដែលបានបាត់បង់ក្នុងប្រវត្តិសាស្ត្រដ៏យូរលង់នោះឡើយ។ 

 នៅលើពិភពលោកនេះ ថ្លៃសាំងកំពុងកើនឡើង រាប់ទាំងប្រទេសផលិតប្រេងខ្លួនឯងផងដែរ ដូច្នេះរាជរដ្ឋាភិបាលបច្ចុប្បន្ន ក៏អត់មានសមត្ថភាពដោះស្រាយថ្លៃសាំងនោះដែរ។ 

 ការថ្លែងបែបនេះ គឺដោយសារមានអ្នកខ្លះចូលមកខំមិនថា «សុំឲ្យលើកទ័ពទៅវ៉ៃយកកម្ពុជាក្រោម»។ សម្ដេចថា «សូមទៅវ៉ៃខ្លួនឯងទៅ កម្ពុជាក្រោមបាត់តាំងពីជំនាន់ណាណីនោះ មកឲ្យហ៊ុនសែនទៅវ៉ៃយក។ 

និយាយរឿងស្នេហាជាតិ តើអ្នកណាស្នេហាជាតិជាងព្រះបរមរតនកោដ្ឋទៀត ម៉េចក៏ព្រះអង្គមិនទៅយកកាលពេលព្រះអង្គកាន់អំណាចចន្លោះឆ្នាំ១៩៥៣មកទល់ឆ្នាំ១៩៧០ ហើយលន់ណុលម៉េចក៏មិនទៅយកកាលឆ្នាំ១៩៧០ដល់ឆ្នាំ១៩៧៥»។ 

 សម្ដេចតេជោ ហ៊ុន សែន បានបញ្ជាក់ថា បញ្ហានេះគឺបានកើតឡើងកាលពីអតីតកាលមកម្ល៉េះ មិនអាចឲ្យសម្ដេចមកទទួលខុសត្រូវរែកពន់នោះទេ។

 សម្ដេចបានថ្លែងយ៉ាងដូច្នេះថា «បន្តិចទៀតរដូវទាមទារកម្ពុជាក្រោមមកដល់ ព្រោះជិតបោះឆ្នោត គេឈ្នះគេនឹងទៅយកកម្ពុជាក្រោម គេឈ្នះគេនឹងទៅយកកោះត្រល់»។ «បន្តិចទៀតក៏ដល់រដូវដេញថ្លៃសាំង បើខ្ញុំឈ្នះ ខ្ញុំនឹងបញ្ចុះតម្លៃសាំងឲ្យនៅត្រឹម២០០០រៀល ឬ៣០០០រៀល»។
 សម្ដេចបានហៅការឃោសនានេះថា «រដូវអួតអាង» ដោយសម្ដេចបានចំអកថា «តិចទៀតរដូវអួតអាងនឹងមកដល់»។ សូមជម្រាបថា ទឹកដីកម្ពុជាក្រោមត្រូវបានអាណានិគមបារាំងបានកាត់ផ្ទេរទៅឲ្យវៀតណាមនៅថ្ងៃទី៤ ខែមិថុនា ឆ្នាំ១៩៤៩៕